ໂລກຈະມີໜ້າຕາເປັນແນວໃດ? ຖ້າຫາກນ້ຳກ້ອນທັງໝົດທີ່ມີຢູ່ໃນໂລກເປື່ອຍ
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
![](https://blogger.googleusercontent.com/img/b/R29vZ2xl/AVvXsEi1SHwDA6pgM7FSt2FoRPYJbaWkSfXesRbVbSsSjfkBxbv-BYyOSy8kvG1QIiIsBIzWU1yyUjSHwVLWEp5afrJFHeIrp-fgywTxcDlAyGZgoqTJtpQL22D2GiYQd6PnvzOgD6VuLc5HBDo/s1600/149.jpg)
ພາບແຜນທີ່ທັງໝົດໃນນີ້ບໍ່ມີຫຍັງແຕກຕ່າງໄປຈາກແຜນທີ່ໃນປັດຈຸບັນ ຍົກເວັ້ນແຕ່ຢ່າງດຽວນັ້ນຄື ນ້ຳກ້ອນທັງໝົດໃນໂລກເປື່ອຍໝົດ ນີ້ຄືແຜນທີ່ຂອງທະວີບຕ່າງໆທີ່ຈະຈຳລອງໃຫ້ເຫັນເຖິງຜົນກະທົບຫາກລະດັບນ້ຳທະເລເພີ່ມສູງຂຶ້ນ 65 ແມັດ, ຊາຍຝັ່ງໃໝ່ໆ ແລະ ທະເລໃນແຜ່ນດິນຈະເກີດຂຶ້ນ ແລະ ໜ້າຕາຂອງທະວີບຕ່າງໆຈະແຕກຕ່າງໄປຈາກພາບແຜນທີ່ທີ່ພວກເຮົາເຫັນຈົນຄຸ້ນຕາໃນທຸກມື້ນີ້.
ທົ່ວໂລກມີປະລິມານນ້ຳກ້ອນທັງໝົດລວມກັນກວ່າ 20 ລ້ານກິໂລແມັດກ້ອນ, ນັກວິທະຍາສາດເຄີຍປະເມີນວ່າ ຫາກມະນຸດຍັງຄົງເດີນໜ້າຜະລິດອາຍກາກໂບນິກຕໍ່ໄປ ຈະໃຊ້ເວລາປະມານ 5,000 ປີ ຈຶ່ງຈະເຮັດໃຫ້ນ້ຳກ້ອນທັງໝົດເປື່ອຍ ເມື່ອເຖິງເວລານັ້ນໂລກທີ່ປາສະຈາກນ້ຳກ້ອນຈະມີອຸນຫະພູມສະເລ່ຍ 80 ອົງສາຟາເຣນໄຮ ເມື່ອທຽບກັບປັດຈຸບັນເຊິ່ງຢູ່ທີ່ປະມານ 58 ອົງສາຟາເຣນໄຮ.
ທະວີບອາເມຣິກາເໜືອ: ຊາຍຝັ່ງທະເລອາກລັງຕິກດັ່ງເດີມຈະໝົດໄປ ໃນທີ່ນີ້ລວມໄປເຖິງຊາຍຝັ່ງຟໍຣິດາ ແລະ ຊາຍຝັ່ງ Gulf ອີກດ້ວຍໃນລັດຄາລິຟໍເນຍ, ສາຍພູຊານຟານຊິສໂກຈະກາຍເປັນກຸ່ມເກາະ, ບໍລິເວນ Central Valley ຈະກາຍເປັນອ່າວແທນ.
