ຫຼາຍປະເທດໃນຕາເວັນອອກກາງ ຕັດຄວາມສຳພັນກັບປະເທດກາຕາ - ອິດສະຫຼະ

ຫຼາຍປະເທດໃນຕາເວັນອອກກາງ ຕັດຄວາມສຳພັນກັບປະເທດກາຕາ



ສຳນັກຂ່າວຕ່າງປະເທດລາຍງານ 5 ມິຖຸນາ 2017 ວ່າ: ປະເທດອາຣັບບີ ຊາອູດິດຕັດຄວາມສຳພັນທາງການທູດ ແລະ ຢຸດຕິການຕິດຕໍ່ກັບປະເທດກາຕາທຸກຊ່ອງທາງທັງທາງບົກ, ທາງນ້ຳ ແລະ ທາງອາກາດຕັ້ງແຕ່ມື້ນີ້ເປັນຕົ້ນໄປ ໂດຍໃຫ້ເຫດຜົນວ່າເພື່ອປົກປ້ອງປະເທດຈາກກະແສກໍ່ການຮ້າຍ ແລະ ກະແສຫົວຮຸນແຮງ ພ້ອມກັບຮຽກຮ້ອງໃຫ້ປະເທດ ແລະ ທຸລະກິດຕ່າງໆທີ່ເປັນພີ່ນ້ອງກັບອາຣັບບີ ຊາອູດິດດຳເນີນການແບບດຽວກັນ ຫຼ້າສຸດປະເທດບາເຣນ, ເອຢິບ ແລະ ສະຫະນະຄອນ ເອເມຣັດ ອາຣັບ ກໍ່ປະກາດຕັດຄວາມສຳພັນທາງການທູດ ແລະ ຢຸດຕິຊ່ອງທາງການຕິດຕໍ່ທັງໝົດກັບກາຕາແລ້ວ.

ປະເທດບາເຣນລະບຸວ່າ ກາຕາແທກແຊງວຽກງານພາຍໃນຂອງບາເຣນ ຂໍໃຫ້ປະຊາຊົນບາເຣນເລັ່ງເດີນທາງອອກຈາກກາຕາພາຍໃນ 14 ວັນ, ຂະນະທີ່ປະເທດເອຢິບລະບຸວ່າ ກາຕາສະໜັບສະໜູນຂະບວນການທີ່ເປັນກຸ່ມກໍ່ການຮ້າຍໃນເອຢິບ.


No comments

Powered by Blogger.