ລັດເຊຍ-ຫວຽດນາມເພີ່ມການຮ່ວມມືດ້ານການລົງທຶນ ແລະ ພະລັງງານ ມູນຄ່າຫຼາຍຕື້ໂດລາສະຫະລັດ
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
![](https://blogger.googleusercontent.com/img/b/R29vZ2xl/AVvXsEj728eFMh52asrhVx3d3LAQxj_IvAE-L9sKQQ3V7PsO5otgLNVtu2qqzk39-kmh_NSf5-DhOr3TvszVLBx15Q6D6oH1cNByW5hyphenhyphenOSYyLwmI2VLxtOMsDgso4IU2SZB7beN2d62DheKuMcQ/s1600/476.jpg)
ສຳນັກຂ່າວຕ່າງປະເທດລາຍງານ 30 ມິຖຸນາ 2017 ວ່າ: ທ່ານ ວະລາດີເມຍ ປູຕິນ ປະທານປະເທດລັດເຊຍ ພົບປະຫາລືກັບທ່ານ ເຈິ່ນ ດ້າຍ ກວາງ ປະທານປະເທດຫວຽດນາມທີ່ທຳນຽມເຄຼມລິນ ເມື່ອວັນທີ 29/06/2017 ທີ່ຜ່ານມາ ເນື່ອງໃນໂອກາດທີ່ຜູ້ນຳຫວຽດນາມເດີນທາງຢ້ຽມຢາມນະຄອນຫຼວງມົດສະກູຢ່າງເປັນທາງການ ໂດຍຜູ້ນຳທັງສອງປະເທດຮ່ວມກັນເປັນສັກຂີພິຍານໃນພິທີລົງນາມບັນທຶກຄວາມເຂົ້າໃຈ (MOU) ດ້ານການຄ້າ ແລະ ການລົງທຶນຫຼາຍກວ່າ 20 ສະບັບ ເຊິ່ງມີມູນຄ່າລວມປະມານ 10,000 ລ້ານໂດລາສະຫະລັດ ເພື່ອສົ່ງເສີມການຮ່ວມມືທາງການຄ້າໃນລະດັບທະວິພາຄີ ທີ່ລວມເຖິງການອຳນວຍຄວາມສະດວກໃຫ້ສິນຄ້າຈາກຫວຽດນາມມີໂອກາດວາງຈຳໜ່າຍໃນຕະຫຼາດລັດເຊຍຫຼາຍຂຶ້ນ.
ນອກຈາກນີ້ທ່ານ ປູຕິນ ຍັງກ່າວເຖິງການຂະຫຍາຍຂອບເຂດການຮ່ວມມືໃນໂຄງການສຳຫຼວດ-ຜະລິດນໍ້າມັນ ແລະ ແກັດທຳມະຊາດບໍລິເວນໄຫຼ່ທະວີບຂອງຫວຽດນາມ ທີ່ຜູ້ນຳລັດເຊຍຢືນຢັນວ່າການດຳເນີນການຈະເປັນໄປຕາມກອບຂອງອະນຸສັນຍາສະຫະປະຊາຊາດວ່າດ້ວຍກົດໝາຍທະເລ (UNCLOS) ສະບັບປີ 1982 ຢ່າງແນ່ນອນ, ໂດຍບໍລິສັດທີ່ຈະມີບົດບາດສຳຄັນຕໍ່ໂຄງການຮ່ວມມືດັ່ງກ່າວຄືບໍລິສັດຂະໜາດໃຫຍ່ 3 ແຫ່ງຈາກລັດເຊຍທີ່ນຳໂດຍ Gazprom ເຊິ່ງເປັນລັດວິສາຫະກິດຜູ້ຜະລິດແກັດທຳມະຊາດລາຍໃຫຍ່ທີ່ສຸດຂອງໂລກ ຮ່ວມກັບບໍລິສັດປີໂຕຼຫວຽດນາມ ເຊິ່ງເປັນລັດວິສາຫະກິດດ້ານພະລັງງານຂອງຫວຽດນາມ.
![](https://blogger.googleusercontent.com/img/b/R29vZ2xl/AVvXsEhokNP1ArhyphenhyphenxK-kpyca8pcM4TOaLFK3iRh-6Ba8WCbcqo2TPAk2j-wiHmm_LWNvyMGLZY53IrAuLFEJ3LhFYLtlah6e9KdhNLqKpx_imn60mr8MHsmYpqPm4kdIRH1jy2Vvw5kbh-mY00U/s1600/477.jpg)
ເຊິ່ງຄວາມສຳພັນລະຫວ່າງລັດເຊຍ-ຫວຽດນາມມີການພັດທະນາດີຂຶ້ນເລື້ອຍໆ ໂດຍລັດຖະບານຫວຽດນາມຖືເປັນໜຶ່ງໃນປະເທດຄູ່ຄ້າດ້ານອາວຸດລາຍໃຫຍ່ທີ່ສຸດຂອງລັດເຊຍ ແລະ ມີການບັນລຸຂໍ້ຕົກລົງການຄ້າເສລີ (FTA) ຮ່ວມກັບສະຫະພາບເສດຖະກິດຢູເຣເຊຍ (EAE) ທີ່ສະມາຊິກປະກອບດ້ວຍລັດເຊຍ, ເບລາຣຸດຊີ, ກາຊັກສະຖານ, ກຽກກິດສະຖານ ແລະ ອາກເມນີ ເມື່ອເດືອນພຶດສະພາ 2015.
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
ສະແດງຄວາມຄິດເຫັນ