ບັງກະລາເທດອົບພະຍົບປະຊາຊົນກວ່າ 1 ລ້ານຄົນຢ່າງເລັ່ງດ່ວນ ໜີພາຍຸໄຊໂຄນໂມຣາ
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
![](https://blogger.googleusercontent.com/img/b/R29vZ2xl/AVvXsEj9XrScnzzue_iJUk4YWFsMAaWj0MUCnFiWbGIhs4FJap8sezpn05-FaFi4-yyRih9bSKFml_62EDs_cq0GIaW5iuxoSCW8XKIaJOU_HQL8PMzvmVeOCr-fAZodW17wnbWHzr_IJhoaiWU/s1600/98.jpg)
ສຳນັກຂ່າວຕ່າງປະເທດລາຍງານຈາກນະຄອນຫຼວງທາກາ ປະເທດບັງກະລາເທດ 30 ພຶດສະພາ 2017 ວ່າ: ສຳນັກງານເຕືອນໄພພິບັດແຫ່ງຊາດບັງກະລາເທດປະກາດເຕືອນໄພອັນຕະລາຍຈາກພາຍຸໄຊໂຄນໂມຣາໃນ "ລະດັບ 10" ເຊິ່ງເປັນລະດັບສູງສຸດ ຄວບຄຸມເຂດຊາຍຝັ່ງເບື້ອງຕາເວັນອອກຂອງປະເທດທັງໝົດ ລວມເຖິງເມືອງຄັອກບາຊາ ທີ່ເປັນເມືອງສຳຄັນທາງພາກໃຕ້ຂອງປະເທດດ້ວຍ ເນື່ອງຈາກເຂດດັ່ງກ່າວເປັນເຂດລຸ່ມນ້ຳ ສ່ວນໃນເຂດຊາຍຝັ່ງເບື້ອງຕາເວັນຕົກໃຊ້ຄຳສັ່ງເຕືອນໄພລະດັບ 8 ໂດຍຂໍໃຫ້ປະຊາຊົນທັງໝົດໃນເຂດເຕືອນດັ່ງກ່າວທີ່ມີຢູ່ຫຼາຍກວ່າ 1 ລ້ານຄົນອົບພະຍົບໜີກ່ອນພາຍຸຈະຂຶ້ນຝັ່ງໃນມື້ນີ້ (ອັງຄານ 30 ພຶດສະພາ 2017).
![](https://blogger.googleusercontent.com/img/b/R29vZ2xl/AVvXsEgeQSylH14tLTyHa3VH3We-enrMa5I3fLYAAJ8RAP8jG1DkybPuKWp5TOO4xm0aqJH9tleMVN-bTHPrJ80Xg29kCY3maPKJAFfYzG0q1hMeoMF88lPz4eA_68Tk1Pip-CXBhLnUaSk4btg/s1600/97.jpg)
ເຊິ່ງສຳນັກງານອຸຕຸນິຍົມວິທະຍາແຫ່ງຊາດບັງກະລາເທດລາຍງານວ່າ ໄຊໂຄນໂມຣາຢູ່ຫ່າງຈາກເມືອງຈິດຕະກອງປະມານ 385 ກິໂລແມັດ ແລະ ເຄື່ອນທີ່ດ້ວຍຄວາມໄວລົມໃກ້ສູນກາງລະຫວ່າງ 89-117 ກມ ພ້ອມທັງເຕືອນໄພການເກີດຄື້ນສູງປະມານ 1.2-1.5 ແມັດ ແລະ ຂໍໃຫ້ເຮືອປະມົງງົດອອກຈາກຝັ່ງໃນໄລຍະນີ້.
![](https://blogger.googleusercontent.com/img/b/R29vZ2xl/AVvXsEjFLq89p1Xq_K7z7cEeodsC1YHvDxgp2IRV8mAxtacTqOzmWWrgigedl5A2-LitITF6y8UjDb7USGvkhNRqouVaKbyXox-zpL-QHU_cFeg_rySERKrYGLGImuf7dvzAlhKsKzuuXKT0skY/s1600/96.jpg)
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
ສະແດງຄວາມຄິດເຫັນ