ລັດເຊຍກ່າວໃຫ້ ສ.ອາເມຣິກາວ່າ ຢ່າສະແດງລະຄອນວ່າຮົບກັບກຸ່ມ IS
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
![](https://blogger.googleusercontent.com/img/b/R29vZ2xl/AVvXsEhAArb1BFEEskKkjwK5ez7odfmYILB_7Vf315rPQX-ffnI_2X-By6PAy_PZH4isL1Po3u7izdJ_fD9yVgJgyNx0U8uNh0jI3IEAZGRKgox06hcnSwNXfTFANRn5TsQKO0chesNJAnO8S_4h/s1600/24.jpg)
ສຳນັກຂ່າວຕ່າງປະເທດລາຍງານ 11 ຕຸລາ 2017 ວ່າ: ທ່ານ ພົນຕີ ອິກໍ ໂຄນາເຊນຄັອບ ໂຄສົກກະຊວງປ້ອງກັນປະເທດລັດເຊຍ ຖະແຫຼງເມື່ອວັນອັງຄານທີ່ຜ່ານມາວ່າ ກອງທັບສະຫະລັດ ອາເມຣິກາ ແລະ ພັນທະມິດຫຼຸດລະດັບການໂຈມຕີທາງອາກາດໃນອິຣັກແບບມີເງື່ອນງຳ ນັບຕັ້ງແຕ່ເດືອນກັນຍາ 2017 ທີ່ຜ່ານມາ ເຊິ່ງເປັນໄລຍະດຽວກັນທີ່ກອງທັບຊີຣີໄດ້ຍົກລະດັບປະຕິບັດການໂຈມຕີໃນແຂວງເດອີ ເອສຊໍ ທີ່ຢູ່ທາງພາກຕາເວັນອອກຂອງປະເທດ ເພື່ອຂັບໄລ່ກຸ່ມ IS, ພຶດຕິກຳດັ່ງກ່າວຄ້າຍຄືກັບເປັນການ "ອຳນວຍຄວາມສະດວກ" ໃຫ້ແກ່ກຸ່ມ IS ໃນອິຣັກຂ້າມຊາຍແດນເຂົ້າມາຊ່ວຍເຫຼືອສະມາຊິກທີ່ກຳລັງຖືກປິດລ້ອມຢູ່ໃນແຂວງເດອີ ເອສຊໍ.
![](https://blogger.googleusercontent.com/img/b/R29vZ2xl/AVvXsEiMXui29XcbzvByRJGIyUuDKRUMukQIYYKM6xgPSpg-AzJ0i1KW_JA0YtrWDzqqqyJGCTF6g_JZQq929EUBqXvm2p0c4p2puRLs_OpDbjoeEl1eT7I3MWHfKSGdh8UmBUgSONCcTU7AVXug/s1600/23.jpg)
ໂຄສົກກະຊວງປ້ອງກັນປະເທດລັດເຊຍກ່າວຕໍ່ໄປວ່າ ເຖິງແມ່ນວ່າກອງທັບ ສ.ອາເມຣິກາ ແລະ ພັນທະມິດຍັງຄົງປະຕິບັດການໃນຊີຣີຢູ່ກໍ່ຕາມ ນັ້ນເປັນພຽງ "ເຫດຜົນບາງປະການເທົ່ານັ້ນ" ແຕ່ ສ.ອາເມຣິກາ ຕ້ອງຊີ້ແຈງສະຖານະການບໍລິເວນຕາມເຂດຊາຍແດນທາງຕາເວັນອອກຂອງແມ່ນ້ຳຢູເຟຣຕິສ ວ່າຕ້ອງການສ້າງຄວາມຫຍຸ້ງຍາກໃຫ້ກັບກອງທັບຊີຣີບໍ່? ເພາະກອງທັບຊີຣີກຳລັງປະຕິບັດການຢູ່ໃນແຂວງເດອີ ເອສຊໍ ຫຼື ເປັນຍຸດທະສາດໃນການຂັບໄລ່ກຸ່ມ IS ອອກຈາກອິຣັກ ດ້ວຍການປ່ອຍໃຫ້ອົບພະຍົບເຂົ້າມາເປັນເປົ້າໝາຍໃນການໂຈມຕີທາງອາກາດຂອງກອງທັບຊີຣີ ແລະ ລັດເຊຍກັນແທ້.
ຂະນະດຽວກັນກະຊວງປ້ອງກັນປະເທດ ສ.ອາເມຣິກາ ກໍ່ໄດ້ອອກຖະແຫຼງການປະຕິເສດຂໍ້ກ້າວຫາຂອງລັດເຊຍ ພ້ອມທັງຢືນຢັນວ່າເປົ້ນໝາຍຂອງປະຕິບັດການທາງການທະຫານໃນອິຣັກ ແລະ ຊີຣີ ຄືການກວາດລ້າງກຸ່ມ IS ໃຫ້ໝົດໄປເທົ່ານັ້ນ.
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
ສະແດງຄວາມຄິດເຫັນ