ຈີນເດີນໜ້າພັດທະນາໂຄງການລົດໄຟຄວາມໄວສູງ 4,000 ກິໂລແມັດຕໍ່ຊົ່ວໂມງ
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
![](https://blogger.googleusercontent.com/img/b/R29vZ2xl/AVvXsEghwvIPbHLaXM2dzjY1qq7P5OTx62h3dUrrNYBBvwo1sjmPEyFI86-iEBGt-3XmpGYqG5fJNoORLABZqC80XbmAI5STj7v6ijyWgn33HFM6OU4E35_7MbGZLem0ywMgqVgVkglKAfTu7Pc/s1600/489.jpeg)
ວິທະຍຸກະຈາຍສຽງແຫ່ງປະເທດລາຍງານວ່າ: ກອງປະຊຸມປຶກສາຫາລືສຸດຍອດທຸລະກິດດ້ານການບິນອະວະກາດສາກົນຈີນຄັ້ງທີ 3 ໄດ້ຈັດຂຶ້ນຢູ່ມືອງວູຮ້ານແຂວງຫູເປີຍ ປະເທດຈີນໃນວັນທີ 30 ສິງຫາ 2017 ທີ່ຜ່ານມາ, ໂດຍເນັ້ນຫົວຂໍ້ “ເຕົ້າໂຮມຊັບພະຍາກອນໂລກ, ຮ່ວມກັນຊຸກຍູ້ພັດທະນາການບິນອະວະກາດດ້ານທຸລະກິດ”. ແລະໃນໂອກາດດັ່ງກ່າວ, ກຸ່ມບໍລິສັດອຸດສາຫະກຳ ແລະ ວິທະຍາສາດການບິນ ແລະ ອະວະກາດຈີນ ຫຼື CASIC ໄດ້ເປີດເຜີຍແຜນພັດທະນາໃນຂົງເຂດການບິນອະວະກາດດ້ານທຸລະກິດຂອງຕົນ, ແລະ ໂຄງການ “ລົດໄຟຄວາມໄວສູງຮຸ່ນໃໝ່” ໄດ້ເຂົ້າສູ່ໄລຍະການຄົ້ນຄວ້າແລ້ວ, ໂດຍໃນອະນາຄົດຈະນຳໃຊ້ເຕັກນິກການບິນອະວະກາດເພື່ອໃຫ້ລົດໄຟແລ່ນດ້ວຍຄວາມໄວສູງກວ່າເກົ່າອີກ.
ທ່ານເໝົາຄາຍ, ຜູ້ຮັບຜິດຊອບເຕັກນິກຂອງໂຄງການດັ່ງກ່າວເປີດເຜີຍວ່າ, ກ້າວທຳອິດຂອງໂຄງການນີ້ຄືເຮັດໃຫ້ລົດໄຟສາມາດແລ່ນດ້ວຍຄວາມໄວ 1000 ກິໂລແມັດຕໍ່ຊົ່ວໂມງ, ເພື່ອຕອບສະໜອງຄວາມຕ້ອງການໃນການເດີນທາງລະຫວ່າງຕົວເມືອງ, ສ່ວນກ້າວທີສອງຈະພັດທະນາໃຫ້ບັນລຸຄວາມໄວສູງສຸດເຖິງ 2000 ກິໂລແມັດຕໍ່ຊົ່ວໂມງ, ເພື່ອສ້າງເປັນທາງລົດໄຟລະດັບຊາດ, ແລະ ເປົ້າໝາຍສຸດທ້າຍກໍ່ຄືສາມາດແລ່ນໃນຄວາມໄວ 4000 ກິໂລແມັດຕໍ່ຊົ່ວໂມງ.
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
ສະແດງຄວາມຄິດເຫັນ