ສານຕັດສິນໃຫ້ ທ່ານ ນາງ ຍິ່ງລັກ ອະດີດນາຍົກລັດຖະມົນຕີໄທ ຕິດຄຸກ 5 ປີ
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
![](https://blogger.googleusercontent.com/img/b/R29vZ2xl/AVvXsEilXTGvdgU5HLJgEQovOYJSEmPe3Ji5YWyjBAm7NlPf2TSDCIH2P8yfdRuOIx5cLL7zUunDqKJv7jYtff_BWf9rWPraaNDEVMAjOx12O2EpswqaWEMGzmG868-7yxZuSZ3SOlU2dXQbFLHL/s1600/589.jpg)
ສຳນັກຂ່າວຕ່າງປະເທດລາຍງານຈາກບາງກອກ 27 ກັນຍາ 2017 ວ່າ: ສານໄດ້ອ່ານຄຳຕັດສິນຄະດີໂຄງການຈຳນຳເຂົ້າ ໃນສະໄໝຂອງອະດີດນາຍົກລັດຖະມົນຕີ ທ່ານ ນາງ ຍິ່ງລັກ ຊິນນະວັດ ທີ່ປ່ອຍປະໃຫ້ມີການສໍ້ໂກງໃນໂຄງການດັ່ງກ່າວ, ໂດຍສານໄດ້ຕັດສິນໃຫ້ຕິດຄຸກເປັນເວລາ 5 ປີ ແລະ ໃຫ້ອອກໝາຍຈັບເພື່ອຂໍນຳຕົວກັບມາຮັບໂທດ ເພາະຜູ້ກ່ຽວໄດ້ຫຼົບໜີອອກນອກປະເທດນັບຕັ້ງແຕ່ກ່ອນການຕັດສິນຄັ້ງທີ່ຜ່ານມາຄືວັນທີ 25 ສິງຫາ 2017 ເຊິ່ງສານກໍ່ໄດ້ອອກໝາຍຈັບແລ້ວນັບຕັ້ງແຕ່ມື້ນັ້ນເປັນຕົ້ນມາ ແລະ ໄດ້ລຽນການອ່ານຄຳຕັດສິນມາເປັນວັນພຸດທີ 27 ກັນຍາ 2017 ນີ້.
ເຊິ່ງໃນວັນທີ 25 ສິງຫາ 2017 ທີ່ຜ່ານມາສານໄດ້ຕັດສິນໃຫ້ບຸກຄົນທີ່ກ່ຽວຂ້ອງກັບໂຄງການດັ່ງກ່າວຫຼາຍຄົນຕ້ອງໄດ້ຮັບໂທດເຊັ່ນ: ອະດີດລັດຖະມົນຕີກະຊວງການຄ້າ ຖືກຕັດສິນຕິດຄຸກ 42 ປີ ແລະ ອະດີດລັດຖະມົນຕີກະຊວງການເງິນ ຖືກຕັດສິນຕິດຄຸກ 36 ປີ ແລະ ຍັງມີບຸກຄົນອື່ນໆອີກຈຳນວນໜຶ່ງ.
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
ສະແດງຄວາມຄິດເຫັນ