ເກົາຫຼີໃຕ້, ຍີ່ປຸ່ນ ປະນາມເກົາຫຼີເໜືອໃນການທົດລອງອາວຸດຄັ້ງໃໝ່ໃນມື້ນີ້
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
![](https://blogger.googleusercontent.com/img/b/R29vZ2xl/AVvXsEjLch9QDYJMW2F0Z-KgJmL9qioUOGVuFu4hR8bxKOXTKyha9i7uU-WuyUzLmK1RGDW37qhvCMOkC4iOOsLmr-_fyabUmQVwH5h1RADsmbP58UCDSxZn_Qevf2Fl1tfYYk6p3fk_UcdsivU/s1600/783.jpg)
ສຳນັກຂ່າວຕ່າງປະເທດລາຍງານ 14 ພຶດສະພາ 2017 ວ່າ: ທ່ານ ຢູນ ຢັງຊານ ໂຄສົກປະຈຳທຳນຽມປະທານປະເທດເກົາຫຼີໃຕ້ ຖະແຫຼງວ່າ ທ່ານ ມູນ ແຈອິນ ປະທານປະເທດເກົາຫຼີໃຕ້ ໄດ້ຮຽກປະຊຸມສຸກເສີນສະພາຄວາມໝັ້ນຄົງແຫ່ງຊາດເປັນຄັ້ງທຳອິດ ໃນຖານະຜູ້ນຳປະເທດ ເພື່ອປຶກສາຫາລືເຖິງການທົດລອງຂີປະນາວຸດຄັ້ງໃໝ່ຂອງເກົາຫຼີເໜືອ.
ລະຫວ່າງການປະຊຸມທ່ານ ມູນ ໄດ້ກ່າວວ່າ ຮູ້ສຶກເສຍໃຈຢ່າງຍິ່ງຕໍ່ການຍຸຍົງຄັ້ງຫຼ້າສຸດຂອງລັດຖະບານເກົາຫຼີເໜືອ ເຖິງແມ່ນວ່າເກົາຫຼີໃຕ້ຈະຍັງເປີດໂອກາດເຖິງຄວາມເປັນໄປໄດ້ທີ່ຈະມີການເຈລະຈາກັບເກົາຫຼີເໜືອ ແຕ່ການເຈລະຈາຈະເກີດຂຶ້ນໄດ້ກໍ່ຕໍ່ເມື່ອ ເກົາຫຼີເໜືອສະແດງໃຫ້ເຫັນວ່າມີແນວຄິດທີ່ປ່ຽນແປງ.
ເຊິ່ງເກົາຫຼີເໜືອ ໄດ້ມີການທົດລອງຂີປະນາວຸດອີກຄັ້ງ ໃນຕອນເຊົ້າຂອງມື້ນີ້ ໂດຍຂີປະນາວຸດຖືກຍິງຈາກເຂດເມືອງຄູຊອງ ແຂວງປຽງກັນເໜືອ ກ່ອນຈະໄປຕົກໃນທະເລຍີ່ປຸ່ນ ທີ່ຢູ່ຫ່າງອອກໄປປະມານ 700 ກິໂລແມັດ.
![](https://blogger.googleusercontent.com/img/b/R29vZ2xl/AVvXsEhSskO_fgv_R8ZYo2s6QnK8MjlrUXm79yqRjILuIeTy6msTH-33WkvxASLILTVmvRsqeTnTXbJgfvJGwqB_CPRI1A2kmWibl-gu3s0KgFGxSz-x9vIYL0sl1kI94JYYVmHrl7rgs2BBJXI/s1600/784.jpg)
ໃນດ້ານຂອງທ່ານ ຊິນໂຊ ອາເບະ ຜູ້ນຳຍີ່ປຸ່ນ ກໍ່ໄດ້ຖະແຫຼງການປະນາມການກະທຳຄັ້ງນີ້ຂອງເກົາຫຼີເໜືອ ແລະ ກ່າວວ່າ ເປັນເລື່ອງທີ່ຍອມຮັບບໍ່ໄດ້ຢ່າງຍິ່ງ ການທົດລອງຂີປະນາວຸດຊໍ້າແລ້ວຊໍ້າອີກຂອງເກົາຫຼີເໜືອ ເປັນໄພຮຸກຮານຢ່າງຮ້າຍແຮງຕໍ່ຍີ່ປຸ່ນ ແລະ ເປັນການລະເມີດມະຕິສະຫະປະຊາຊາດຢ່າງຊັດເຈນ.
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
ສະແດງຄວາມຄິດເຫັນ