ພູໄຟອາກຸງຍັງລະເບີດຕໍ່ເນື່ອງ ອິນໂດເນເຊຍປິດສະໜາມບິນບາຫຼີຕໍ່ຈົນເຖິງ 30 ພະຈິກ
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
![](https://blogger.googleusercontent.com/img/b/R29vZ2xl/AVvXsEiykSbuf2JKkHwYzf80tkKlBRQjNQfV7s5cR5WFG9AH0zmDZTlNLek4WqOhA2m1bWeyCOvIN854j7vvLk92LSPCVKgnP30UGpIO73am3GlzEGKgkjLMPvzit5hKyF1cW1CZuvo9KRpEvhyphenhyphenj/s1600/174.jpg)
ສຳນັກຂ່າວຕ່າງປະເທດລາຍງານ 29 ພະຈິກ 2017 ວ່າ: ສະໜາມບິນສາກົນງູຣະໄຣ ເຊິ່ງເປັນສະໜາມບິນຫຼັກຢູ່ເກາະບາຫຼີ ຂອງອິນໂດເນເຊຍ ອອກຖະແຫຼງການໃນວັນພຸດນີ້ ເລື່ອງຄວາມຈຳເປັນຕ້ອງຂະຫຍາຍໄລຍະເວລາປິດໃຫ້ບໍລິການ "ອີກຢ່າງໜ້ອຍ 24 ຊົ່ວໂມງ" ຫຼື ຈົນເຖິງເວລາ 07:00 ຂອງວັນພະຫັດທີ 30 ພະຈິກ 2017 ນີ້ ຕາມເວລາທ້ອງຖິ່ນ ພາຍຫຼັງທີ່ປິດບໍລິການມາຕັ້ງແຕ່ວັນຈັນທີ່ຜ່ານມາ ອັນເນື່ອງມາຈາກສະຖານະການຂອງພູໄຟອາກຸງ ທີ່ຍັງຄົງມີຄວັນຕຶບໜາ ແລະ ເຖົ່າຖ່ານກະຈາຍອອກມາຈາກປາກພູໄຟຢ່າງຕໍ່ເນື່ອງ ເຊິ່ງສະຖານະການດັ່ງກ່າວຍັງຖືເປັນຄວາມສ່ຽງຕໍ່ການຈະລາຈອນທາງອາກາດຢູ່ເກາະບາຫຼີ.
#Indonesia #volcano: #MountAgung eruption closes #Bali's main airport. https://t.co/D3lgvEozGN @EliottCNN @Ben_Westcott pic.twitter.com/1oTfUuUqOw— CNN Asia Pacific (@cnnasiapr) November 28, 2017
ໃນດ້ານຂອງລາຍງານຈາກ ສຳນັກງານບໍລິຫານຈັດການໄພພິບັດແຫ່ງຊາດຂອງອິນໂດເນເຊຍ (BNPB) ລະບຸວ່າ ພູໄຟອາກຸງລະເບີດຄັ້ງຫຼ້າສຸດເມື່ອເວລາ 20:00 ນາທີ ຕາມເວລາທ້ອງຖິ່ນຂອງວັນອັງຄານທີ່ຜ່ານມາ ຂະນະທີ່ໄລຍະເວລາຂອງການລະເບີດຄັ້ງຮຸນແຮງທີ່ສຸດຂອງວັນອັງຄານທີ່ຜ່ານມາ ຢູ່ໃນຊ່ວງເວລາ 14:00-15:00 ນາທີ ໂດຍກຸ່ມຄວັນລອຍຂຶ້ນສູງຈາກປາກພູໄຟເຖິງ 4,000 ແມັດ.
ເຊິ່ງ BNPB ໄດ້ຍົກລະດັບການເຕືອນໄພພູໄຟອາກຸງເປັນລະດັບ 4 ຫຼື ສີແດງ ເຊິ່ງເປັນຂັ້ນສູງສຸດ ເມື່ອວັນອາທິດທີ່ຜ່ານມາ ແລະ ສັ່ງອົບພະຍົບປະຊາຊົນປະມານ 100,000 ຄົນ ພາຍໃນລັດສະໜີ 10 ກິໂລແມັດຈາກຈຸດສູນກາງຂອງພູໄຟ ທ່າມກາງຄວາມເປັນຫ່ວງວ່າພູໄຟອາກຸງ ເຊິ່ງມີຄວາມສູງ 3,031 ແມັດ ອາດລະເບີດຢ່າງຮຸນແຮງຄືກັບທີ່ເຄີຍເກີດຂຶ້ນໃນປີ 1963 ທີ່ຂ້າຊີວິດປະຊາຊົນຫຼາຍກວ່າ 1,000 ຄົນ.
![](https://blogger.googleusercontent.com/img/b/R29vZ2xl/AVvXsEh0EPX5mHVbREwSOnzywTSmSyhQfF84d5JLgKjG4S5PIU_RY04p2SaDSnJitRUG3_U5MZTsN_rw2-M6bIwtWK8DBBZ-aOJIZ4M69kCQ-UdJRGdS-MmLQSrgCQ4g_47UXuwpxUUiCL2vugdi/s1600/158.jpg)
![](https://blogger.googleusercontent.com/img/b/R29vZ2xl/AVvXsEiDQfSyagAzq-l8G3V2JqzwDUgbiMLCCDTcQfLEz4WHMAPxAndVjGip0BSq1-GEDGbGHMQJia2mnDX6E85PyB7u7IA_fjm0wnGccnEkRZuf4dw3t5CcVpjc8_FfMXMAWaMTypeOI3KVKQke/s1600/159.jpg)
![](https://blogger.googleusercontent.com/img/b/R29vZ2xl/AVvXsEgqcOzR_AxV1ZalA6YF7VIszPIlb8KTzBUGfBf724DY8RFhN9074ZG2ZKoCqXFWz9fNoy4h10Wt9hkX1nCw0XDIQCLmLiVY-G3tdArmh4FMn6Qz-8erfN0uqkMdK1tdtF9lL6GfMx_VpJwN/s1600/177.jpg)
![](https://blogger.googleusercontent.com/img/b/R29vZ2xl/AVvXsEiUOcqq3tJcbUiep6JLcFtSGTKqeTIfjK0cCbhnbhvtKLc7OjzucPnuJjn8Sh1sfNBw-EO_T3a55Ncg2vN_TEyOMKt11JqJ3OqUKCxA8ENcvKEc0WBlLf5NlvdonhVfwt2dou9O704dRjId/s1600/175.jpg)
![](https://blogger.googleusercontent.com/img/b/R29vZ2xl/AVvXsEgvpLC7wW9xkye8gQi4h9yu08fduBZvyy8iZ_51PbTEp_mxML26NdHfIRloL71dmRdVthYqWAp-_Ue1-wE63dmVJ_9naYpTUBVBMpBk8R3An9GGg_uu93YP0zkGWw1DhqylFhAO5t7-_fJw/s1600/176.jpg)
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
ສະແດງຄວາມຄິດເຫັນ