ຈີນກ່າວທາງອອກຂອງສະຖານະການຄວາມເຄັ່ງຕຶງຢູ່ແຫຼມເກົາຫຼີ ຄືການເຈລະຈາ ບໍ່ແມ່ນການຂວ້ຳບາດແບບນີ້
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
![](https://blogger.googleusercontent.com/img/b/R29vZ2xl/AVvXsEgvgp_0thRwM0x_K7pxfw3D9BhryYLXDoOzoJd9oFAsHznLQBQKRnM5CSOjjjRPE-UomwgTUP4zaUiz5I6MiJSIPVn-0n4KN7K3YXTgmxDWzD0M2KlNDBIgUaLAWU9fLig-akhZAi6Cwxk/s1600/8.jpg)
ສຳນັກຂ່າວຕ່າງປະເທດລາຍງານ 24 ພຶດສະພາ 2017 ວ່າ: ທ່ານ ຫຼິວ ຈີອີ້ ເອກອັກຄະລັດຖະທູດຈີນປະຈຳສະຫະປະຊາຊາດ ກ່າວເມື່ອວັນອັງຄານທີ່ຜ່ານມາວ່າ ແນວທາງປະຕິບັດທີ່ເໝາະສົມທີ່ສຸດທີ່ຈະຊ່ວຍຜ່ອນຄາຍສະຖານະການຄວາມເຄັ່ງຕຶງຢູ່ແຫຼມເກົາຫຼີ ຄືການເຈລະຈາ ບໍ່ແມ່ນການເດີນໜ້າໃຊ້ມາດຕະການຂວ້ຳບາດທາງເສດຖະກິດ ແລະ ສະຖານະການໃນຕອນນີ້ຄືສັນຍານທີ່ບົ່ງບອກຢ່າງຊັດເຈນແລ້ວວ່າ "ການເຈລະຈາຈຳເປັນຕ້ອງເກີດຂຶ້ນຕອນນີ້" ໂດຍບໍ່ມີເຫດຜົນຕ້ອງລໍຖ້າເວລາອີກ ແລະ ຈີນຍັງຄົງເຊື່ອໝັ້ນວ່າຄວາມຮ່ວມມືຈາກທຸກຝ່າຍທີ່ກ່ຽວຂ້ອງຈະສາມາດຟື້ນຟູການເຈລະຈາຂຶ້ນມາໄດ້ອີກຄັ້ງ.
ແຕ່ເຖິງຢ່າງໃດກໍ່ຕາມເອກະອັກຄະລັດຖະທູດຈີນບໍ່ໄດ້ປະຕິເສດຄວາມເປັນໄປໄດ້ທີ່ຄະນະມົນຕີຄວາມໝັ້ນຄົງແຫ່ງສະຫະປະຊາຊາດ ຈະບໍ່ເພີ່ມມາດຕະການຂວ້ຳບາດຕໍ່ລັດຖະບານເກົາຫຼີເໜືອອີກ ເຊິ່ງການຂວ້ຳບາດລັດຖະບານເກົາຫຼີເໜືອເກີດຂຶ້ນຄັ້ງທຳອິດໃນປີ 2006 ເຊິ່ງເປັນປີທີ່ລັດຖະບານເກົາຫຼີເໜືອທົດລອງລະເບີດນິວເຄຼຍເປັນຄັ້ງທຳອິດ, ເຖິງວ່າສະຫະລັດ ແລະ ເກົາຫຼີເໜືອຕ່າງກໍ່ສະແດງທ່າທີວ່າການເຈລະນາສາມາດເກີດຂຶ້ນໄດ້ ແຕ່ຕ່າງຝ່າຍຕ່າງກໍ່ມີເງື່ອນໄຂຂອງຕົວເອງ ນັ້ນຄືລັດຖະບານເກົາຫຼີເໜືອຕ້ອງຢຸດໂຄງການນິວເຄຼຍ ແລະ ສະຫະລັດອາເມຣິກາຕ້ອງຢຸດຊ້ອມຮົບປະຈຳປີຮ່ວມກັບເກົາຫຼີໃຕ້.
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
ສະແດງຄວາມຄິດເຫັນ