ເກົາຫຼີເໜືອປະກາດຄວາມສຳເລັດ ຂີປະນາວຸດສາມາດຍິງໄດ້ໄກທົ່ວແຜ່ນດິນສະຫະລັດ
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
![](https://blogger.googleusercontent.com/img/b/R29vZ2xl/AVvXsEisjhx8sXiXptBqZrX6qp43FWDfM9MVkgkdjgV9yTN69SK0JSTsDJpGD2q48satzbkHAqmTC79djPPEnjF4Sn94o5CA4RhqzvP_4nOWrFvvhAFKTtGGaqK5hT7YMp1KURsP34SHIf0jqAZe/s1600/178.jpg)
ສຳນັກຂ່າວຕ່າງປະເທດລາຍງານ 29 ພະຈິກ 2017 ໂດຍອ້າງອີງຈາກລາຍງານຂອງສຳນັກຂ່າວກາງເກົາຫຼີ (KCNA) ເຊິ່ງເປັນກະບອກສຽງຫຼັກຂອງລັດຖະບານເກົາຫຼີເໜືອວ່າ: ທ່ານ ຄິມ ຈອງ-ອຶນ ຜູ້ນຳສູງສຸດຂອງເກົາຫຼີເໜືອ ລົງຕິດຕາມໃນການບັນຊາການ ແລະ ຮ່ວມສັງເກດການການຍິງຂີປະນາວຸດຂ້າມທະວີບ (ICBM) ຮວາຊອງ-15 (Hwasong-15) ທີ່ສາມາດຂຶ້ນສູ່ລະດັບຄວາມສູງໄດ້ປະມານ 4,475 ກິໂລແມັດ ສູງກວ່າຕຳແໜ່ງທີ່ຕັ້ງຂອງສະຖານີອະວະກາດນານາຊາດ (ISS) ເກີນ 10 ເທົ່າ ແລະ ສາມາດລອຍຢູ່ໃນອາກາດໄດ້ດົນເຖິງ 53 ນາທີ ເປັນໄລຍະທາງໄກປະມານ 960 ກິໂລແມັດ.
![](https://blogger.googleusercontent.com/img/b/R29vZ2xl/AVvXsEgwPj33OHOGrh83mViYA9SOy1YlgbtAMplv0FhdEUA3Ya_nT7r3BBb5CSBXt8h0yAo0GwtbURGuTHZguMEkvSRvGutIY4RqvbeqthEuGfLufM9FgwkExTPl7_RRdk1cvFAs5-lPlFO5zZ6T/s1600/182.jpg)
ເຊິ່ງລາຍງານຂອງ KCNA ລະບຸວ່າ: ທ່ານ ຄິມ ຈອງ-ອຶນ ກ່າວເຖິງການຍິງຂີປະນາວຸດໃນຄັ້ງນີ້ວ່າ: ເປັນປະຫວັດສາດ ແລະ ເປັນກຽດຕິຍົດຂອງເກົາຫຼີເໜືອໃນຖານະການເປັນ "ລັດນິວເຄຼຍ" ຢ່າງສົມບູນແບບ ພ້ອມທັງເຕືອນອີກວ່າ ແຜ່ນດິນໃຫຍ່ທັງໝົດຂອງສະຫະລັດຢູ່ພາຍໃຕ້ພິໄສການຍິງຂອງຫົວຊອງ-15 ທີ່ສາມາດໂຈມຕີເປົ້າໝາຍໄດ້ຢ່າງມີປະສິດທິພາບ ພ້ອມການຕິດຕັ້ງຫົວຮົບນິວເຄຼຍຂະໜາດໃຫຍ່.