![](https://blogger.googleusercontent.com/img/b/R29vZ2xl/AVvXsEgwtuhgIj28CkOm60Lw1fnHIyAC1xchtdKXLl5-CGK2ynZUz-i5tX6vsTPUzi5Mua6sqY80SGxwOZu_jlPD7moN4nkkF5cBkQFPcQD7ZG7Bz-ihyTpuQTC7CTLVlo1PT8wGCNJC61q0qSg/s1600/142.jpg)
ທະວີອາເມຣິກາໃຕ້ (ອາເມຣິກາລາຕິນ): ເຂດລຸ່ມນ້ຳອາເມຊອນ ບໍລິເວນໂດຍຮອບແມ່ນ້ຳ Basin ຈະກາຍເປັນອ່າວ, ສ່ວນນະຄອນຫຼວງບົວໂນສໄອເຣສ ເມືອງຫຼວງຂອງອາກຊັງຕິນຈະຈົມຢູ່ໃຕ້ນ້ຳ ເມື່ອນ້ຳທະເລຖ້ວມເຂົ້າໄປໃນແຜ່ນດິນກໍ່ໃຫ້ເກີດຊາຍຝັ່ງໃໝ່ໆ.
![](https://blogger.googleusercontent.com/img/b/R29vZ2xl/AVvXsEhqK9jxpQmTL6QhYvIClQxSQUXlRR6zVlUo1aORZaBuP5C751UBcjF_f8yb8y_mA9tfi0q9rRcJoGMrNmYODIshqdchX0SBje3MhfUBnTnUO-ceUDXyQL_otGWfyj-s17g3rkPf2YSocFw/s1600/143.jpg)
ທະວີບອາຟຣິກາ: ທຽບກັບທະວີບອື່ນໆ ອາຟຣິກາໄດ້ຮັບຜົນກະທົບຈາກການເພີ່ມຂຶ້ນຂອງລະດັບນ້ຳທະເລໜ້ອຍທີ່ສຸດ ແຕ່ອຸນຫະພູມທີ່ເພີ່ມຂຶ້ນຂອງໂລກຈະສົ່ງຜົນໃຫ້ຫຼາຍເຂດໃນທະວີບບໍ່ສາມາດຢູ່ອາໄສໄດ້ເຊັ່ນ: ໃນນະຄອນຫຼວງໄຄໂຮ ປະເທດເອຢິບ ແລະ ນະຄອນອະເລັກຊາຍເດຍຈະຖືກນ້ຳຈາກທະເລເມດີເຕີເຣນຽນຖ້ວມ.
![](https://blogger.googleusercontent.com/img/b/R29vZ2xl/AVvXsEiCgpcAnjJu1zSV5cEGmUDxZsBpx_ditzfTubeGMvdYQ1Mr0K1GQ6ijnHu_GMIiPmId4ejefVH7ZXqSr8wm2SBGjukghq4QcyFVPabAIJ78MNA3GwWQEiAE5oKeRatwbQ3NFMwJKRcDrS0/s1600/144.jpg)
ທະວີບເອີຣົບ: ນະຄອນຫຼວງລອນດອນ ຂອງປະເທດອັງກິດຈະກາຍເປັນພຽງຄວາມຊົງຈຳ, ນະຄອນເວນິສຈະຈົມຢູ່ໃຕ້ທະເລອາເດຼຍຕິກ ອີກຫຼາຍພັນປີນັບຈາກນີ້ໂຮນລັງຈະຄ່ອຍໆຈົມລົງສູ່ທະເລ, ດານມາກກໍ່ເຊັ່ນກັນ ຈາກການຂະຫຍາຍຕົວຂອງທະເລເມດີເຕີເຣນຽນ, ທະເລດຳ ແລະ ທະເລແຄສປຽນ.
![](https://blogger.googleusercontent.com/img/b/R29vZ2xl/AVvXsEg2tmSvE5Xiw-0x8PQX9C1KP_5zSqbOHd1HNlvPdXUazAgVmZzssyomQapljCYFO09g9kg-v5NfpESqVeyScuylNauucUMyNWEj7oHWP6oFU0-fFUEAJ34lxshYPWztLxH1ZF2nXNinmGU/s1600/145.jpg)
ທະວີບອາຊີ: ເຂດທີ່ຢູ່ອາໄສຂອງຊາວຈີນຈຳນວນ 600 ລ້ານຄົນຈະຖືກນ້ຳຖ້ວມ ລວມໄປເຖິງປະເທດບັງກະລາເທດທີ່ມີປະຊາກອນ 160 ລ້ານຄົນ, ບໍລິເວນແນວຊາຍຝັ່ງທາງຕາເວັນອອກຂອງອິນເດຍຈະຖືກນ້ຳຖ້ວມຫຼາຍຂຶ້ນ, ພູມມິພາກອາຊີຕາເວັນອອກສຽງໃຕ້ນ້ຳຈະຖ້ວມນະຄອນຫຼວງບາງກອກປະເທດໄທ, ນ້ຳຈາກແມ່ນ້ຳຂອງຈະເຂົ້າຖ້ວມ ແລະ ສົ່ງຜົນໃຫ້ປະເທດກຳປູເຈຍກາຍເປັນເກາະ.
