ອິນເດຍສົ່ງຈະຫຼວດຍັກໜັກກວ່າ 600 ໂຕນ ຂຶ້ນສູ່ວົງໂຄຈອນສຳເລັດ
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
![](https://blogger.googleusercontent.com/img/b/R29vZ2xl/AVvXsEjwBZuWYNxq9V1K52TugZ_8Ga2KAKjn-5MWCmI4gzHVXjmDxPmiX7ipbhMRq476kl6ee4b_BHzuzxhLP2PznQZPa-o2gqsF5PDINQD4hSXdMAAq6LgsWEfAz6-K4ZyrEGT2D9aBRifPYzw/s1600/268.jpg)
ສຳນັກຂ່າວຕ່າງປະເທດລາຍງານ 6 ມິຖຸນາ 2017 ວ່າ: ມື້ວານນີ້ (5 ມິຖຸນາ 2017) ອົງການວິໄຈທາງອະວະກາດຂອງອິນເດຍປະສົບຄວາມສຳເລັດໃນການປ່ອຍຈະຫຼວດ GSLV Mk III ເຊິ່ງເປັນຈະຫຼວດຂະໜາດໃຫຍ່ ແລະ ມີນ້ຳໜັກຫຼາຍທີ່ສຸດເທົ່າທີ່ອິນເດຍເຄີຍສ້າງມາຂຶ້ນ ແລະ ສົ່ງສູ່ວົງໂຄຈອນ ຈາກຖານຍິງນອກອ່າວເບງກອນ ໃນລັດອານທະຣະປະເທດ (Andhra Pradesh) ໂດຍຈະຫຼວດດັ່ງກ່າວມີນ້ຳໜັກເຖິງ 640 ໂຕນ.
![](https://blogger.googleusercontent.com/img/b/R29vZ2xl/AVvXsEiK55iu-KOjF8ST6YAijgUbLxoCg4om7rU_8dYuJboSw3s3C0k5AAU6dru68SP7LWo8zQcqikVKjiUfqGuy3X2oZ58V0xx1LJ29dfdrGDSd9cECaCXFg6mUrnvVR1iUBEm3TN7XsWXQg4E/s1600/267.jpg)
ຈະຫຼວດ GSLV Mk III ນຳສົ່ງດາວທຽມສື່ສານນ້ຳໜັກ 3,136 ກິໂລກຣາມ ຂຶ້ນສູ່ງວົງໂຄຈອນລະດັບສູງຮອບໂລກ ເຊິ່ງຖືເປັນຜົນສຳເລັດ ແລະ ຄວາມກ້າວໜ້າຂອງອົງການວິໄຈອະວະກາດຂອງອິນເດຍ, ເຊິ່ງເຄີຍຊະນະການແຂ່ງຂັນໃນອາຊີໂດຍສົ່ງຍານອະວະກາດໄປດາວອັງຄານເມື່ອປີ 2014 ໂດຍໃຊ້ເງິນພຽງ 73 ລ້ານໂດລາສະຫະລັດ ໃນຂະນະທີ່ຍານ Maven: Mars ຂອງອົງການ NASA ໃຊ້ງົບສ້າງສູງເຖິງ 671 ລ້ານໂດລາສະຫະລັດ.
ອົງການວິໄຈອະວະກາດອິນເດຍກ່າວວ່າ ຍັງຕ້ອງໃຊ້ເວລາອີກຢ່າງໜ້ອຍ 7 ປີ ຈຶ່ງຈະພ້ອມສົ່ງຄົນຂຶ້ນໄປກັບແຄັບຊູນ ແລະ ອິນເດຍຝັນທີ່ຈະສົ່ງມະນຸດອອກສູ່ອະວະກາດເປັນປະເທດທີ່ສີ່ໃນໂລກຖັດຈາກລັດເຊຍ, ສະຫະລັດ ແລະ ຈີນ.
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
ສະແດງຄວາມຄິດເຫັນ