ໄຮໄລ້ ໄຊຊະນະຂອງທີມຊາດລັດເຊຍ 5-0 ນັດເປີດສະໜາມບານໂລກ 2018 ກັບ ຊາອູດິດ (ວິດີໂອ)
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
![](https://blogger.googleusercontent.com/img/b/R29vZ2xl/AVvXsEiTwFUdz12YWCWzVKIAhyphenhyphenlx35SFxoZEoGugnWWsWj1eLPj1qvjSSQE1Fee8g_fvf05HiIrGVb5vDkgQBdDfWuyvmQoDeDbNhEK5NijZHm6V49h0Ict2MBCLVudV_GaA2QMeb-X87Txopw0/s1600/1424.jpg)
ການແຂ່ງຂັນບານໂລກ 2018 ນັດເປີດສະໜາມ ໃນຮອບທຳອິດ ກຸ່ມ A ທີ່ສະໜາມລຸສນິກີ ສະເຕດ້ຽມ ນະຄອນຫຼວງມົດສະກູ ປະເທດລັດເຊຍ ເມື່ອວັນພະຫັດ 14 ມິຖຸນາ 2018 ທີ່ຜ່ານມາ ລັດເຊຍ ປະເທດເຈົ້າພາບພົບກັບ ອາຣັບບີ ຊາອູດິດ ເຄິ່ງເວລາທຳອິດເຈົ້າພາບ ທີ່ບໍ່ເຄີຍຊະນະມາ 7 ນັດຕິດຕໍ່ກັນ ສາມາດຫຼິ້ນເກມໄດ້ເໜືອກວ່າຢ່າງຊັດເຈນ ແລະ ອອກນຳໄປກ່ອນ 2-0 ຈາກ ຢູຣິ ກາຊິນສະກີ ນາທີທີ 12 ແລະ ເດນິສ ເຊີຣີເຊບ ນາທີທີ 43, ເຂົ້າສູ່ເຄິ່ງເວລາທີສອງ ລັດເຊຍຍັງເຮັດຜົນງານໄດ້ດີເລີດ ແລະ ນຳໄປເປັນ 3-0 ຈາກການເອົາຫົວຕີບານຂອງ ອາເຕມ ຊູບາ ນາທີທີ 71 ຈາກນັ້ນຊ່ວງທົດເວລາບາດເຈັບນາທີທີ 90+1 ເຊີຣີເຊບ ກໍ່ມາຍິງປະຕູທີ 2 ຂອງຕົນເອງ ແລະ ເປັນປະຕູໃຫ້ລັດເຊຍຂຶ້ນນຳຫ່າງ 4-0 ເທົ່ານັ້ນຍັງບໍ່ພໍ ໃນຊ່ວງທົດເວລາບາດເຈັບນາທີທີ 90+4 ອະເລັກຊານເດີ ໂກໂລວິນ ປັ່ນຟຣີຄິກເຂົ້າປະຕູໃຫ້ລັດເຊຍ ຊະນະຢ່າງຂາດລອຍ 5-0 ເກັບ 3 ຄະແນນໄປຄອງຢ່າງສວຍງາມ.
ພາຍຫຼັງຈົບການແຂ່ງຂັນ, ທ່ານ ສະຕານິລາບ ເຊີເຊຊັອບ ຜູ້ຄຸມທີມຊາດລັດເຊຍ ໄດ້ຖະແຫຼງຂ່າວວ່າ: ໝັ້ນໃຈໃນລູກທີມວ່າຈະມີຄວາມຕັ້ງໃຈເຊັ່ນເດີມໃນນັດຕໍ່ໄປ ພາຍຫຼັງທີ່ມີບົດຮຽນມາແລ້ວໃນ FIFA Confederations Cup 2017 ທີ່ຊະນະໃນນັດເປີດສະໜາມເຊັ່ນກັນ ແຕ່ສຸດທ້າຍກໍ່ຢຸດຢູ່ທີ່ແຕ່ຮອບທຳອິດເທົ່ານັ້ນ.
ໃນລະຫວ່າງການໃຫ້ສຳພາດກັບນັກຂ່າວ ທ່ານ ສະຕານິລາບ ເຊີເຊຊັອບ ໄດ້ຢຸດນັກຮັບສາຍຈາກທ່ານ ປູຕິນ ປະທານປະເທດລັດເຊຍ ທີ່ໂທເຂົ້າມາສະແດງຄວາມຍິນດີ ແລະ ຝາກຂອບໃຈໄປຍັງນັກເຕະທີມຊາດທຸກຄົນ ທີ່ຮ່ວມແຮງຮ່ວມໃຈກັນສູ່ຈົນສາມາດຍາດໄດ້ໄຊຊະເໜືອ ອາຣັບບີ ຊາອູດິດ ຢ່າງງົດງາມ.
![](https://blogger.googleusercontent.com/img/b/R29vZ2xl/AVvXsEiGLlUFZVr-TVGv5vhwPVh5wr5RCOIQF-lO0ThR4WxITCPHmCYNIgzWPExkGCDqim1h3KFYMkUZatygayZF0FU6VR3LStLVEGnNJsFHzsJme5MoMOWorPn38PjdAtMTNRJaABqeWkSnqG4/s1600/1428.jpg)
![](https://blogger.googleusercontent.com/img/b/R29vZ2xl/AVvXsEh3JT4bFmQOktBgzE3ehnTxVg9YfvpuQdnD8aoOMG0XmaXNZL_ImxgvO2Xe1ivEK_t9bBZHz9qYn03qhQluFqojkZJsVOWm2PItriR9bbWqmqa9yks-YGrJiNA8u3vbxocRWVnj-uOL8kE/s1600/1426.jpg)
![](https://blogger.googleusercontent.com/img/b/R29vZ2xl/AVvXsEi6ewrkd8xAC_RAW2l2POJbzDidjVb9KoFnLdtCw6zSueHWhJKIAlVXV0UoISD5u8EVHB5W8ZC2lvxwMX062rjAEAztw9HMQvyJzP-gAnlVgWwMoHzUKLBTvrFHz95shawUHcwCqIRCKzg/s1600/1427.jpg)
![](https://blogger.googleusercontent.com/img/b/R29vZ2xl/AVvXsEjicIVG2-itYWHQvt2m6g8OciEaN3ldiyTZHyR0cNiyZNPZCzGFaD92XsWIQEKfEacwQeqDar3I4y-UqGKdRKqJMvwGHkpjntTY2wZEGsuzDIDszUqQrbIg04QLDyGmVo_U8VHSBlXKDRk/s1600/1425.jpg)
![](https://blogger.googleusercontent.com/img/b/R29vZ2xl/AVvXsEhq8VlkZbKM8s149CLnYO4Fy-VjeS0mnLUf09QANZ9Hg-CF3jb6LhYPcsEFxhKp3R4fYCMtxRnWfXdM23SvW5b2bizJ3D3VpI-pRID5ycYgqjieQIdD0ML4GzceIv5QonXJMokPaP_E-Rc/s1600/1423.jpg)
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
ສະແດງຄວາມຄິດເຫັນ