ທ່ານ ທອງລຸນ ສີສຸລິດ ນາຍົກລັດຖະມົນຕີ ຢ້ຽມຢາມຍີ່ປຸ່ນ ແລະ ໄດ້ພົບປະກັບນາຍົກລັດຖະມົນຕີຂອງຍີ່ປຸ່ນ
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
![](https://blogger.googleusercontent.com/img/b/R29vZ2xl/AVvXsEgjLfhmG81nrjydyBd8bokpMEd1pr43ZYBbaHaeGJxP-Z0TebQq2YTs_8EOD5dNyC-Bevi9aVV7WXTubswkctR7MZhIUri9soxXRcmRvSbTkWI3YOCjT2VBlEMMkXyU9LeyPAX71Jp0q7A/s1600/307.jpg)
ສຳນັກຂ່າວຕ່າງປະເທດລາຍງານ 8 ມິຖຸນາ 2017 ວ່າ: ເມື່ອວັນພຸດທີ່ຜ່ານມາ (7 ມິຖຸນາ 2017) ທ່ານ ຊິນໂຊ ອາເບະ ນາຍົກລັດຖະມົນຕີຂອງຍີ່ປຸ່ນ ແລະ ທ່ານ ທອງລຸນ ສີສຸລິດ ນາຍົກລັດຖະມົນຕີຂອງ ສປປ.ລາວ ໄດ້ພົບປະກັນໃນນະຄອນຫຼວງໂຕກຽວ ເພື່ອປຶກສາຫາລືກ່ຽວກັບແຜນການກະຕຸ້ນການພັດທະນາໃນລາວ ແລະ ບັນຫາອື່ນໆ.
![](https://blogger.googleusercontent.com/img/b/R29vZ2xl/AVvXsEiv4Hq6Nv1vTfSDY1T51n2yGm2Jysard6wY_1drDKwYv9hZlKO9ewtkNM97I25gvmFvkT63IHQlrVh73XTta4j2Bn7M1vclXjuYiMe7dnjPZt2psMXfQrDRaHh1bJPbfqhzuCzupNFKqsI/s1600/308.jpg)
ລະຫວ່າງການພົບປະກັນທີ່ນະຄອນຫຼວງວຽງຈັນເມື່ອເດືອນກັນຍາ ປີທີ່ຜ່ານມາ ທ່ານ ອາເບະ ແລະ ທ່ານ ທອງລຸນ ຕົກລົງແຜນການທີ່ກ່ຽວຂ້ອງກັບການລົງທຶນດ້ານການຄົມມະນາຄົມຂົນສົ່ງ, ໂຮງງານຜະລິດກະແສໄຟຟ້າ, ຊັບພະຍາກອນມະນຸດ, ກະສິກຳ ແລະ ວຽກງານສາທາລະນະສຸກ ແລະ ມີການຄາດການວ່າ ການພົບປະກັນທີ່ນະຄອນຫຼວງໂຕກຽວຄັ້ງນີ້ ຜູ້ນຳທັງສອງຈະຫາລືກ່ຽວກັບການດຳເນີນການຕາມແຜນຢ່າງເປັນຮູບປະທຳ ເຊິ່ງຈະລວມເຖິງການສະໜັບສະໜູນຂອງລັດຖະບານຍີ່ປຸ່ນ ຕໍ່ຄວາມພະຍາຍາມສ້າງສະຖຽນລະພາບທາງການເງິນຂອງລັດຖະບານລາວ ລວມທັງການຂະຫຍາຍຕຶກອາຄານຜູ້ໂດຍສານສະໜາມບິນວັດໄຕ ທີ່ນະຄອນຫຼວງວຽງຈັນ ແລະ ການແລກປ່ຽນທາງດ້ານການສຶກສາຢູ່ຍີ່ປຸ່ນ ສຳລັບພະນັກງານລັດຖະກອນ ແລະ ນັກສຶກສາທົ່ວໄປຂອງລາວ.
ສປປ.ລາວ ເປັນເປົ້າໝາຍຊຸກດັນຂອງລັດຖະບານຍີ່ປຸ່ນຊຸດປັດຈຸບັນ ຕາມແຜນການລົງທຶນໃສ່ລະບົບພື້ນຖານໂຄງລ່າງ "ຄຸນນະພາບສູງ" ໃນກຸ່ມປະເທດພູມມິພາກອາຊີ-ປາຊີຟິກ ໂດຍມີເປົ້າໝາຍເພື່ອເກັບກ່ຽວຜົນປະໂຫຍດທາງເສດຖະກິດ ແລະ ຍຸດທະສາດ.
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
ສະແດງຄວາມຄິດເຫັນ