ກຳປູເຈຍ ຈັບຜູ້ນຳຝ່າຍຄ້ານ ໃນຂໍຫາສົມຮູ້ຮ່ວມຄິດ ເພື່ອເປັນກະບົດ
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
![](https://blogger.googleusercontent.com/img/b/R29vZ2xl/AVvXsEizWVOK9qFZcQmCx2kA9AK4rDlQBCvhuEZhkHOmlgsHOxXzO1shju4SwxM3YNS8IN9OLuV7-QPD3OI9SNd1_Cm5rQfcKDkVPBxFbheoeOuPjFWj4bJljCC7uthRqTg4RjRkEG6KbqKURwY/s1600/485.jpg)
ສຳນັກຂ່າວຕ່າງປະເທດລາຍງານ 3 ກັນຍາ 2017 ວ່າ: ທ່ານ ແກມ ໂສພາ ຜູ້ນຳຝ່າຍຄ້ານກຳປູເຈຍ ອາຍຸ 64 ປີ ແລະ ເປັນຫົວໜ້າພັກກູ້ຊາດກຳປູເຈຍ ຖືກຈັບກຸມທີ່ເຮືອນຂອງທ່ານເອງໃນນະຄອນຫຼວງພະນົມເປັນ ເມື່ອຕອນເຊົ້າຂອງວັນອາທິດ ທີ 3 ກັນຍາ 2017 ນີ້, ຖືເປັນການປະເຊີນໜ້າຄັ້ງໃໝ່ຂອງລັດຖະບານກຳປູເຈຍ ທີ່ນຳໂດຍ ສົມເດັດ ຮຸນ ເຊນ ນາຍົກລັດຖະມົນຕີ ກັບ ຝ່າຍຕໍ່ຕ້ານ, ສື່ມວນຊົນອິດສະຫຼະ ຫຼື ໃຜກໍ່ຕາມທີ່ເປັນໄພຕໍ່ການຄອງອຳນາດອັນຍາວນານຂອງສົມເດັດ ຮຸນ ເຊນ ທີ່ປົກຄອງປະເທດກຳປູເຈຍມາຍາວນານກວ່າ 3 ທົດສະວັດແລ້ວ ກ່ອນທີ່ຈະມີການເລືອກຕັ້ງທົ່ວໄປໃນປີໜ້າ ເຊິ່ງທ່ານ ແກມ ໂສພາ ຖືວ່າເປັນອີກຄົນໜຶ່ງທີ່ທ້າທາຍອຳນາດຂອງສົມເດັດ ຮຸນ ເຊນ.
ລັດຖະບານກຳປູເຈຍອອກຖະແຫຼງການລະບຸວ່າ ມີຫຼັກຖານເປັນວິດີໂອ ແລະ ຫຼັກຖານອື່ນໆທີ່ບົ່ງບອກວ່າ ມີການສົມຮູ້ຮ່ວມຄິດກັນແບບລັບໆຂອງທ່ານ ແກມ ໂສພາ ກັບບຸກຄົນອື່ນໆ ແລະ ຊາວຕ່າງປະເທດເຊິ່ງເປັນໄພຕໍ່ປະເທດກຳປູເຈຍ ການກະທຳນອກເໜືອຈາກການສົມຮູ້ຮ່ວມຄິດກັນແບບລັບໆແລ້ວຖືວ່າເປັນກະບົດ.
![](https://blogger.googleusercontent.com/img/b/R29vZ2xl/AVvXsEhkaPNmiKsJoDZK-eqB1UC240ihHHQgAVqr5FEWxnj5JFXA8atE8vWZNAjYV_BfCO-g8nuSs1gVhU4LSA3JOFeSsyJPJd5Vez_kDtRILFfOXD94t3F-aiS3yGihXv0ynNFvhaEpZefHY5A/s1600/484.jpg)
ໂດຍພາບຂ່າວທີ່ຖືກເຜີຍແຜ່ທາງສື່ມວນຊົນຂອງກຳປູເຈຍສະແດງໃຫ້ເຫັນວ່າ ທ່ານ ແກມ ໂສພາ ຖືກຈັບໃສ່ກຸນແຈມືໄວ້ດ້ານຫຼັງແລ້ວນຳຕົວອອກຈາກເຮືອນໄປ, ໃນຂະນະທີ່ລູກສາວຂອງທ່ານ ເຊິ່ງເປັນເຈົ້າໜ້າທີ່ຂອງພັກກູ້ຊາດກຳປູເຈຍເປີດເຜີຍວ່າ ພໍ່ຂອງລາວຖືກຈັບກຸມດ້ວຍກຳລັງຕຳຫຼວດປະມານ 100-200 ຄົນ ທີ່ເຂົ້າມາປິດລ້ອມ ເພື່ອຄວບຄຸມພໍ່ຂອງລາວໄປຈາກເຮືອນ ໂດຍບໍ່ມີໝາຍຄົ້ນແຕ່ຢ່າງໃດ ຕອນນີ້ບໍ່ຮູ້ວ່າພໍ່ຢູ່ໃສ.
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
ສະແດງຄວາມຄິດເຫັນ