ຂະນະທີ່ທ່ານ ໂດໂນ ທຣຳ ປະທານປະເທດສະຫະລັດ ອາເມຣິກາ ກ່າວເຖິງເຫດການທີ່ເກີດຂຶ້ນພຽງແຕ່ວ່າ "ສະຫະລັດຈະຕ້ອງແກ້ໄຂບັນຫານີ້" ດ້ານພົນເອກ ເຈມ ແມັດທິສ ລັດຖະມົນຕີກະຊວງປ້ອງກັນປະເທດສະຫະລັດ ກ່າວວ່າການຍິງຂີປະນາວຸດຂອງເກົາຫຼີເໜືອຄັ້ງນີ້ຖືເປັນ "ບາດກ້າວທີ່ສຳຄັນ" ທີ່ລັດຖະບານເກົາຫຼີເໜືອຈະພັດທະນາຂີປະນາວຸດທີ່ສາມາດ "ຮຸກຮານໂລກໄດ້ທັງໂລກ" ແຕ່ສະຫະລັດຍອມຮັບວ່າ ຂີປະນາວຸດລູກນີ້ສາມາດຂຶ້ນສູ່ລະດັບຄວາມສູງໄດ້ສູງທີ່ສຸດໃນບັນດາຂີປະນາວຸດທີ່ເກົາຫຼີເໜືອເຄີຍທົດລອງຜ່ານມາ ໂດຍການເຄື່ອນໄຫວຂອງເກົາຫຼີເໜືອໃນຄັ້ງນີ້ເກີດຂຶ້ນພຽງ 1 ອາທິດ ພາຍຫຼັງທີ່ສະຫະລັດນຳເກົາຫຼີເໜືອກັບເຂົ້າສູ່ບັນຊີດຳເປັນ "ລັດສະໜັບສະໜູນການກໍ່ການຮ້າຍ".
![](https://blogger.googleusercontent.com/img/b/R29vZ2xl/AVvXsEgL_9pFV2atF3cx8zWA76KrowajRkQi984JDgw5xRMl_aHstmOLufHvIgIOpbqq1yzsD0HY6sw181KFnQbexnnaxeiOD-mvamlLHi6dMaROcFxfiuG8YhWM-4VMmgxfEvpcEiJS3lCBNtxD/s1600/181.jpg)
ໃນຂະນະດຽວກັນທ່ານ ຊິນໂຊ ອາເບະ ນາຍົກລັດຖະມົນຕີຍີ່ປຸ່ນ ກໍ່ໄດ້ປະນາມເກົາຫຼີເໜືອຢ່າງຮຸນແຮງ ເນື່ອງຈາກຂີປະນາວຸດໄດ້ຕົກໃນນ່ານນ້ຳທີ່ຖືເປັນເຂດເສດຖະກິດພິເສດຂອງຍີ່ປຸ່ນ (EEC), ສ່ວນທ່ານ ມູນ ແຈ-ອິນ ປະທານປະເທດເກົາຫຼີໃຕ້ ກໍ່ໄດ້ຮຽກປະຊຸມສຸກເສີນໜ່ວຍງານດ້ານຄວາມໝັ້ນຄົງໃນນະຄອນຫຼວງໂຊ.
![](https://blogger.googleusercontent.com/img/b/R29vZ2xl/AVvXsEj50bj95DQijpRvBdWGQM0WjVsCA7LESAAn6VQNn5wBapBtJnHDoXbRL9nXC72v6J4X6zn6EefNbK2NpFokdvOcblXnZoWiKFauWFzzKhYmamB8xgFfcVADYM1ckgF17CnEZaXoqlBN7ps2/s1600/180.jpg)
![](https://blogger.googleusercontent.com/img/b/R29vZ2xl/AVvXsEhQu7L9bUkXTBck2eXYQBF9_zIcHNwGErzpBLEhDD4RpmIjKjsZ-7tBPVLGqJ9NCa4PPH94nqv0tIEd9tsp6MufaDEQ3lb_d6zJrZ8-5l4GRm030aXYhykNqhSn88IgKnapvKNuxobx9u9l/s1600/179.jpg)
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
ສະແດງຄວາມຄິດເຫັນ