ທ່າເຮືອກຳປັ່ນ "ລາວ" ໃນດິນແດນຫວຽດນາມ
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
![](https://blogger.googleusercontent.com/img/b/R29vZ2xl/AVvXsEgK3H-Pcef0R-ZOwjUehEKd5rb6g48Ym9yauSCgkeR39VAsB0AF_6JFsomP2iIKdXDD3C9gH7BgmWgelP5JpDHpNOEdaO9A8IAnZueclZ5TqIT1gd5jLBOuR91QF7H6nkf_SSqrA902rcE/s1600/612.jpg)
ບົນຈິດໃຈແຫ່ງຄວາມສາມັກຄີມິດຕະພາບແບບພິເສດ ແລະ ການຮ່ວມມືຢ່າງຮອບດ້ານລະຫວ່າງສອງພັກສອງລັດ ແລະ ປະຊາຊົນລາວ-ຫວຽດນາມ ໂດຍປະຕິບັດຕາມຂໍ້ຕົກລົງລະຫວ່າງລັດຖະບານລາວ ແລະ ລັດຖະບານຫວຽດນາມກ່ຽວກັບການຄຸ້ມຄອງ ແລະ ນຳໃຊ້ທ່າເຮືອຫວຸ່ງອ່າງ ແຂວງຮ່າຕິ່ງ ສສ.ຫວຽດນາມ ທີ່ນະຄອນໂຮຈີມິນ ໃນວັນທີ 20 ກໍລະກົດ 2001 ແລະ ໄດ້ມີຄວາມພະຍາຍາມສູງພ້ອມກັນຈັດຕັ້ງປະຕິບັດເນື້ອໃນຈິດໃຈຂອງຂໍ້ຕົກລົງດັ່ງກ່າວໃຫ້ປະກົດຜົນເປັນຈິງ.
ມາຮອດວັນທີ 16 ເມສາ 2010 ໄດ້ມີການລົງນາມສັນຍາຮ່ວມທຸລະກິດວ່າດ້ວຍການສ້າງຕັ້ງບໍລິສັດຮຸ້ນສ່ວນທ່າເຮືອຫວຸ່ງອ່າງ ຫວຽດ-ລາວ ໂດຍຜ່ານການເຄື່ອນໄຫວດຳເນີນທຸລະກິດແຕ່ມື້ສ້າງຕັ້ງເປັນຕົ້ນມາຕາມຕົວເລກສະຖິຕິເຫັນວ່າມີການຂະຫຍາຍຕົວຢ່າງຕໍ່ເນື່ອງ ໂດຍໃນປີ 2013 ມີສິນຄ້າຜ່ານທ່າເຮືອດັ່ງກ່າວເຖິງ 198,966 ໂຕນ ສ້າງລາຍຮັບໄດ້ 20,754 ລ້ານດົງ.
ສິນຄ້າຜ່ານທ່າເຮືອຫວຸ່ງອ່າງນັບມື້ນັບເພີ່ມຂຶ້ນ ມັນໄດ້ເປີດໂອກາດໃຫ້ປະເທດຈາກລາວປະເທດບໍ່ມີຊາຍແດນຕິດກັບທະເລໃຫ້ກາຍເປັນທາງຜ່ານເພື່ອໄປຫາທ່າເຮືອດັ່ງກ່າວ ເຊິ່ງຖືໄດ້ວ່າເປັນຈຸດໜຶ່ງທີ່ເປັນທາງອອກສູ່ທະເລທີ່ມີຄວາມສຳຄັນຂອງລາວ ເຮັດໃຫ້ສາມາດເຊື່ອມຕໍ່ກັບສາກົນໄດ້ດີຂຶ້ນ.
ມາເຖິງປີ 2015 ທ່າເຮືອຫວຸ່ງອ່າງມີ 2 ທ່າທຽບເຮືອທີ່ໃຫ້ການບໍລິການ ເຊິ່ງມັນບໍ່ສາມາດຕອບສະໜອງໄດ້ຢ່າງພຽງພໍກັບຄວາມຮຽກຮ້ອງຕ້ອງການທີ່ນັບມື້ນັບເພີ່ມຂຶ້ນຢ່າງກ້າວກະໂດດຂອງສິນຄ້ານຳເຂົ້າ-ສົ່ງອອກຜ່ານແດນຂອງລາວ.
![](https://blogger.googleusercontent.com/img/b/R29vZ2xl/AVvXsEj55xU2xFLJv9YYPopqDvQPGisgnidm24L4_nSB84C60HhADHXdkW4EmcrIGiE9XBBNhyphenhyphenJ7o6j1q9jlLAA1U1GcbxBfp4TBe8a2BcLOfuc63iU8hz4NHzcKtW_69Gqh03l6iXleS_sUwz4/s1600/611.jpg)
ດັ່ງນັ້ນ, ມາຮອດວັນທີ 22 ກັນຍາ 2015 ຈຶ່ງໄດ້ມີການສ້າງທ່າທຽບເຮືອທີ 3 ຂອງທ່າເຮືອຫວຸ່ງອ່າງ ຫວຽດນາມ-ລາວຂຶ້ນຕື່ມ ໂດຍມີມູນຄ່າການກໍ່ສ້າງສູງເຖິງ 45.4 ພັນລ້ານໂດລາສະຫະລັດ ມີເນື້ອທີ່ 4.39 ເຮັດຕາ ເພື່ອອຳນວຍຄວາມສະດວກໃນການບໍລິການໃຫ້ແກ່ສິນຄ້າຜ່ານແດນຂອງລາວ ໃຫ້ຜ່ານທ່າເຮືອໄດ້ສະດວກ ແລະ ວ່ອງໄວຂຶ່ນ ນອກນີ້ຍັງຊ່ວຍຫຼຸດຜ່ອນຄວາມແອອັດຂອງສິນຄ້າທີ່ຜ່ານທ່າເຮືອຫວຸ່ງອ່າງອີກດ້ວຍ.
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
ສະແດງຄວາມຄິດເຫັນ