ເກົາຫຼີໃຕ້ຂໍເຈລະຈາທາງການທະຫານກັບເກົາຫຼີເໜືອ ເພື່ອຢຸດຕິກິດຈະກຳທີ່ບໍ່ເປັນມິດ
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
![](https://blogger.googleusercontent.com/img/b/R29vZ2xl/AVvXsEjxsLG2DUHCjX-dRz_dp0UAwxqLurgT8xGgVh1c1zWLZF5wdrhsj6eZ3xntEvgJmaflKw_zXt7N9I4jjN19f6xP6i5e5hp6zrbK3A5_JB8zyLk1QhR89lD79wwmRt166e08oIqVriNzJLo/s1600/6.jpg)
ສຳນັກຂ່າວຕ່າງປະເທດລາຍງານ 17 ກໍລະກົດ 2017 ວ່າ: ທ່ານ ຊູ ຊູ-ຊັອກ ຮອງລັດຖະມົນຕີກະຊວງປ້ອງກັນປະເທດເກົາຫຼີໃຕ້ຖະແຫຼງວ່າ: ໄດ້ຍື່ນເລື່ອງການຕິດຕໍ່ໄປຍັງລັດຖະບານເກົາຫຼີເໜືອ ເພື່ອຂໍໃຫ້ມີການສົ່ງເຈົ້າໜ້າທີ່ລະດັບສູງທາງທະຫານມາປະຊຸມຮ່ວມກັນໃນວັນສຸກທີ 21 ກໍລະກົດ 2017 ນີ້ ເພື່ອຫາລືກ່ຽວກັບການຢຸດຕິກິດຈະກຳທີ່ບໍ່ເປັນມິດ ທີ່ມີແຕ່ຈະຍິ່ງເພີ່ມຄວາມເຄັ່ງຕຶງໃຫ້ແກ່ບັນຍາກາດຢູ່ແຫຼມເກົາຫຼີ ໂດຍສະເພາະຢ່າງຍິ່ງບໍລິເວນເຂດປອດທະຫານ (DMC).
ເຊິ່ງທ່ານ ຊູ ບໍ່ໄດ້ລົງເລິກລາຍລະອຽດວ່າ "ກິດຈະກຳທີ່ບໍ່ເປັນມິດ" ແມ່ນຫຍັງ? ການຍື່ນຂໍ້ສະເໝີດັ່ງກ່າວຂອງລັດຖະບານເກົາຫຼີໃຕ້ຖືເປັນຄັ້ງທຳອິດຢ່າງເປັນທາງການ ໃນສະໄໝຂອງທ່ານ ມູນ ແຈ-ອິນ ປະທານປະເທດເກົາຫຼີໃຕ້ຄົນປັດຈຸບັນ.
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
ສະແດງຄວາມຄິດເຫັນ