ສ.ອາເມຣິກາ ສົ່ງເຮືອຮົບເຂົ້າມາໃນທະເລຈີນໃຕ້ ທ່າມກາງບັນຍາກາດທີ່ຊັບຊ້ອນກັບຈີນ
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
![](https://blogger.googleusercontent.com/img/b/R29vZ2xl/AVvXsEisBSbiQ-q2fRroEYNbvm-0sgyRm9R1cSWEPQx_BePsrl7EHJuE9IPSz6OzQiGMTgoVQKMGFUrZ0eNpw6g4SGHC_fRhyphenhyphenNH5kjegzBe-TnjYtk4Zjohrdpi5k0hgiLEUFszGnjU0hriftxA/s1600/272.jpg)
ສຳນັກຂ່າວຕ່າງປະເທດລາຍງານ 10 ສິງຫາ 2017 ວ່າ: ປະຕິບັດການທົດສອບເສລີພາບການເດີນເຮືອໃນທະເລຈີນໃຕ້ ເກີດຂຶ້ນໃນຂະນະທີ່ທ່ານ ໂດໂນ ທຣຳ ປະທານປະເທດສະຫະລັດອາເມຣິກາ ກຳລັງພະຍາຍາມຂໍຄວາມຮ່ວມມືຈາກຈີນ ເພື່ອຄວບຄຸມໂຄງການຂີປະນາວຸດ ແລະ ນິວເຄຼຍຂອງເກົາຫຼີເໜືອ ແລະ ນີ້ກໍ່ອາດຈະເປັນການສ້າງຄວາມຫຍຸ້ງຍາກຊັບຊ້ອນຕໍ່ຄວາມພະຍາຍາມຫາຈຸດຢືນຮ່ວມກັນກັບຈີນກໍ່ເປັນໄດ້.
ເຈົ້າໜ້າທີ່ທາງການສະຫະລັດອາເມຣິກາເປີດເຜີຍວ່າ: ເຮືອຮົບ USS John S. McCain ແລ່ນເຂົ້າໃກ້ເກາະປະກາລັງມິສຊິບ ຣີບ ໃນບັນດາເກາະສະແປຼດລີ ເຊິ່ງເປັນການທົດສອບເສລີພາບການເດີນເຮືອ ໃນທະເລຈີນໃຕ້ເປັນຄັ້ງທີ 3 ນັບຕັ້ງແຕ່ທ່ານ ທຣຳ ເຂົ້າຮັບຕຳແໜ່ງຜູ້ນຳຂອງ ສ.ອາເມຣິກາ, ໃນເບື້ອງຕົ້ນນີ້ຍັງບໍ່ມີປະຕິກິລິຍາຕອບໂຕ້ຈາກກະຊວງປ້ອງກັນປະເທດ ຫຼື ກະຊວງການຕ່າງປະເທດຂອງຈີນ.
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
ສະແດງຄວາມຄິດເຫັນ