ເຈົ້າຊາຍຊາອູດິດຍອມຈ່າຍຄ່າປັບໃໝ 1,000 ລ້ານໂດລາ ແລກອິດສະຫຼະພາບຄະດີສໍ້ລາດບັງຫຼວງ
ສຳນັກຂ່າວຕ່າງປະເທດລາຍງານ 29 ພະຈິກ 2017 ວ່າ: ເຈົ້າຊາຍມີເຕບ ບິນ ອັບດຸນເລາະ (Miteb bin Abdullah) ລູກຊາຍຂອງກະສັດອາຣັບບີ ຊາອູດິດອົງກ່ອນ ແລະ ອະດີດລັດຖະມົນຕີກະຊວງປ້ອງກັນປະເທດ ທີ່ຖືກຄວບຄຸມຕົວ ພາຍໃນຫ້ອງພັກສຸດຫຼູຂອງໂຮງແຮມ The Ritz-Carlton ໃນນະຄອນຫຼວງຣິຢາດ ພ້ອມກັບເຈົ້າຊາຍອີກ 11 ພະອົງ, ນັກການເມືອງ ແລະ ນັກທຸລະກິດອີກ 200 ຄົນ ເມື່ອວັນທີ 4 ພະຈິກ 2017 ທີ່ຜ່ານມາ ໄດ້ຮັບການປ່ອຍຕົວແລ້ວ ພາຍຫຼັງທີ່ພະອົງຍິນຍອມຈ່າຍຄ່າເສຍຫາຍໃຫ້ກັບລັດຖະບານເປັນເງິນກວ່າ 1,000 ລ້ານໂດລາສະຫະລັດ.
ເຈົ້າຊາຍມີເຕບ ເປັນສະມາຊິກຂອງລາຊະວົງທີ່ມີອິດທິພົນຕໍ່ການເມືອງຂອງອາຣັບບີ ຊາອູດິດຫຼາຍທີ່ສຸດທີ່ຖືກຄວບຄຸມຕົວ ໃນການກວາດລ້າງການສໍ້ລາດບັງຫຼວງ ທີ່ສ້າງຄວາມເສຍຫາຍໃຫ້ກັບປະເທດອາຣັບບີ ຊາອູດິດກວ່າ 1 ແສນລ້ານໂດລາສະຫະລັດໃນໄລຍະ 10 ປີທີ່ຜ່ານມາ, ເຊິ່ງນອກຈາກພະອົງແລ້ວ ຍັງມີລາຍງານອີກວ່າມີຜູ້ທີ່ຖືກຄວບຄຸມຕົວອີກສາມຄົນໄດ້ຮັບການປ່ອຍຕົວ ພາຍຫຼັງຕົກລົງຈ່າຍຄ່າເສຍຫາຍໃຫ້ກັບລັດຖະບານຂອງອາຣັບບີ ຊາອູດິດ.
Influential Saudi Prince Miteb bin Abdullah, once seen as a contender to the throne, is the most high-profile royal to be released so far as the gov't appears to be striking monetary settlements with some of the detainees in exchange for their freedom https://t.co/rlUheDhH1l— AFP news agency (@AFP) November 29, 2017
ສະແດງຄວາມຄິດເຫັນ