ສະຫະລັດ ອາເມຣິກາ ຄືຜູ້ກໍ່ການຮ້າຍຕົວຈິງ ທ່ານ ຄິມ ຈອງ-ອຶນ ກ່າວພາຍຫຼັງການໂຈມຕີຊີຣີ
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
![](https://blogger.googleusercontent.com/img/b/R29vZ2xl/AVvXsEhLJzx5QFuIUylaRvzYGk0tjX98JHLfzpWdFbt4LKESC6lXq7gwzE_HDhX2JUKPY7wJsFuoOZ0ZQHH1iA5a8TGkFYalkYMmYzfvwuSL2iFI4CicVPHnrZ_vwxQH_9ctRbM33ALgUl9o1w0/s1600/514.jpg)
ສຳນັກຂ່າວຕ່າງປະເທດລາຍງານ 9 ເມສາ 2017 ວ່າ: ທາງການຂອງເກົາຫຼີເໜືອ ໄດ້ມີການເຜີຍແຜ່ຖະແຫຼງການຂອງທ່ານ ຄິມ ຈອງ-ອຶນ ຜູ້ນຳສູງສຸດຂອງເກົາຫຼີເໜືອ ທີ່ໄດ້ອອກມາປະນາມການກະທຳຂອງທ່ານ ໂດໂນ ທຣຳ ປະທານາທິບໍດີ ສະຫະລັດອາເມຣິກາ ທີ່ໄດ້ອະນຸມັດຄຳສັ່ງໃຫ້ກອງທັບສະຫະລັດອາເມຣິກາ ໃຊ້ຂີປະນາວຸດໂຈມຕີຖານທັບອາກາດຂອງປະເທດຊີຣີ ໂດຍໄຮ້ມະນຸດສະທຳ ແລະ ບໍ່ເຄົາລົບກົດໝາຍລະຫວ່າງປະເທດ.
ໂດຍທ່ານ ຄິມ ຈອງ-ອຶນ ລະບຸຕື່ມອີກວ່າ ສະຫະລັດອາເມຣິກາ ຄືຜູ້ກໍ່ການຮ້າຍຕົວຈິງ ບໍ່ວ່າຈະເຫດການສົງຄາມອິຣັກ ທີ່ສະຫະລັດອາເມຣິກາພະຍາຍາມກ່າວຫາອະດີດປະທານາທິບໍດີຊັດດຳ ຮຸສເຊັນ ຂອງອິຣັກ ວ່າຄອບຄອງອາວຸດນິວເຄຼຍ ແຕ່ໃນຄວາມເປັນຈິງ ສະຫະລັດຕ້ອງການປົ້ນຊັບພະຍາກອນນໍ້າມັນ ແລະ ຄຳໃນອິຣັກເທົ່ານັ້ນ.
ຜ່ານມາຫຼາຍທົດສະວັດ ສະຫະລັດອາເມຣິກາ ກໍ່ຍັງພະຍາຍາມກໍ່ສົງຄາມ ສ້າງແຕ່ຄວາມເສຍຫາຍ ໂດຍບໍ່ສົນໃຈວ່າບ້ານເມືອງປະເທດອື່ນຕ້ອງພັງທະລາຍ ຫຼື ບໍ່ ຂໍພຽງແຕ່ໄດ້ຂາຍອາວຸດ ຫຼື ໄດ້ຊັບພະຍາກອນໃນປະເທດນັ້ນໆ ສະຫະລັດອາເມຣິກາກໍ່ພໍໃຈແລ້ວ ແລະ ຊີຣີກໍ່ເປັນອີກປະເທດໜຶ່ງທີ່ກຳລັງຈະພັງພິນາດຄືກັບອິຣັກທີ່ຜ່ານມາ.
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
ສະແດງຄວາມຄິດເຫັນ