(ວີດີໂອ) ເກົາຫຼີເໜືອ ຕ້ອນຮັບຢ່າງຍິງໃຫຍ່ ເມື່ອຄັ້ງຜູ້ນຳ ສປປ.ລາວ ໄປຢ້ຽມຢາມ
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
![](https://blogger.googleusercontent.com/img/b/R29vZ2xl/AVvXsEg-6J4U6X-ZpL9NAc-nu0jrshtD15UZ7gSdlxFaxGmDq431K8fgdh7_qaEqmCD7-QwjSm3optvT3ls-2iZEEs1QQSQ51_E2B28pJNk0jngq7cR3-OLAxm6DkIFSYh_9MASCGJ6NbvZIVLE/s1600/621.jpg)
( ວິດີໂອ ຢູ່ຂ້າງລຸ່ມ) ໂດຍຕອບສະໜອງຕາມການເຊື້ອເຊີນຂອງທ່ານ ຄິມ ຈອງ ອິວ ເລຂາທິການໃຫຍ່ຄະນະບໍລິຫານງານສູນກາງພັກແຮງງານເກົາຫຼີ ປະທານຄະນະກຳມາທິການປ້ອງກັນຊາດ ແຫ່ງ ສປປ.ເກົາຫຼີ ໃນຂະນະນັ້ນ, ທ່ານ ຈູມມະລີ ໄຊຍະສອນ ເລຂາທິການໃຫຍ່ ຄະນະບໍລິຫານງານສູນກາງພັກປະຊາຊົນປະຕິບັດລາວ ປະທານປະເທດແຫ່ງ ສປປ.ລາວ ໃນຂະນະນັ້ນ ພ້ອມດ້ວຍຄະນະຜູ້ແທນຂັ້ນສູງຂອງ ສປປ.ລາວ ໄດ້ໄປຢ້ຽມຢາມສັນຖະວະໄມຕີກັບ ສປປ.ເກົາຫຼີ ຢ່າງເປັນທາງການໃນວັນທີ 21-23 ກັນຍາ 2011.
ຄະນະຜູ້ແທນຂັ້ນສູງພັກ-ລັດທີ່ຕິດຕາມທ່ານເລຂາທິການໃຫຍ່ປະກອບມີ ທ່ານ ປອ. ທອງລຸນ ສີສຸລິດ ລັດຖະມົນຕີວ່າການກະຊວງການຕ່າງປະເທດ, ທ່ານ ປອ. ບຸນປອນ ບຸດຕະນະວົງ ຫົວໜ້າຫ້ອງວ່າການສູນກາງພັກ, ທ່ານ ເຈືອງ ສົມບູນຂັນ ຫົວໜ້າຄະນະໂຄສະນາອົບຮົມສູນກາງພັກ ແລະ ບັນດາລັດຖະມົນຕີວ່າການ ແລະ ຊ່ວຍວ່າການ ພ້ອມນັກວິຊາການຈາກຂະແໜງການຕ່າງໆອີກຈຳນວນໜຶ່ງ. (ຕຳແໜ່ງໃນຂະນະນັ້ນ)
ໃນໂອກາດສຳຄັນດັ່ງກ່າວ ຜູ້ນຳສູງສຸດຂອງສອງປະເທດໄດ້ທົບທວນຄືນເຖິິງມູນເຊື້ອແຫ່ງຄວາມສາມັກຄີມິດຕະພາບ ແລະ ການຊ່ວຍເຫຼືອສະໜັບສະໜູນເຊິ່ງກັນ ແລະ ກັນ ລະຫວ່າງ ສປປ.ລາວ ແລະ ສປປ.ເກົາຫຼີ ທີ່ມີປະທານ ໄກສອນ ພົມວິຫານ ຜູ້ນຳທີ່ເຄົາລົບຮັກຂອງປະຊາຊົນລາວ ແລະ ປະທານ ຄິມ ອິວ ຊຸງ ຜູ້ນຳທີ່ຍິ່ງໃຫຍ່ຂອງປະຊາຊົນເກົາຫຼີ ເປັນຜູ້ລິເລີ່ມໃນຊຸມປີ 60, ຕີລາຄາສູງຕໍ່ການພັດທະນາຢ່າງຕໍ່ເນື່ອງຂອງການພົວພັນຖານອ້າຍນ້ອງດັ່ງກ່າວ ພ້ອມທັງໃຫ້ຄຳຢືນຢັນຮ່ວມກັນທີ່ຈະສືບຕໍ່ປົກປັກຮັກສາ ແລະ ເສີມຂະຫຍາຍໃຫ້ຂຶ້ນສູ່ລະດັບໃໝ່ ເພື່ອຜົນປະໂຫຍດອັນຍາຍນານຂອງປະຊາຊົນສອງປະເທດ ສປປ.ລາວ ແລະ ສປປ.ເກົາຫຼີ.
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
ສະແດງຄວາມຄິດເຫັນ