ຜູ້ນຳຟິລິບປິນ ຫວັງວ່າລັດເຊຍຈະໃຫ້ການຊ່ວຍເຫຼືອໃນການປາບປາມກຸ່ມຫົວຮຸນແຮງ IS
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
![](https://blogger.googleusercontent.com/img/b/R29vZ2xl/AVvXsEh4wv6EX-pWcsotJa_Hsn4WaQkRSXas3-QUX1GQVTu6MRLYO9CExG8yRhdeFVaAye34UD-rm5Lr0tNl_Zhgzv5yaQrIee0PArWvDg0RYNhNnw-eUkqMqCNWEAHRsxGXeSrppV5uC4wh_B4/s1600/7.jpg)
ສຳນັກຂ່າວຕ່າງປະເທດລາຍງານ 24 ພຶດສະພາ 2017 ວ່າ: ທ່ານ ວະລາດິເມຍ ປູຕິນ ປະທານປະເທດລັດເຊຍ ໃຫ້ການຕ້ອນຮັບທ່ານ ໂຣດຼິໂກ ດູເຕເຕ ປະທານປະເທດຟິລິບປິນ ທີ່ທຳນຽມເຄຼມລິນ ເມື່ອວັນອັງຄານທີ່ຜ່ານມາ ເນື່ອງໃນໂອກາດທີ່ຜູ້ນຳຟິລິບປິນເດີນທາງຢ້ຽມຢາມລັດເຊຍຢ່າງເປັນທາງການ ໂດຍໜຶ່ງໃນບັນຫາທີ່ສຳຄັນທີ່ຜູ້ນຳທັງສອງປະເທດໄປປຶກສາຫາລືກັນຄື ການຍົກລະດັບຄວາມຮ່ວມມືໃນການປາບປາມກຸ່ມຫົວຮຸນແຮງ IS ທີ່ທ່ານ ດູເຕເຕ ສະແດງຄວາມຫວັງວ່າຈະໄດ້ຮັບການສະໜັບສະໜູນຈາກລັດຖະບານລັດເຊຍ ເນື່ອງຈາກກອງທັບຟິລິບປິນຍັງຂາດແຄນອາວຸດຍຸດໂທປະກອນທີ່ທັນສະໄໝ.
![](https://blogger.googleusercontent.com/img/b/R29vZ2xl/AVvXsEinggFiFgI-D0gBZZdGE9ppIpiJvYsqFW4viDSLqRjT8O5Xug2InYTUlx6esPkUi7vcvIOUvDYcv9y93IEQ2tJR8Fb5THVsGTfqacXvGQajyN8WKHOsVuvPPEkEX9VqrRLfAc84NJK5lTg/s1600/8.jpg)
ເຖິງຢ່າງໃດກໍ່ຕາມພາຍຫຼັງສຳເລັດການເຂົ້າພົບກັບທ່ານ ປູຕິນ ຜູ້ນຳຟິລິບປິນໄດ້ເດີນທາງກັບປະເທດດ່ວນ ເນື່ອງຈາກສະຖານະການຄວາມບໍ່ສະຫງົບທີ່ເມືອງມາຣາວີ ທີ່ມີປະຊາຊົນປະມານ 200,000 ຄົນອາໄສຢູ່ ຕັ້ງຢູ່ເກາະມິນດາເນົາ ພາກໃຕ້ຂອງຟິລິບປິນ ຖືກກຸ່ມຫົວຮຸນແຮງ IS ຢືດ ແລະ ເກີດການສູ້ຮົບກັນຢ່າງໜັກລະຫວ່າງທະຫານກັບກຸ່ມຫົວຮຸນແຮງ ແລະ ລັດຖະບານຟິລິບປິນກໍ່ໄດ້ມີການປະກາດກົດໄອຍະການເສິກເປັນເວລາ 60 ວັນ.
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
ສະແດງຄວາມຄິດເຫັນ