ການແຂ່ງຂັນບານໂລກ 2018 ທີ່ລັດເຊຍ ເປັນເຈົ້າພາບ ເປີດສາກຂຶ້ນຢ່າງເປັນທາງການ
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
![](https://blogger.googleusercontent.com/img/b/R29vZ2xl/AVvXsEiWC8csaWLclBTvjIkHecpVhz_LIRPL7CIiYPR2zTGcNjwyGX3hXGxC5hoEZ2vIvpkhKKknnN65ubHcXRq_V_z8p7upQ0hQRAJ_z6i-RVwbwg5jHdtCC8g1EhaE47b33NI-qfrwjLglloQ/s1600/1419.jpg)
ສຳນັກຂ່າວຕ່າງປະເທດລາຍງານ ເມື່ອວັນທີ 14 ມິຖຸນາ 2018 ວ່າ: ການແຂ່ງຂັນບານໂລກ 2018 ໄດ້ເປີດສາກຂຶ້ນແລ້ວຢ່າງຍິ່ງວໃຫຍ່ ທີ່ສະໜາມລຸສນິກີ ສະເຕດ້ຽມ ທີ່ມີຄວາມຈຸຜູ້ຊົມໄດ້ 81,000 ຄົນ ໃນນະຄອນຫຼວງມົດສະກູ ປະເທດລັດເຊຍ ເມື່ອເວລາ 21:30 ນາທີ ຂອງວັນພະຫັດ 14 ມິຖຸນາ 2018 ຕາມເວລາໃນປະເທດລາວ ໂດຍມີທ່ານ ປູຕິນ ປະທານປະເທດລັດເຊຍ ຮ່ວມເປັນປະທານໃນພິທີ.
![](https://blogger.googleusercontent.com/img/b/R29vZ2xl/AVvXsEhjuiF_o-mfRuVp9MnyQlBimUimgpUCx8EJKdiMUrWhTdRXowo_ygPMTIR6HmE2_FeTzOl-twUIALjTK4SVu5wxinUNaN_J_3y2GN-mHA3RJUHNlCqcMJhRArKLMwXeFhcdC-j4vZxgq8o/s1600/1422.jpg)
ສຳລັບພິທີເປີດຄັ້ງນີ້ ເນັ້ນໄປທີ່ການສະແດງປະກອບດົນຕີທີ່ສະທ້ອນໃຫ້ເຫັນເຖິງທຸກຢ່າງທີ່ເປັນລັດເຊຍ ໂດຍມີນັກສະແດງປະມານ 500 ຄົນ ແຕ່ຈຸດເດັ່ນຂອງງານແມ່ນຢູ່ທີ່ການສະແດງຈາກ ຣັອບບີ ວິນລຽມ ນັກຮ້ອງຊື່ດັ່ງຈາກອັງກິດ ທີ່ລົງສະແດງໂດຍການຮ້ອງເພງ Let Me Entertain You, Feel ແລະ Rock DJ ລວມທັງການສະແດງຂອງ ໄອດາ ກາຣິຟູລລິນາ ນັກຮ້ອງຊາວລັດເຊຍ, ປິດທ້າຍດ້ວຍການສະແດງອອກໄມ້ໄຟຢ່າງຍິ່ງໃຫຍ່.
ສຳລັບການສະແດງທັງໝົດໃຊ້ເວລາປະມານ 30 ນາທີ ຫຼື ພຽງເຄິ່ງຊົ່ວໂມງກ່ອນໜ້າທີ່ເກມການແຂ່ງຂັນນັດເປີດສະໜາມລະຫວ່າງເຈົ້າພາບລັດເຊຍ ພົບກັບ ອາຣັບບີ ຊາອູດິດ ຈະເລີ່ມເຂ່ຍບານໃນເວລາ 22:00 ຕາມເວລາໃນປະເທດລາວ.
![](https://blogger.googleusercontent.com/img/b/R29vZ2xl/AVvXsEjy4NSwFIUkTx_3-_1gcNwzPFeH1eqZKU0Aixx9vctOXB0unzcvIe84qeHzhq1Cu8AIfmOotEEgFyhN5AkNvpSAAorsjMTeA-jhZVAy2lcOM6Udl91N3xtvY6VVVh0H68kHbEzousra9n8/s1600/1420.jpg)
![](https://blogger.googleusercontent.com/img/b/R29vZ2xl/AVvXsEjegWjrb9X3wU9uXldQhEhUqfvzniG2RHOYoYEytyzL0kvIc0Ap51MDMQqDV0tGVw2ab5wI6H1e0fWpC6qQ0rLueuGizGJKdjrfo0nA17XyWkDI2UMZ422prMlJXTvqKUwzySQIB5WrC0Q/s1600/1421.jpg)
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
ສະແດງຄວາມຄິດເຫັນ