ເກົາຫຼີໃຕ້ປະຊຸມຄວາມໝັ້ນຄົງແຫ່ງຊາດ ເພື່ອຫາມາດຕະການຕອບໂຕ້ເກົາຫຼີເໜືອ
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
![](https://blogger.googleusercontent.com/img/b/R29vZ2xl/AVvXsEhLCLKicK3o8JD6JW6hmyUDQ_SGWRbEqKx3GV2LSPTQiMfEysSgrI1s14EpZAsUnXNnQ-AWoCZWN4tp690_yqvf4mzblGld-sNk_-V4wmS3CQtg7QlP9amMujYpuL5j450ajDcBCTA97JI/s1600/315.jpg)
ໂຄສົກກອງທັບເກົາຫຼີໃຕ້ຖະແຫຼງວ່າ ເກົາຫຼີເໜືອອາດຈະກຳລັງພະຍາຍາມເຮັດໃຫ້ເຫັນວ່າຕົນໄດ້ປຽບ ແລະ ເປັນຝ່າຍຄຸມເກມເໜືອເກົາຫຼີໃຕ້ ແລະ ສະຫະລັດອາເມຣິກາ, ໂດຍການຍິງຂີປະນາວຸດຫຼາຍລູກຂອງເກົາຫຼີເໜືອໃນຕອນເຊົ້າມື້ນີ້ ເຊິ່ງຄາດວ່າເປັນການຍິງຈາກພື້ນ ເພື່ອເປົ້າໝາຍໃນການໂຈມຕີເຮືອຮົບໃນທະເລ ເປັນການທົດລອງຂີປະນາວຸດຄັ້ງທີ 4 ຂອງເກົາຫຼີເໜືອ ນັບຕັ້ງແຕ່ທ່ານ ມູນ ແຈອິນ ເຂົ້າຮັບຕຳແໜ່ງປະທານປະເທດເກົາຫຼີໃຕ້ຢ່າງເປັນທາງການ ເມື່ອວັນທີ 10 ພຶດສະພາ 2017 ທີ່ຜ່ານມາ.
ເຖິງຢ່າງໃດກໍ່ຕາມ ສຳນັກຂ່າວ YTN ຂອງເກົາຫຼີໃຕ້ລາຍງານວ່າ ທ່ານ ມູນ ມີກຳນົດເຂົ້າຮ່ວມປະຊຸມສະພາຄວາມໝັ້ນຄົງແຫ່ງຊາດໃນມື້ນີ້ ເພື່ອປຶກສາຫາລືກ່ຽວວກັບມາດຕະການໃນການຕອບໂຕ້ເກົາຫຼີເໜືອ ເຊິ່ງການປະຊຸມຈະເລີ່ມຕົ້ນຂຶ້ນໃນເວລາ 14:00 ນາທີ ຕາມເວລາທ້ອງຖິ່ນ.
ກ່ອນໜ້ານີ້ ຄະນະມົນຕີຄວາມໝັ້ນຄົງແຫ່ງສະຫະປະຊາຊາດ ຫຼື UNSC ຫາກໍ່ຜ່ານມະຕິການໃຊ້ມາດຕະການຂວ້ຳບາດຄັ້ງໃໝ່ຕໍ່ກັບເກົາຫຼີເໜືອ, ຂະນະທີ່ເກົາຫຼີເໜືອກໍ່ປະກາດວ່າ ຈະເລັ່ງເດີນໜ້າໂຄງການອາວຸດນິວເຄຼຍ ແລະ ຂີປະນາວຸດຕໍ່ໄປ.
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
ສະແດງຄວາມຄິດເຫັນ