ປ.ທຣຳ ບໍ່ພໍໃຈຫຼາຍ ເພາະຈະໄປຊາຍແດນເກົາຫຼີເໜືອ ແບບບໍ່ແຈ້ງລ່ວງໜ້າແຕ່ສະພາບອາກາດບໍ່ເປັນໃຈ
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
![](https://blogger.googleusercontent.com/img/b/R29vZ2xl/AVvXsEg6ZlqowzedkbrCPTc0Etq91hNXO5ZQKzeby33GDy_iYMYf6eAm2UrYQAUxiZAEzBZ7CjCBStBJen1Yy1bc0-zkvWFt2jNTpkQpQb5nIkzc32cIY7qj3vjThRHgFeRuWHg6rlJe7Ds8bTdd/s1600/96.jpg)
ສຳນັກຂ່າວຕ່າງປະເທດລາຍງານ 8 ພະຈິກ 2017 ວ່າ: ທ່ານ ໂດໂນ ທຣຳ ປະທານປະເທດສະຫະລັດ ອາເມຣິກາ ຈຳເປັນຕ້ອງຍົກເລີກແຜ່ນການທີ່ຈະສ້າງຄວາມແປກໃຈ ແລະ ຕື່ນເຕັ້ນໃຫ້ກັບທຸກຝ່າຍ ດ້ວຍການທີ່ທ່ານຈະໄປຢ້ຽມຢາມເຂດປອດທະຫານ DMZ ຫຼື Demilitarized Zone ເຂດຊາຍແດນລະຫວ່າງສອງເກົາຫຼີ ເນື່ອງຈາກສະພາບອາກາດບໍ່ເປັນໃຈ ຈົນຕ້ອງຫັນຫົວເຮລິຄັອບແຕກັບ ເຫດການນີ້ເຮັດໃຫ້ທ່ານ ທຣຳ ບໍ່ພໍໃຈຫຼາຍສົມຄວນ.
![](https://blogger.googleusercontent.com/img/b/R29vZ2xl/AVvXsEiZoR3ucQ0HrruyLjcpqRoa9dkJ0gItJn_iBNqBCyuDMIM9DjJv19G_M56bMggnw3RoFqu3BwgfPQFaXag1xkK1KlE2XFn4OPwOwnAQKcG1JiM3uEWDBF8HpEmMAtca1OmQnfWGAgjn3PjF/s1600/97.jpg)
ທຳນຽມປະທານປະເທດເກົາຫຼີໃຕ້ລະບຸວ່າ: ທ່ານ ມູນ ແຈ ອິນ ປະທານປະເທດເກົາຫຼີໃຕ້ ໄດ້ຂຶ້ນຍົນໄປຖ້າຕ້ອນຮັບທ່ານ ທຣຳ ຢູ່ DMZ ລ່ວງໜ້າແລ້ວ, ຂະນະທີ່ທ່ານ ທຣຳ ຂຶ້ນເຮລິຄັອບແຕອອກຈາກຖານທັບຢອງຊານ ໃນນະຄອນຫຼວງໂຊ ແຕ່ຕ້ອງພົບກັບສະພາບອາກາດບໍ່ເປັນໃຈ ມີໝອກລົງຈັດ ຈົນຕ້ອງຕັດສິນໃຈບິນກັບ, ເຫດການນີ້ອາດເປັນໃຫ້ທ່ານ ທຣຳ ເສຍໜ້າບໍ່ຫຼາຍກໍ່ໜ້ອຍ ແລະ ຍັງໄດ້ສ້າງຄວາມບໍ່ພໍໃຈໃຫ້ກັບທ່ານອີກດ້ວຍ ເພາະຕັ້ງໃຈຈະສ້າງຄວາມແປກໃຈ ແລະ ຄວາມຕື່ນເຕັ້ນໃຫ້ກັບຫຼາຍຝ່າຍທີ່ບໍ່ໄດ້ຄາດໝາຍໄວ້.
![](https://blogger.googleusercontent.com/img/b/R29vZ2xl/AVvXsEjJKh7ve1Ee2-roSC_0mC0mmykmLRjh8bANqHtjga9zhQcmFE0_E8rWO0fyS7ThD3_2xYE-na9WvOCEzyKKRix8gOFMcJEuIOdF5oJgsorDNkr4zhmzSooKsCtwTEQKZosdlHmtbO3M_3kh/s1600/98.jpg)
ຈາກແຜ່ນການທີ່ລົ້ມເຫຼວນີ້ ຜັດໄດ້ເຮັດໃຫ້ຫຼາຍຝ່າຍໂລ່ງໃຈຂຶ້ນ ເພາະກຳນົດການຢ້ຽມຢາມເກົາຫຼີໃຕ້ນັ້ນ ປ.ທຣຳ ບອກວ່າຈະບໍ່ໄດ້ DMZ, ຖ້າ ປ.ທຣຳ ໄປກໍ່ຈະຖືເປັນການຢືນຢູ່ຈຸດທີ່ໃກ້ກັບເກົາຫຼີເໜືອທີ່ສຸດ ແລະ ອາດຈະເຮັດໃຫ້ສະຖານະການຢູ່ແຫຼມເກົາຫຼີເຄັ່ງຕຶງຂຶ້ນຕື່ມກໍ່ເປັນໄປໄດ້.
![](https://blogger.googleusercontent.com/img/b/R29vZ2xl/AVvXsEj-QcHfxNvDtqDxdCwNJ69ued7qSOqpJswkP_Lih_XAT5qL0ezuva31_1wuoOqDmhBz7xs7sQrsIRg5APVtEPEwktT0La4yO2eDZajSfgDI1Nxw3sotjkgoNEaIgrphcPMjCVBIko2248Tq/s1600/99.png)
ຫວນຄືນອະດີດ ຍົກເວັ້ນອະດີດປະທານປະເທດ ສ.ອາເມຣິກາ ທ່ານ ຈອດ ເອສ. ດັບເບີຢູ ບູສ ແລ້ວ ຜູ້ນຳສະຫະລັດ ອາເມຣິກາຖັດຈາກ ບຸສ ລ້ວນແລ້ວແຕ່ເຄີຍໄປຢ້ຽມຢາມເຂດ DMZ ທີ່ເປັນເຂດຊາຍແດນຂອງສອງເກົາຫຼີ ທີ່ຂັ້ນເໜືອ ແລະ ໃຕ້ອອກຈາກກັນ.
![](https://blogger.googleusercontent.com/img/b/R29vZ2xl/AVvXsEhq4QYU8xd96YLKkO8iIwgofwpClkGS23oJ2bl3uewtWBZ_h3_WhgAUSbQ2N0zJKSyZSUgCwmPbYIMZyWaQks_YF9QT8JxyPx0kwnRMYrDcm8CXDDIr9QPeXz-tZDifs_ENBlBY0o_yYPCI/s1600/101.jpg)
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
ສະແດງຄວາມຄິດເຫັນ