ອິນໂດເນເຊຍ ຮຽກຮ້ອງໃຫ້ UN ອອກກົດໝາຍລັກລອບເຮັດປະມົງມີໂທດເທົ່າຄະດີອາຊະຍາກຳຂ້າມຊາດ
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
![](https://blogger.googleusercontent.com/img/b/R29vZ2xl/AVvXsEgSSvH2yjz2Q4ZEmec6zstC4rwGt7Vmp2aYebN9t_d4QI2KvylFHRCQ-nUd5_9H9lZImhIOoDng4BpaiCZxucxm91onneQmQeN_zKxVIiKEZspzglWdBWXxkUm2Pv3N5FF-xRkrl_IFQlU/s1600/348.jpg)
ສຳນັກຂ່າວຕ່າງປະເທດລາຍງານ 10 ມິຖຸນາ 2017 ວ່າ: ລັດຖະບານອິນໂດເນເຊຍ ຮຽກຮ້ອງໃຫ້ອົງການສະຫະປະຊາຊາດ ຊຸກດັນໃຫ້ການລັກລອບເຮັດການປະມົງໃນທະເລເປັນອາຊະຍາກຳຂ້າມຊາດ ເຊິ່ງການຮຽກຮ້ອງດັ່ງກ່າວຖືກຍົກຂຶ້ນມາເວົ້າໃນກອງປະຊຸມວ່າດ້ວຍເລື່ອງມະຫາສະໝຸດຂອງອົງການສະຫະປະຊາຊາດ ທີ່ນິວຢອກ ປະເທດສະຫະລັດອາເມຣິກາ ແລະ ຍັງຢູ່ໃນລະຫວ່າງການພິຈາລະນາຂອງສະມາຊິກປະເທດອື່ນໆ.
ການທີ່ປະເທດອິນໂດເນເຊຍເປັນແກນນຳໃຊ້ການຊຸກດັນກົດໝາຍການປະມົງໃນຄັ້ງນີ້ ເກີດຂຶ້ນເນື່ອງຈາກການລັກລອບເຮັດປະມົງຜິດກົດໝາຍ, ການປະມົງທີ່ບໍ່ໄດ້ລາຍງານ ແລະ ການປະມົງທີ່ບໍ່ໄດ້ຮັບອະນຸຍາດ ເຊິ່ງຮຽກວ່າ IUUF ນັ້ນ ອາດຕາມມາດ້ວຍການລັກລອບຂົນຢາເສບຕິດ, ການລັກລອບຄ້າ ຫຼື ຂົນອາວຸດ, ການລັກລອບຂົນສົ່ງສິນຄ້າຜິດກົດໝາຍ ລວມທັງການຄ້າມະນຸດ ເຊິ່ງບໍ່ສາມາດປະເມີນຄ່າຄວາມເສຍຫາຍໄດ້.
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
ສະແດງຄວາມຄິດເຫັນ