ໄວຣັສ WannaCry ທີ່ໂຈມຕີຄອມພິວເຕີທົ່ວໂລກ ເກົາຫຼີເໜືອ ອາດມີສ່ວນພົວພັນ
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
![](https://blogger.googleusercontent.com/img/b/R29vZ2xl/AVvXsEiAnN08XmrG1E5ntKaxMvD5J-QxW1oJQmBq1nPyqlnWy4h_0HfG4-WqrFrMxU58SguHhgIOAsslD3tL2ZClfNoD-VI0mPmRnuAWE1f_0lz8TCb8BDT4VOs_4Y5uq7qQn6nD5YgygLQgfGw/s1600/904.jpg)
ສຳນັກຂ່າວ Reuters ລາຍງານ 16 ພຶດສະພາ 2017 ວ່າ: Symantec (SYMC.O) ແລະ Kaspersky Lab ບໍລິສັດດ້ານຄວາມໝັ້ນຄົງທາງ Cyber ເປີດເຜີຍວ່າ ຈາກການກວດສອບ Code ຂອງ Malware "WannaCry" ລຸ້ນທຳອິດທີ່ຖືກໃຊ້ໃນການໂຈມຕີທາງ Cyber ທີ່ແຜ່ກະຈາຍໄປທົ່ວໂລກຕັ້ງແຕ່ວັນສຸກທີ່ຜ່ານມາ ພົບວ່າບາງສ່ວນເປັນ Code ທີ່ເຄີຍມີປາກົດໃນໂປຣແກຣມທີ່ຖືກໃຊ້ໂດຍ Lazarus Group ກຸ່ມແຮັກເກີ້ທີ່ຢູ່ເບື້ອງຫຼັງການໂຈມຕີລະບົບຄອມພິວເຕີຂອງບໍລິສັດໂຊນີ ເມື່ອປີ 2014 ແລະ ເຊື່ອວ່າກ່ຽວຂ້ອງກັບການໂຈລະກຳເງິນ 81 ລ້ານໂດລາສະຫະລັດ ຈາກທະນາຄານກາງບັງກລາເທດ ເຊິ່ງຜູ້ຊ່ຽວຊານເຊື່ອວ່າເປັນກຸ່ມທີ່ດຳເນີນການໂດຍລັດຖະບານເກົາຫຼີເໜືອ.
ທາງການສະຫະລັດ ແລະ ອີກຫຼາຍປະເທດໃນເອີຣົບ ໄປພະຍາຍາມຢ່າງເລັ່ງດ່ວນເພື່ອຫາທາງປ້ອງກັນບໍ່ໃຫ້ແຮັກເກີ້ປ່ອຍ Malware ລຸ້ນໃໝ່ອອກມາ ແລະ ມີລາຍງານຈາກທີ່ປຶກສາດ້ານຄວາມໝັ້ນຄົງຂອງສະຫະລັດອາເມຣິກາວ່າ ຂະນະນີ້ມີການກວດພົບ Malware ດັ່ງກ່າວໃນລຸ້ນທີ 3 ແລະ ຢືນຢັນວ່າບໍ່ມີໜ່ວຍງານໃດຂອງລັດຖະບານສະຫະລັດຖືກໂຈມຕີໃນຄັ້ງນີ້ ເຊິ່ງຂະນະນີ້ກຳລັງເລັ່ງສືບສວນຫາຕົວຄົນຮ້າຍເຊິ່ງຕັ້ງສົມມຸດຕິຖານໄວ້ 2 ກຸ່ມຄື: ລັດຖະບານຕ່າງປະເທດ ແລະ ກຸ່ມໂຈນ Cyber.
ມາຮອດປັດຈຸບັນນີ້ຕົວເລກຜູ້ໄດ້ຮັບຜົນກະທົບຈາກການໂຈມຕີຂອງ WannaCry ເພີ່ມເປັນກວ່າ 300,000 ລາຍ ໃນ 150 ປະເທດທົ່ວໂລກ ແຕ່ສະຖານະການໃນວັນຈັນທີ່ຜ່ານມາເລີ່ມດີຂຶ້ນ ເມື່ອທຽບກັບຊ່ວງວິກິດເມື່ອວັນສຸກທີ່ຜ່ານມາໂດຍມີຄອມພິວເຕີຖືກໂຈມຕີກວ່າ 9,000 ໜ່ວຍຕໍ່ຊົ່ວໂມງ ແລະ ມີລາຍງານຕື່ມອີກວ່າ ຮຸ້ນຂອງບໍລິສັດກຸ່ມຜູ້ໃຫ້ບໍລິການດ້ານຄວາມໝັ້ນຄົງທາງ Cyber ປັບຕົວສູງຂຶ້ນຢ່າງຊັດເຈນ.
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
ສະແດງຄວາມຄິດເຫັນ