ລາວ-ຈີນ ລົງນາມຮ່ວມມື ເສດຖະກິດເຕັກນິກ, ການສຶກສາ, ພະລັງງານ ແລະ ອື່ນໆ
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
![](https://blogger.googleusercontent.com/img/b/R29vZ2xl/AVvXsEhMWrMi8FtZbVMJBN5kC-Pd3nqMoaiZxdz-j4sePiMjRLje5fYfgcDd_mmlFb-38UJSQldjNcS6ZZWpvddui8cF4QS1sitZ5acrfIlLE4Yj7LGHWdFe3JBEWPPtvBpseGR-oGbo6JTaMSw/s1600/907.jpg)
CRI ລາຍງານໃນວັນທີ 16 ພຶດສະພາຜ່ານມາ ຢູ່ນະຄອນຫຼວງປັກກິ່ງ, ທ່ານ ສີ ຈິ້ນຜິງ ປະທານປະເທດຈີນ ໄດ້ພົບປະກັບ ທ່ານ ບຸນຍັງ ວໍລະຈິດ ປະທານປະເທດລາວ ໃນໂອກາດເດີນທາງເຂົ້າຮ່ວມກອງປະຊຸມເວທີປຶກສາຫາລືສຸດຍອດການຮ່ວມມືສາກົນ "ໜຶ່ງແລວທາງ ໜຶ່ງເສັ້ນທາງ".
ໂອກາດດັ່ງກ່າວ, ທ່ານ ສີ ຈິ້ນຜິງ ໄດ້ສະແດງຄວາມຍິນດີຕ້ອນຮັບ ທ່ານ ບຸນຍັງ ທີ່ເຂົ້າຮ່ວມກອງປະຊຸມດັ່ງກ່າວ ແລະ ຢ້ຽມຢາມຈີນ ທັງສະແດງຄວາມຂອບໃຈລາວ ໂດຍສະເພາະສະຫາຍເລຂາທິການໃຫຍ່ທີ່ໄດ້ສະໜັບສະໜູນຈີນຈັດກອງປະຊຸມໃນຄັ້ງນີ້ຢ່າງແຂງແຮງ.
![](https://blogger.googleusercontent.com/img/b/R29vZ2xl/AVvXsEhKS0fz2LdNmDdz2PXJKnyEbtMHALRKS9CjsOWPHQUTaAQbUgaLYE76uB05lNvSWv4G507ijLUIUL8zjcsxx8jp2ABE4YRUeKfXNyyFkErPWIAxAVM5JhOisfkDrT0wm4IhP8ARtreR9Wk/s1600/908.jpg)
ຈີນຊົມເຊີຍລາວທີ່ຕັ້ງໜ້າສະໜັບສະໜູນ ແລະ ເຂົ້າຮ່ວມການສ້າງ "ໜຶ່ງແລວທາງ ໜຶ່ງເສັ້ນທາງ" ແລະ ພ້ອມຖືໂອກາດດັ່ງກ່າວ ລົງເລິກການຮ່ວມມືແບບຕ່າງຝ່າຍຕ່າງມີຜົນປະໂຫຍດລະຫວ່າງກັນ ເພື່ອບັນລຸການພັດທະນາ ແລະ ສ້າງອະນາຄົດທີ່ສົດໃສຮ່ວມກັນ.
ທ່ານ ບຸນຍັງ ວໍລະຈິດ ໄດ້ຊົມເຊີຍເວທີປຶກສາຫາລືສຸດຍອດການຮ່ວມມືສາກົນ "ໜຶ່ງແລວທາງ ໜຶ່ງເສັ້ນທາງ" ທີ່ໄດ້ຮັບໝາກຜົນຢ່າງຫຼວງຫຼາຍ ແລະ ເຊື່ອວ່າຈະສາມາດຊຸກຍູ້ການເຊື່ອມຈອດເຊິ່ງກັນ ແລະ ການ, ການເຕີບໃຫຍ່ທາງເສດຖະກິດຂອງອາຊີຢ່າງແຂງແຮງ ແລະ ນຳເອົາໂອກາດໃຫ້ແກ່ການພັດທະນາຂອງລາວຫຼາຍກວ່າເກົ່າ.
ຂະນະດຽວກັນ, ລາວກໍ່ໄດ້ຕີລາຄາສູງຕໍ່ໝາກຜົນຂອງການພັດທະນາສາຍພົວພັນຂອງສອງປະເທດ ແລະ ພໍໃຈຕໍ່ຄວາມຄືບໜ້າຂອງໂຄງການຮ່ວມມືໃຫຍ່ລະຫວ່າງສອງຝ່າຍພາຍໃຕ້ກອບ "ໜຶ່ງແລວທາງ ໜຶ່ງເສັ້ນທາງ" ແລະ ຫວັງຈະຮັກສາການຢ້ຽມຢາມລະຫວ່າງການນຳສອງພັກສອງລັດໃຫ້ແໜ້ນແຟ້ນ, ເພີ່ມທະວີການຖອດຖອນບົດຮຽນໃນການບໍລິຫານປະເທດ ແລະ ຍົກລະດັບຄວາມສາມາດພະນັກງານ, ລົງເລິກການຮ່ວມມືທາງເສດຖະກິດ, ການຄ້າ, ການລົງທຶນ, ການສ້າງພື້ນຖານໂຄງລ່າງ ແລະ ພັດທະນາທ້ອງຖິ່ນ ເພື່ອສ້າງຄວາມຜາສຸກໃຫ້ແກ່ປະຊາຊົນສອງປະເທດກໍ່ຄືພາກພື້ນນີ້.
![](https://blogger.googleusercontent.com/img/b/R29vZ2xl/AVvXsEhOe7cjmmxb4RBjPx4wt3BXF5K_MBTRKOOnx1GQhf1a08HkuwCv_60_P-8j0sTOFajHKQbpVQPlMtYK4PZGVXdcJ4JrAL4rYV6uh-jwDa8fM42qR89CV10wXeGAuHuAjNiQJVL5lrLT6mo/s1600/909.jpg)
ຫຼັງການພົບປະ, ປະມຸກລັດຂອງສອງປະເທດໄດ້ເປັນສັກຂີພິຍານໃນພິທີລົງນາມການຮ່ວມມືໃນຂົງເຂດການກໍ່ສ້າງ "ໜຶ່ງແລວທາງ ໜຶ່ງເສັ້ນທາງ", ເສດຖະກິດເຕັກນິກ, ການສຶກສາ, ພະລັງງານໄຟຟ້າ ແລະ ອື່ນໆ.
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
ສະແດງຄວາມຄິດເຫັນ