ຈີນທຸ້ມງົບປະມານມະຫາສານໃສ່ໂຄງການ ໜຶ່ງແລວທາງ ໜຶ່ງເສັ້ນທາງ
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
![](https://blogger.googleusercontent.com/img/b/R29vZ2xl/AVvXsEjHJ73X5cUhh-xWcfzID1aCIlSfxJoNMuoJJV9chUllknA1jtYZoMh3_f2zIpB03O6Z6-poBuZAJ13-pJDcbFMijcj16OENhW-vs4vBiLWuj5yIaGFZCn0Rc2d98vCwmvNvvcT-ViU1hVU/s1600/785.jpg)
ສຳນັກຂ່າວຕ່າງປະເທດລາຍງານ 14 ພຶດສະພາ 2017 ວ່າ: ນະໂຍບາຍໜຶ່ງແລວທາງ ໜຶ່ງເສັ້ນທາງ ນີ້ເປັນແຜນການທີ່ສຳຄັນຂອງທ່ານ ສີ ຈິນຜິງ ປະທານປະເທດຈີນ ທີ່ໄດ້ເລີ່ມຂຶ້ນເມື່ອປີ 2013 ເຊິ່ງຈະເຊື່ອມຈອດເສັ້ນທາງການຄ້າລະຫວ່າງຈີນກັບພູມມິພາກອາຊີ, ອາຟຣິກາ ແລະ ເອີຣົບ ໂດຍອ້າງອີງຈາກເສັ້ນທາງສາຍໄໝໃນອະດີດ ເຊິ່ງຄັ້ງນີ້ໃຊ້ພື້ນຖານໂຄງລ່າງເປັນຕົວນຳໃນການພັດທະນາຄວບຄຸມ 65 ປະເທດ ກວມເອົາ 60% ຂອງປະຊາກອນໂລກ ແລະ ປະມານ 1 ໃນ 3 ຂອງຜະລິດຕະພັນມວນລວມຂອງໂລກ (GDP)
ປ.ສີ ກ່າວປາໄສໃນພິທີໄຂກອງປະຊຸມປຶກສາຫາລືລະດັບສູງວ່າດ້ວຍການຮ່ວມມືສາກົນ ໜຶ່ງແລວທາງ ໜຶ່ງເສັ້ນທາງ ຢູ່ນະຄອນຫຼວງປັກກິ່ງ ມື້ນີ້ (14 ພຶດສະພາ) ໄດ້ເນັ້ນເຖິງບົດບາດຂອງນະໂຍບາຍ "ໜຶ່ງແລວທາງ ໜຶ່ງເສັ້ນທາງ" ໃນການເປັນເຂດການຮ່ວມມືເພື່ອສົ່ງເສີມການເຕີບໃຫຍ່ຂອງເສດຖະກິດໂລກ ໃນຮູບແບບເສດຖະກິດດແບບເປີດ ໂດຍກ່າວວ່າ ທະນາຄານເພື່ອພັດທະນາຈີນ (CDB) ແລະ ທະນາຄານເພື່ອການສົ່ງອອກ ແລະ ນຳເຂົ້າຈີນ ກຽມເງິນກູ້ຢືມສຳລັບໂຄງການພັດທະນາພາຍໃຕ້ນະໂຍບາຍນີ້ລວມ 380,000 ລ້ານຢວນ ແລະ ລັດຖະບານຈີນກຽມອັດສີດເງິນເຂົ້າສູ່ກອງທຶນໜຶ່ງແລວທາງໜຶ່ງເສັ້ນທາງອີກ 100,000 ລ້ານຢວນ ລວມທັງເງິນຊ່ວຍເຫຼືອອີກ 60,000 ລ້ານຢວນ ສຳລັບປະເທດກຳລັງພັດທະນາໃນເສັ້ນທາງນີ້.
![](https://blogger.googleusercontent.com/img/b/R29vZ2xl/AVvXsEiCFzZUWJkw0CeEeZ4OzfCXmLjX4IFnZZA-J7kOXxkXvUCVI7pvgn5OdYptYkf4BydTcLS2phWl8zJ-OyE-kX0c8gum5Uu_-Fzh3FQ9tdY5aPaazj59fnmIzhSH9uMvwx1TUIrrFg-s-e0/s1600/786.jpg)
ນະໂຍບາຍນີ້ຖືກໃຊ້ເປັນທາງອອກສຳລັບບັນຫາການຜະລິດເກີນຂອງອຸດສາຫະກຳຈີນ ແລະ ຍັງມີບົດບາດໃນດ້ານພູມສາດການເມືອງຂອງລັດຖະບານຈີນອີກດ້ວຍ, ທ່ານນາງ ບອນນີ ເກວເຊີ້ ຜູ້ຊ່ຽວຊານຈາກສູນຍຸດທະສາດ ແລະ ການຕ່າງປະເທດສຶກສາ (CSIS) ກ່າວວ່າ "ໜຶ່ງແລວທາງ ໜຶ່ງເສັ້ນທາງ" ມີຈຸດມຸ່ງໝາຍເພື່ອເສີມສ້າງເຄືອຂ່າຍການເພິ່ງພາທາງເສດຖະກິດລະຫວ່າງຈີນກັບປະເທດເພື່ອນບ້ານ ເຊິ່ງລັດຖະບານຈີນຫວັງທີ່ຈະປ່ຽນມັນໄປສູ່ອິດທິພົນທາງການເມືອງໃນອະນາຄົດ.
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
ສະແດງຄວາມຄິດເຫັນ