ເຕືອນໄພ...! ພາຍຸຕາລາສ ຂຶ້ນຝັ່ງຫວຽດນາມຄືນນີ້ ກ່ອນຈະເຄື່ອນຕົວເຂົ້າແຂວງບໍລິຄຳໄຊ ຂອງ ສປປ.ລາວ
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
![](https://blogger.googleusercontent.com/img/b/R29vZ2xl/AVvXsEjPd7TOIwsm1i1i2dU6curI2CCgobTCeGsNMYse32WP0jEhRj9_GA0SsweS7kP-0hAK4c7eusXXXoX1jc-7sGwLNNazFUBY86SVZ5MjVuWxC45mVQZzxev1X0XgirQhO_OM1lOAM9LQHC8/s1600/1.gif)
ພາຍຸຕາລາດ (TALAS) ກຳລັງເຄື່ອນຕົວມາທາງທິດຕາເວັນຕົກດ້ວຍຄວາມໄວລົມໃກ້ຈຸດສູນກາງ 92 ກິໂລແມັດ/ຊົ່ວໂມງ ຄາດວ່າຈະຂຶ້ນຝັ່ງຫວຽດນາມໃນຄືນນີ້ (16/07/2017) ເວລາປະມານ 23:00 ກ່ອນຈະເຄື່ອນຕົວຜ່ານປະເທດຫວຽດນາມເຂົ້າສູ່ປະເທດລາວ ໃນເຂດແຂວງບໍລິຄຳໄຊ, ໄຊສົມບູນ, ນະຄອນຫຼວງວຽງຈັນ ແລະ ໄຊຍະບູລີ ໃນວັນທີ 17/07/2017. ເຊິ່ງຈະເຮັດໃຫ້ມີຝົນຕົກໃນລະດັບປານກາງ ຫາ ໜັກ ພ້ອມມີລົດພັດແຮງຢູ່ເຂດແຂວງຫົວພັນ, ຊຽງຂວາງ, ບໍ່ແກ້ວ, ຫຼວງພະບາງ, ໄຊຍະບູລີ, ນະຄອນຫຼວງວຽງຈັນ, ແຂວງວຽງຈັນ, ໄຊສົມບູນ ລົງຫາແຂວງພາກກາງ ແລະ ພາກໃຕ້.
![](https://blogger.googleusercontent.com/img/b/R29vZ2xl/AVvXsEjpMKa9NH0ytQz42_wR2Ih6UbBcOW9O9yA-Ri163KlijGk5ic1b9au6A3hTiTSe2EzGzzr7aF1o47lwHlFWx_TMI12WBmPPi70KD5wQdcm8HP39hYu6Lho1mH60ueUWWS8mLH2YxGXqulw/s1600/2.jpg)
ດັ່ງນັ້ນ, ຈຶ່ງຂໍແຈ້ງເຕືອນເຖິງພໍ່ແມ່ປະຊາຊົນ ແລະ ອຳນາດການປົກຄອງທຸກພາກສ່ວນ ຈົ່ງມີສະຕິກຽມພ້ອມຮັບມືກັບສະພາບນ້ຳຖ້ວມຊຸ, ດິນເຈື່ອນ, ນ້ຳຖ້ວມອັ່ງຢູ່ບັນດາແຂວງດັ່ງກ່າວ ໃນໄລຍະວັນທີ 16-18/07/2017 ນີ້, ພ້ອມນີ້ຂໍ້ໃຫ້ເກັບມ້ຽນວັດຖຸສິ່ງຂອງໄວ້ບ່ອນທີ່ສູງ ພ້ອມທັງເຄື່ອນຍ້າຍສັດລ້ຽງໄປໄວ້ບ່ອນທີ່ປອດໄພ ແລະ ຕິດຕາມການລາຍງານຂ່າວພະຍາກອນອາກາດຈາກກົມອຸຕຸນິຍົມ ແລະ ອຸທົກກະສາດເປັນປະຈຳ.
![](https://blogger.googleusercontent.com/img/b/R29vZ2xl/AVvXsEjWvpkn4GCBjDrCnZABKInzzfRFfesfCd9YcR88A5Khhueg9NDCNSNlbNxb3zX_c_fir2zE7Sht8qglZ4kUvzTCxneMvaTn1DlryyrnUtwFyKnPJc0CmD1IH8ZrZ4SAllbPPMxCWIVC-RQ/s1600/4.jpg)
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
ສະແດງຄວາມຄິດເຫັນ