ຜູ້ນຳຈີນຮຽກຮ້ອງສົ່ງເສີມການຄ້າເສລີ ແລະ ເສດຖະກິດໂລກເປີດ
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
![](https://blogger.googleusercontent.com/img/b/R29vZ2xl/AVvXsEhihfB5l4Kib6qApNW4mq9uQNv6S2-G62mNTaCVJ_9rOcgQCT-KdnDw_K6XggQgSfRSzVki4InClE_wdJt8STWawIuR4Us9FFO1-LcmSLHqSwb5Tmd5VTL5jTuoko0NyogwFdynNfoESKI/s1600/494.jpg)
ສຳນັກຂ່າວຕ່າງປະເທດລາຍງານເມື່ອວັນທີ 3 ກັນຍາ 2017 ທີ່ຜ່ານມາວ່າ: ທ່ານ ສີ ຈິ້ນຜິງ ປະທານປະເທດຈີນຂຶ້ນກ່າວປາໄສໃນພິທີເປີດການປະຊຸມສຸດຍອດ Brics Business Forum 2017 ທີ່ເມືອງເຊຍເໝິນ ມົນທົນຝູຈ້ຽນ ທາງພາກຕາເວັນອອກສຽງໃຕ້ຂອງຈີນ ເມື່ອວັນອາທິດທີ່ຜ່ານມາ ເຊິ່ງທ່ານ ສີ ໄດ້ຮຽກຮ້ອງໃຫ້ກຸ່ມ Brics ລວມພະລັງຕໍ່ຕ້ານລັດທິຄຸ້ມຄອງການຄ້າ, ການສົ່ງເສີມການຄ້າເສລີ ແລະ ເສດຖະກິດໂລກເປີດ.
ທ່ານ ສີ ກ່າວອີກວ່າ ລັດຖະບານຈີນຈະກະຕຸ້ນບໍລິສັດຂອງຈີນໃຫ້ເດີນໜ້າລົງທຶນໃນຕ່າງປະເທດທົ່ວໂລກຕໍ່ໄປ ແລະ ຈີນ ຍິນດີຕ້ອນຮັບສະເໝີສຳລັບບໍລິສັດຂອງຕ່າງປະເທດທີ່ຈະເຂົ້າມາລົງທຶນໃນຈີນ ເຊິ່ງຈີນເປັນປະເທດເສດຖະກິດຂະໜາດໃຫຍ່ອັນດັບ 2 ຂອງໂລກ ຮອງຈາກສະຫະລັດ ອາເມຣິກາ.
![](https://blogger.googleusercontent.com/img/b/R29vZ2xl/AVvXsEjQOQxyoODaiyJ96FKRNDPdHSvhf30XRWsrwnc0hHLTlk3mHbUFSxiindBoFGv0vs94DIIxvlQUnsQsWWS1yUmhdH2NixgZ4PRH0jVmufbQmsmiDmkznSTdaeuGea0QLws-0nW3fvTfW_I/s1600/495.jpg)
Brics ເປັນການລວມຕົວກັນຂອງກຸ່ມປະເທດທີ່ມີການພັດທະນາທາງເສດຖະກິດຢ່າງວ່ອງໄວ ປະກອບດ້ວຍ ຈີນ, ເບຣຊິນ, ລັດເຊຍ, ອິນເດຍ ແລະ ອາຟຣິກາໃຕ້ ການປະຊຸມຈະດຳເນີນໄປເປັນເວລາ 2 ວັນ ລະຫວ່າງວັນທີ 3-4 ກັນຍາ 2017 ນີ້.
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
ສະແດງຄວາມຄິດເຫັນ