ຕາບໃດທີ່ "ສະຫະລັດອາເມຣິກາ" ຍັງເປັນປໍລະປັກ ເກົາຫຼີເໜືອ ພ້ອມທົດລອງນິວເຄຼຍທຸກທີ່ທຸກເວລາຫາກຜູ້ນຳສັ່ງ
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
![](https://blogger.googleusercontent.com/img/b/R29vZ2xl/AVvXsEhmAQi2xEnvVlEkqLK33VPDa9NlcfqIscWJHjbM1LMecYnGmH8I4f_VIF6HMvAVoBBhl5R6s42L-E1NSqWmNQxYL9Dv0zEhyphenhyphenG7xJzO5g7c2BmTn6kdRt8zTAuCLy8CHcjRIvkAYEkAwKac/s1600/27.jpg)
ສຳນັກຂ່າວ KCNA ຂອງທາງການເກົາຫຼີເໜືອລາຍງານ ໂດຍອ້າງຄຳກ່າວຂອງໂຄສົກກະຊວງການຕ່າງປະເທດໃນມື້ນີ້ (1 ພຶດສະພາ) ເກົາຫຼີເໜືອພ້ອມຕອບໂຕ້ທຸກທາງເລືອກຂອງສະຫະລັດອາເມຣິກາ ແລະ ຈະເດີນໜ້າເພີ່ມຂີດຄວາມສາມາດທາງດ້ານນິວເຄຼຍຕາບໃດທີ່ສະຫະລັດອາເມຣິກາຍັງບໍ່ຢຸດຕິນະໂຍບາຍເປັນປໍລະປັກກັບເກົາຫຼີເໜືອ, ມາດຕະການສົ່ງເສີມກອງກຳລັງນິວເຄຼຍໃຫ້ມີຄວາມສາມາດສູງສຸດຈະດຳເນີນໄປຢ່າງຕໍ່ເນື່ອງ ແລະ ທຸກທີ່ທຸກເວລາຕາມການຕັດສິນໃຈຂອງຜູ້ນຳສູງສຸດ ຄຳກ່າວຂອງໂຄສົກເກົາຫຼີເໜືອໃນຄັ້ງນີ້ມີທິດທາງສື່ເຖິງການທົດລອງນິວເຄຼຍຄັ້ງໃໝ່ເຊິ່ງຈະເປັນຄັ້ງທີ 6 ແລະ ເປັນຄັ້ງທີ່ສະຫະລັດອາເມຣິກາຂູ່ວ່າຈະຕອບໂຕ້ດ້ວຍກຳລັງທະຫານຫາກເກີດຂຶ້ນຈິງ.
ເກົາຫຼີເໜືອເຄີຍມີການທົດລອງນິວເຄຼຍມາແລ້ວ 5 ຄັ້ງໃນໄລຍະ 11 ປີຜ່ານມາ ແລະ ເຊື່ອວ່າກຳລັງມີຄວາມຄືບໜ້າໃນການພັດທະນາຂີປະນາວຸດຕິດຫົວຮົບນິວເຄຼຍ ທີ່ສາມາດຍິງໄດ້ໄກເຖິງແຜ່ນດິນສະຫະລັດອາເມຣິກາຕາມທີ່ຫວັງໄວ້.
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
ສະແດງຄວາມຄິດເຫັນ