![](https://blogger.googleusercontent.com/img/b/R29vZ2xl/AVvXsEgHYar1KTjdQPRRSHtqJfxLRlhNPLvVfcAYRFsceNAI71i3Ptqg4FXBVYrXwH736ar9W8a5t_jDrexoPj99h9rgXEYI8ThoEqPi7JMAgR9_u1lXC6ShYJAnAO3Br5NJa0JeZhYuWQh_vbs/s1600/146.jpg)
ທະວີບໂອເຊອານີ: ອຸນຫະພູມທີ່ເພີ່ມສູງຂຶ້ນ ສົ່ງຜົນໃຫ້ທະເລຊາຍຂະຫຍາຍຕົວ, ລະດັບນ້ຳທະເລຈະສົ່ງຜົນໃຫ້ເກີດທະເລໃນທະວີບເພີ່ມຂຶ້ນ, ເຂດຊາຍຝັ່ງທາງຕາເວັນອອກຂອງທະວີບຈະຖືກນ້ຳຖ້ວມ ເຊິ່ງບໍລິເວນດັ່ງກ່າວມີຄວາມສຳຄັນເນື່ອງຈາກປະຊາກອນຂອງປະເທດປະມານ 4 ໃນ 5 ຈາກທັງໝົດອາໄສຢູ່ໃນບໍລິເວນນັ້ນ.
![](https://blogger.googleusercontent.com/img/b/R29vZ2xl/AVvXsEiBTeA405vI74bMuUryxnJutKzkYapuEYOLjLQITpDa6-GpGyW2iNx1TNwGe2ke7TJPiU30laaCOr073fbGw6BCUxWethlDoc4n_2qAS5vLAkG4SIdCwK1TJ3n9hZbgZycNqX2q6aXBY3U/s1600/147.jpg)
ທະວີບອັງຕິກ
ອາກຕິກຕາເວັນອອກ: ນ້ຳກ້ອນຢູ່ອາກຕິກຕາເວັນອອກມີຂະໜາດໃຫຍ່ຫຼາຍ ແລະ ບັນຈຸນ້ຳກ້ອນປະລິມານ 4 ໃນ 5 ຈາກທັງໝົດທົ່ວໂລກ ແຕ່ເຖິງຢ່າງໃດກໍ່ຕາມກໍ່ບໍ່ອາດທົນຕໍ່ໂລກຮ້ອນໄດ້.
ອາຕິກຕາເວັນຕົກ: ເຊັ່ນດຽວກັບປະເທດກຣີນແລນ ເນື້ອທີ່ຂອງອາກຕິກຕາເວັນຕົກມີຂະໜາດນ້ອຍຫາກປາສະຈາກນ້ຳກ້ອນ ແລະ ພື້ນທະວີບສ່ວນໃຫຍ່ກໍ່ຢູ່ຕ່ຳກວ່າລະດັບນ້ຳທະເລ ພາວະໂລກຮ້ອນສົ່ງຜົນໃຫ້ຊັັ້ນນ້ຳກ້ອນຄ່ອຍໆຍຸບຕົວລົງເລື້ອຍໆ.
![](https://blogger.googleusercontent.com/img/b/R29vZ2xl/AVvXsEiX_Ed7Kfow936AddsIkUDnwMMXbQthlcCWbp9FUSWJCO9JISp-WblpOAusfOB6FhKsf_ErtNYoL6EoNrItuIragRM3QSm6fhpUBCE5oQAZwR1PM60lc2_fRjwmqkkUsXcFqZI9JHZyM8E/s1600/148.jpg)
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
ສະແດງຄວາມຄິດເຫັນ