ພັນທະມິດກຸ່ມຫົວຮຸນແຮງ IS ໄດ້ຈັບຕົວປະກັນຈຳນວນຫຼາຍທີ່ເມືອງມາຣາວີ ປະເທດຟິລິບປິນ ເພື່ອຕັ້ງເງື່ອນໄຂ
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
![](https://blogger.googleusercontent.com/img/b/R29vZ2xl/AVvXsEij9GmXgnKqe_uQ32ntrHZQmFLmgXQYmIgWW4Tm-5R94_08E4EeiUE2kjg-KgFAE3UmkYWOSgy1d3xFfIXuc7JVdnQzKa5e2TlxLBp0CF-o76Qp_AKVZb7IvaKpfv6I8eftafQMGtF6Rt0/s1600/9.jpg)
ສຳນັກຂ່າວຕ່າງປະເທດລາຍງານ 24 ພຶດສະພາ 2017 ວ່າ: ສະພານັກບວດຄາທໍລິກແຫ່ງຟິລິບປິນອອກຖະແຫຼງວ່າ ກຸ່ມນັກຮົບຫົວຮຸນແຮງທີ່ສ່ວນໃຫຍ່ເປັນກຸ່ມຕິດອາວຸດເມົາເຕ ກໍ່ເຫດບຸກເຂົ້າໄປໃນໂບດປະຈຳເມືອງມາຣາວີ ທີ່ເກາະມິນດາເມົາ ພາກໃຕ້ຂອງຟິລິບປິນ ແລ້ວໄດ້ມີການຄວບຄຸມຕົວບາດຫຼວງຮູບໜຶ່ງ, ປະຊາຊົນຊາວຄຼິສ 10 ຄົນ ແລະ ພະນັກງານໃນໂບດອີກ 3 ຄົນ ໄວ້ເປັນຕົວປະກັນ ເຊິ່ງສະພານັກບວດຄາທໍລິກຮຽກຮ້ອງໃຫ້ກຸ່ມຄົນດັ່ງກ່າວປ່ອຍຕົວປະກັນທັງໝົດ 14 ຄົນໃຫ້ໄວ້ທີ່ສຸດ.
![](https://blogger.googleusercontent.com/img/b/R29vZ2xl/AVvXsEjrG1OaGaatmz1wV0xQxbXXUPRD0RUSkpOuc4EV-VEOL6fMyewQyLz90hdSfWFeRIwO1NXQz3Ij9tnEmmKPCprN0gVYy1zYvWf1ojkFI27LiRdQ182EpsGe5iFo8GatVjdHp0cGHzLKZRs/s1600/10.jpg)
ຂະນະທີ່ລາຍງານບາງກະແສລະບຸວ່າເງື່ອນໄຂຂອງກຸ່ມຄົນຮ້າຍໃນການປ່ອຍຕົວປະກັນຄື ກອງທັບຟິລິບປິນຕ້ອງຖອນທະຫານທັງໝົດອອກຈາກເມືອງມາຣາວີ ເນື່ອງຈາກທະຫານໄດ້ຍົກກຳລັງເຂົ້າໄປໃນເມືອງມາຣາວີຫຼາຍພັນຄົນນັບຕັ້ງແຕ່ຕອນຄ່ຳຂອງວັນອັງຄານທີ່ຜ່ານມາ ເພື່ອຕິດຕາມ ແລະ ລ່າຕົວທ້າວ ອິສນີລອນ ຮາປີລອນ ຜູ້ບັນຊາການລະດັບສູງຂອງກຸ່ມອາບູ ໄຊຢາບ ເຊິ່ງລັດຖະບານສະຫະລັດຕັ້ງລາງວັນນຳຈັບ 5 ລ້ານໂດລາສະຫະລັດ ແລະ ກຸ່ມອາບູ ໄຊຢາບ ໄດ້ຂໍກຳລັງສະໜັບສະໜູນຈາກກຸ່ມເມົາເຕ ເຊິ່ງເປັນພັນທະມິດຈາກການຮ່ວມກັນປະກາດເຂົ້າກັບກຸ່ມຫົວຮຸນແຮງ IS.
ຫຼັງຈາກນັ້ນສະຖານະການໄດ້ບານປາຍເປັນການສູ້ຮົບກັນໃນວົງກວ້າງ ມີລາຍງານວ່າທະຫານເສຍຊີວິດຢ່າງໜ້ອຍ 2 ຄົນ, ຕຳຫຼວດ 1 ຄົນ ແລະ ເຈົ້າໜ້າທີ່ຄວາມໝັ້ນຄົງໄດ້ຮັບບາດເຈັບຢ່າງໜ້ອຍ 12 ຄົນ, ໃນດ້ານຂອງທ່ານ ໂຣດຼິໂກ ດູເຕເຕ ປະທານປະເທດຟິລິບປິນໄດ້ຢຸດຕິກຳນົດການຢ້ຽມຢາມລັດເຊຍ ແລະ ເດີນທາງກັບປະເທດທັນທີ ພ້ອມທັງປະກາດກົດໄອຍະການເສິກເປັນເວລາເບື້ອງຕົ້ນ 60 ແລະ ເລັ່ງເສີມກຳລັງທະຫານເຂົ້າໄປໃນເຂດດັ່ງກ່າວຢ່າງຕໍ່ເນື່ອງ.
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
ສະແດງຄວາມຄິດເຫັນ