ເກົາຫຼີໃຕ້-ສ.ອາເມຣິກາແກ້ໄຂ ສົນທິສັນຍາພັດທະນາຂີປະນາວຸດ
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
![](https://blogger.googleusercontent.com/img/b/R29vZ2xl/AVvXsEigJ6Ald_tOOoQmDxqeAgU7yO3I_0kT4iY_Bbr710PuDh9FnKzMNN0_48VNGoEYwLJcD-oUQuSIUUPUvxpqvuDeafy9IQMr3Wb9uX8EJOuqRt8X06R9qemQ4kFm0YGlaIL1pBULehIMAgI/s1600/480.jpg)
ສຳນັກຂ່າວຕ່າງປະເທດລາຍງານ 2 ກັນຍາ 2017 ວ່າ: ທຳນຽມປະທານປະເທດເກົາຫຼີໃຕ້ອອກຖະແຫຼງການກ່ຽວກັບການສົນທະນາທາງໂທລະສັບລະຫວ່າງທ່ານ ມູນ ແຈ-ອິນ ປະທານປະເທດເກົາຫຼີໃຕ້ ກັບ ທ່ານ ໂດໂນ ທຣຳ ປະທານປະເທດສະຫະລັດ ອາເມຣິກາ ເມື່ອຕອນເຊົ້າວັນເສົານີ້ຕາມເວລາທ້ອງຖິ່ນ ເຊິ່ງກົງກັບຄືນວັນສຸກຕາມເວລາທ້ອງຖິ່ນໃນ ສ.ອາເມຣິກາ ວ່າ ຜູ້ນຳທັງສອງປະເທດໄດ້ປຶກສາຫາລືກ່ຽວກັບການຍົກລະດັບການຮ່ວມມືຕໍ່ຕ້ານໄພຈາກເກົາຫຼີເໜືອ ທີ່ລວມເຖິງການຈັດຊື້ອາວຸດ ແລະ ການແກ້ໄຂຂໍ້ຕົກລົງໃນສົນທິສັນຍາດ້ານຄວາມໝັ້ນຄົງລະດັບວະທິພາຄີ ເພື່ອເພີ່ມຂີດຄວາມສາມາດຂອງເກົາຫຼີໃຕ້ໃນການພັດທະນາຂີປະນາວຸດ.
ເຊິ່ງ ສ.ອາເມຣິກາ ແລະ ເກົາຫຼີໃຕ້ໄດ້ລົງນາມໃນຂໍ້ຕົກລົງດັ່ງກ່າວຮ່ວມກັນເມື່ອປີ 2001 ຈຳກັດໃຫ້ເກົາຫຼີໃຕ້ສາມາດຜະລິດຂີປະນາວຸດທີ່ມີນ້ຳໜັກບໍ່ເກີນ 500 ກິໂລກຣາມ ແລະ ພິໄສການຍິງສູງສຸດ 800 ກິໂລແມັດ ໂດຍເປັນໄປຕາມຈຸດປສະສົງຂອງ ສ.ອາເມຣິກາ ທີ່ບໍ່ຕ້ອງການໃຫ້ເກີດການແຂ່ງຂັນດ້ານອາວຸດໃນອາຊີຕາເວັນອອກສຽງເໜືອ ແຕ່ລັດຖະບານເກົາຫຼີໃຕ້ຕ້ອງການແກ້ໄຂສົນທິສັນຍາໃຫ້ມີການເພີ່ມລັດສະໝີການຍິງຂອງຂີປະນາວຸດຢ່າງໜ້ອຍ 3 ເທົ່າ ເພື່ອໃຫ້ຄວບຄວມຄັງອາວຸດບາງແຫ່ງຂອງເກົາຫຼີເໜືອໄດ້.
![](https://blogger.googleusercontent.com/img/b/R29vZ2xl/AVvXsEi0lbZlJnR3cN_DUDTIn4-_jhihcVDYWQCJjY0iUxdGlMhX2fqp1S5DS0OQZzigjZbpHPMkQglc87vt7PyRc-ilyUKxzlATw4klYT2xj29NTq_LOmJbVO3MgNhS0l1G9_qEFeEPr-q90kc/s1600/479.jpg)
ການເຄື່ອນໄຫວດັ່ງກ່າວເກີດຂຶ້ນໃນມື້ດຽວກັນກັບທີ່ກົດໝາຍຂອງສ.ອາເມຣິກາ ຫ້າມບໍ່ໃຫ້ຊາວອາເມຣິກາເດີນທາງໄປເກົາຫຼີເໜືອ ມີຜົນບັງຄັບໃຊ້ເມື່ອວັນທີ 1 ກັນຍາ 2017 ທີ່ຜ່ານມາ, ຫາກຜູ້ໃດຝາຝືນອາດຕ້ອງໄດ້ຮັບໂທດຕິດຄຸກສູງສຸດເຖິງ 10 ປີ ພ້ອມປັບໃໝເງິນອີກຈຳນວນໜຶ່ງ, ເຖິງຢ່າງໃດກໍ່ຕາມ ກົດໝາຍນີ້ຍົກເວັ້ນໃຫ້ກັບນັກການທູດ, ນັກຂ່າວ ແລະ ເຈົ້າໜ້າທີ່ບັນເທົາທຸກຂອງອົງການລະຫວ່າງປະເທດ ແຕ່ຕ້ອງມີການຍື່ນຂໍລ່ວງໜ້າເພື່ອຮັບການອະນຸມັດ ໂດຍຕ້ອງມີການອະທິບາຍຈຸດປະສົງໃນການເດີນທາງວ່າເປັນໄປເພື່ອ ຜົນປະໂຫຍດຂອງສ.ອາເມຣິກາ ແບບໃດ.
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
ສະແດງຄວາມຄິດເຫັນ