ປ.ທຣຳ ຖືກຕຳໜິ ທີ່ເປີດເຜີຍຂໍ້ມູນລັບສຸດຍອດເລື່ອງ IS ແກ່ລັດເຊຍ
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
![](https://blogger.googleusercontent.com/img/b/R29vZ2xl/AVvXsEj9xTcBvVhjHnj0y-i3IrUroUwvpQU8BciUyXxcijJqaF9LbZitMpLujgSIBfwPXyFEWBqwfeqltUkKf0LHvfTaQv3gVWEORq4JpE1WusOYZApzu4IxEXn_G-z58GX4qUJkN-Hq_epDaG4/s1600/905.jpg)
ສຳນັກຂ່າວຕ່າງປະເທດລາຍງານ 16 ພຶດສະພາ 2017 ວ່າ: ໃນລະຫວ່າງທ່ານ ໂດໂນ ທຣຳ ປະທານປະເທດສະຫະລັດອາເມຣິກາ ໄດ້ພົບປະກັບ ທ່ານ ເຊີເກ ລາຟຣັອບ (Sergei Lavrov) ລັດຖະມົນຕີກຊວງການຕ່າງປະເທດລັດເຊຍ ແລະ ທ່ານ ເຊີເກີ ຄິສລັກ (Sergei Kislyak) ເອກອັກຄະລັດຖະທູດລັດເຊຍປະຈຳສະຫະລັດ ທີ່ທຳນຽມຂາວ ໃນນະຄອນຫຼວງວໍຊິງຕັນ ເມື່ອອາທິດທີ່ຜ່ານມາ ປ.ທຣຳ ຜູ້ນຳສະຫະລັດໄດ້ເປີດເຜີຍຂໍ້ມູນຂ່າວກອງທີ່ມີ "ຄວາມລັບສູງ" ກ່ຽວກັບແຜນປະຕິບັດການຕໍ່ຕ້ານກຸ່ມ IS ໃນຊີຣີ ແລະ ອິຣັກ ເຊິ່ງລວມເຖິງຂໍ້ມູນຂ່າວກອງທີ່ໄດ້ມາຈາກແຫ່ງຂ່າວພັນທະມິດ.
ເຊິ່ງວ່າ ປ.ທຣຳ ຈະມີອຳນາດໃນການເປີດເຜີຍຂໍ້ມູນທີ່ມີຄວາມລັບສູງ ແຕ່ໃນກໍລະນີແບບນີ້ເປັນການກະທຳໂດຍປາສະຈາກການປຶກສາຫາລື "ພັນທະມິດ" ຜູ້ໃຫ້ຂໍ້ມູນ ເຊິ່ງຖືເປັນການສັ່ນຄອນຄວາມໜ້າເຊື່ອຖືຕໍ່ທຳນຽມຂາວໃນການຕົກລົງແລກປ່ຽນຂໍ້ມູນ.
ແລະ ຍັງມີລາຍງານວ່າ ປ.ທຣຳ ໂອ້ລົມນອກເໜືອຈາກບັນຫາທີ່ໄດ້ກຳນົດໄວ້ ໄດ້ເປີດເຜີຍລາຍລະອຽດຂໍ້ມູນກ່ຽວກັບໄພຮຸກຮານຈາກ IS ທີ່ກ່ຽວກັບການໃຊ້ຄອມພິວເຕີພົກພາຂຶ້ນເຮືອບິນ ເຊິ່ງສະຫະລັດມີແຜນກຽມຂະຫຍາຍມາດຕະການຫ້າມນ້ຳຄອມພິວເຕີພົກພາຂຶ້ນເຮືອບິນ ໃນຖ້ຽມບິນທີ່ຈະເດີນທາງໄປຍັງສະຫະລັດໃນຫຼາຍປະເທດທີ່ເປັນເຂດຄວາມຂັດຍແຍ່ງ ຫຼັງຈາກໄດ້ຂໍ້ມູນມາວ່າກຸ່ມກໍ່ການຮ້າຍກຳລັງພັດທະນາເຕັກນິກໃນການຕິດຕັ້ງລະເບີດໄວ້ໃນຄອມພິວເຕີແບບພົກພາ.
ລາຍງານຍັງລະບຸອີກວ່າ ພັນທະມິດຜູ້ໃຫ້ຂ່າວແກ່ສະຫະລັດ ບໍ່ໄດ້ອະນຸຍາດໃຫ້ລັດຖະບານສະຫະລັດແບ່ງປັນຂໍ້ມູນດັ່ງກ່າວແກ່ເຈົ້າໜ້າທີ່ລັດເຊຍ ການກະທຳຂອງ ປ.ທຣຳ ຈຶ່ງອາດສ້າງບັນຫາຕໍ່ການໃຫ້ຄວາມຮ່ວມມືຈາກພັນທະມິດທີ່ມີຄວາມລຶ້ງເຄີຍຢູ່ໃນກຸ່ມວົງໃນຂອງ IS
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
ສະແດງຄວາມຄິດເຫັນ