ມຽນມາເລັ່ງເກັບກູ້ສົບຜູ້ເສຍຊີວິດຈາກເຫດຍົນຕົກໃນທະເລອັນດາມັນ
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
![](https://blogger.googleusercontent.com/img/b/R29vZ2xl/AVvXsEgNhVONgjzBPgunz284usnq6lRelep5q7DGjsIM-JCZUtfHoraz8qUQYkPIQtFvNxe5ItYP-2LxB1z0BqQjsT1ySdKiMOXNnT_PRks3gDfQ6JO-Wp_2jsHHCkZub_shCpjpCvT44cirVps/s1600/323.jpg)
ສຳນັກຂ່າວຕ່າງປະເທດລາຍງານ 9 ມິຖຸນາ 2017 ກ່ຽວກັບຄວາມຄືບໜ້າພາຍຫຼັງເກີດເຫດເສົ້າສະຫຼົດໃຈ ຍົນຂົນສົ່ງຂອງກອງທັບມຽນມາ ລຸ້ນ Shaanxi Y-8 ເຊິ່ງຜະລິດໃນປະເທດຈີນ ພ້ອມຜູ້ໂດຍສານ 122 ຄົນ ເກືອບທັງໝົດເປັນທະຫານ ແລະ ສະມາຊິກໃນຄອບຄົວ ຕົກໃນທະເລອັນດາມັນ ເມື່ອວັນພຸດທີ່ຜ່ານມາ ລະຫວ່າງການເດີນທາງຈາກເມືອງມະຣິດ ພາກໃຕ້ຂອງປະເທດມາຍັງເມືອງຢ່າງກຸ້ງ, ກອງທັບມຽນມາອອກຖະແຫຼງວ່າ ເຈົ້າໜ້າທີ່ກູ້ໄພ ແລະ ອາສາສະໝັກຮ່ວມກັນລຳລຽງສົບຜູ້ເສຍຊີວິດຂຶ້ນຝັ່ງໄດ້ແລ້ວ 31 ສົບ, ແບ່ງເປັນຜູ້ຍິງ 21 ສົບ, ເດັກນ້ອຍ 8 ແລະ ຜູ້ຊາຍ 2 ສົບ ເຊິ່ງສົບທັງໝົດທີ່ນຳຂຶ້ນມາໄດ້ຈະຖືກລຳລຽງໄປໂຮງໝໍທະຫານໃນເມືອງທວາຍ ເພື່ອພິສູດເອກະລັກສ່ວນບຸກຄົນຕໍ່ໄປ.
![](https://blogger.googleusercontent.com/img/b/R29vZ2xl/AVvXsEjNlng9EG1LyAbYRqYTsAx07W0llr9b9ZqVXDnzaGU0cyobpCoD5UxN52pCUBjwBr_x_-nXP0tef-1AOv1nmifd5zLfA4rSmXCUaxdsLlqir9m7Mpkj-uMSCkrQebgSgYC-ZU3PaFFnlYU/s1600/324.jpg)
ຂະນະດຽວກັນທຳນຽມປະທານປະເທດມຽນມາໄດ້ເຜີຍແຜ່ຖະແຫຼງການຂອງທ່ານນາງ ອອງ ຊານ ຊູຈີ ມົນຕີແຫ່ງລັດ ຜູ້ນຳສູງສຸດທາງດ້ານພຶດຕິໄນ ແລະ ລັດຖະມົນຕີກະຊວງການຕ່າງປະເທດ ທີ່ໄດ້ສະແດງຄວາມເສຍໃຈຢ່າງສຸດຊຶ້ງໄປຍັງຄອບຄົວຂອງຜູ້ເສຍຊີວິດ ແລະ ໃຫ້ຄຳໝັ້ນສັນຍາວ່າ ລັດຖະບານຈະຊ່ວຍເຫຼືອຢ່າງເຕັມທີ່ໃຫ້ແກ່ທຸກຝ່າຍທີ່ກ່ຽວຂ້ອງ.
![](https://blogger.googleusercontent.com/img/b/R29vZ2xl/AVvXsEitypEXAwESktr1FxlCgRE7Nao22xnBZYgKO8m0l9v8a8VlxfPCdnXXxtar0dgczqzal4pI_szFejkA9fCszZVZuayTxAAKzeNr8uJddNf_5QoSxVH97U5BijxsJybz5RkhyD-vmrru5nY/s1600/328.jpg)
ສ່ວນທ່ານ ນະເຣນທຼາ ໂມດີ ຜູ້ນຳອິນເດຍ ສະເໜີມອບຄວາມຊ່ວຍເຫຼືອໃນພາລະກິດການຄົ້ນຫາຊິ້ນສ່ວນຂອງຍົນ ແລະ ລຳລຽງຮ່າງຜູ້ເສຍຊີວິດ, ນອກຈາກນີ້ ບໍລິສັດນຳເຂົ້າ ແລະ ສົ່ງອອກເຕັກໂນໂລຊີອາກາດແຫ່ງປະເທດຈີນ ກໍ່ອອກຖະແຫຼງການສະແດງຄວາມເສຍໃຈຢ່າງຍິ່ງເຊັ່ນກັນ ແລະ ພ້ອມໃຫ້ຄວາມຮ່ວມມືຢ່າງເຕັມທີ່ແກ້ພະນັກງານສືບສວນ.
![](https://blogger.googleusercontent.com/img/b/R29vZ2xl/AVvXsEjK-l1ubzSr-u58-6tNBbnWXTVAmJYO4tRI6bUqxk-WrSV8oNYQno6D4qvdrbjM_PSh5qn_C4t-5YFcljJRIu4tRY7YH783dEXKQiGAoWEYu_6cbk8kaG7WgQX-e1r-84BJZVNINi7y8_s/s1600/327.jpg)
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
ສະແດງຄວາມຄິດເຫັນ