ນາຍົກອອກດຳລັດ ຫ້າມຕັ້ງສະຖານບັນເທີງໃກ້ໂຮງຮຽນ, ໂຮງໝໍ, ວັດ, ຫ້ອງການລັດ ແລະ ຫ້າມບໍ່ໃຫ້ສົ່ງສຽງອອກບໍລິເວນໃກ້ຄຽງ

ລັດຖະບານ ອອກດຳລັດເລກທີ 315/ລບ ລົງວັນທີ 02 ຕຸລາ 2017 ວ່າດ້ວຍ ການບັນເທີງ ເພື່ອເປັນຂໍ້ກຳນົດຫຼັກການ, ລະບຽບການ ແລະ ມາດຕະການກ່ຽວກັບການຄຸ້ມຄອງ ແລະ ການຕິດຕາມກວດກາທຸລະກິດບໍລິການບັນເທີງ ໃຫ້ມີຄວາມເປັນລະບຽບຮຽບຮ້ອຍ, ສະຫງົບ, ປອດໄພ, ໄດ້ມາດຕະຖານ ແລະ ເປັນເອກະພາບໃນທົ່ວປະເທດ ເພື່ອອະນຸລັກ, ປົກປັກຮັກສາ, ໂຄສະນາ, ສົ່ງເສີມ ສິລະປະ, ວັດທະນະທຳ, ຮີດຄອງປະເພນີອັນດີງາມຂອງຊາດ ໃຫ້ມີຄວາມຍືນຍົງ ແລະ ຂະຫຍາຍຕົວສູ່ສາກົນ