ຈີນສົ່ງອາວຸດປືນຫຼາຍພັນກະບອກ ຊ່ວຍເຫຼືອກອງທັບຟິລິບປິນປາບປາມກຸ່ມຫົວຮຸນແຮງທີ່ຢຶດເມືອງມາຣາວີ
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
![](https://blogger.googleusercontent.com/img/b/R29vZ2xl/AVvXsEgVq-7zxJZJY5-RNZoxbojpxbRFkRb3SMOkIbpcw3Klh7C8kwzqSj-5e39I4F8cF-ByBQo9Brfd4wuOLo-HCSJuXPtRDIjiJyYRJIQdO9T7GCzBD1WBb6hsB66OGe2blZKAVzzPCmIU7fE/s1600/473.jpg)
ສຳນັກຂ່າວຕ່າງປະເທດລາຍງານເມື່ອວັນທີ 28 ທີ່ຜ່ານມາ ທ່ານ ໂຣດຼິໂກ ດູເຕເຕ ປະທານປະເທດຟິລິບປິນກ່າວລະຫວ່າງພິທີມອບ-ຮັບອາວຸດປືນຈາກຈີນຈຳນວນຫຼາຍພັນກະບອກ ແລະ ລູກປືນອີກຈຳນວນຫຼາຍ ລວມມູນຄ່າປະມານ 7.35 ລ້ານໂດລາສະຫະລັດ ເມື່ອວັນພຸດທີ່ຜ່ານມາວ່າ ເປັນການເປີດສັກກະຫຼາດໃໝ່ອັນຮຸ່ງເຮືອງຕໍ່ຄວາມສຳພັນລະຫວ່າງສອງປະເທດ ແລະ ກ່າວວ່າເປັນເລື່ອງທີ່ດີຫຼາຍທີ່ມີມິດທີ່ດີຍິ່ງແບບຈີນ ເຊິ່ງມີຄວາມເຂົ້າໃຈເປັນຢ່າງດີຕໍ່ສະຖານະການໃນຟິລິບປິນ.
![](https://blogger.googleusercontent.com/img/b/R29vZ2xl/AVvXsEiCqerZvkTurrRpr-bK6AXtmSxuPovAFqiUjuK9Q1g7creZYtaiDKe_jETQOAel2VKHKRJ2qlIm-k3oPoWD7lHP_fXw_9_ohBMj4f81VXl126ETazLAD0boDvWyVmgC1_-cbWc_19LGWwE/s1600/474.jpg)
ໃນດ້ານຂອງທ່ານ ຈ້າວ ຈ້ຽນຫົວ ເອກອັກຄະລັດຖະທູດຈີນປະຈຳນະຄອນຫຼວງມະນິລາກ່າວວ່າ ອາວຸດຊຸດດັ່ງກ່າວເປັນພຽງຊຸດທຳອິດເທົ່ານັ້ນ ແລະ ຊຸດທີ່ສອງຈະເດີນທາງມາເຖິງຟິລິບປິນພາຍໃນໄລຍະເວລາອັນໃກ້ນີ້ ເພື່ອສະໜັບສະໜູນກອງທັບຟິລິບປິນໃນພາລະກິດຂັບໄລ່ກຸ່ມກະບົດເມົາເຕ ທີ່ເປັນພັນທະມິດຂອງກຸ່ມ IS ອອກຈາກເມືອງມາຣາວີ ຢູ່ເກາະມິນດາເນົາ, ເຊິ່ງສະຖານະການຄວາມຮຸນແຮງຢູ່ເມືອງມາຣາວີເລີ່ມຂຶ້ນຕັ້ງແຕ່ວັນທີ 23/05/2017 ທີ່ຜ່ານມາ ຈົນມາຮອດປັດຈຸບັນມີຜູ້ເສຍຊີວິດແລ້ວຫຼາຍກວ່າ 400 ຄົນ, ປະມານ 300 ຄົນເປັນກຸ່ມຄົນຮ້າຍ, ເຈົ້າໜ້າທີ່ຝ່າຍຄວາມໝັ້ນຄົງຢ່າງໜ້ອຍ 71 ຄົນ ສ່ວນທີ່ເຫຼືອແມ່ນປະຊາຊົນ.
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
ສະແດງຄວາມຄິດເຫັນ