ແຜ່ນດິນໄຫວຮຸນແຮງຊາຍແດນອິຣັກ-ອີຣານ ເສຍຊີວິດກວ່າ 129 ຄົນ ບາດເຈັບກວ່າ 1,000 ຄົນແລ້ວ
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
![](https://blogger.googleusercontent.com/img/b/R29vZ2xl/AVvXsEiwu9InKOhAlWoWO7xa1VGliN0wfIrwomjn2qtAzwjRTsxKb57EY4DhElCr6HVcEThzkxMPuaUXyRyOOttj1o2otzm8rsstlhmZitdvdOCTTrt4ss6yta2POZch8g4CtPrL6E6TBRa0_Hj8/s1600/755.jpg)
ສຳນັກຂ່າວຕ່າງປະເທດລາຍງານ 13 ພະຈິກ 2017 ວ່າ: ສຳນັກງານສຳຫຼວດທໍລະນີວິທະຍາສະຫະລັດ ອາເມຣິກາ (USGS) ກວດພົບການເກີດແຜ່ນດິນໄຫວຮຸນແຮງ 7.3 ຣິກເຕີ ເມື່ອເວລາ 21:18 ໂມງ ຕາມເວລາທ້ອງຖິ່ນຂອງນະຄອນຫຼວງແບັກແດດ ຂອງປະເທດອິຣັກ ເມື່ອວັນອາທິດທີ່ຜ່ານມາ (ກົງກັບເວລາ 01:18 ໂມງ ວັນຈັນ ຕາມເວລາໃນລາວ) ໂດຍຈຸດສູນກາງຂອງແຮງສັ່ນສະເທືອນຢູ່ເລິກລົງໄປໃຕ້ພື້ນດິນປະມານ 31 ກິໂລແມັດ ບໍລິເວນເມືອງຮາລັບຈາ ໃນພາກຕາເວັນອອກຂອງອິຣັກ ເຊິ່ງເປັນຊາຍແດນຕິດກັບພາກຕາເວັນຕົກຂອງອີຣານ.
![](https://blogger.googleusercontent.com/img/b/R29vZ2xl/AVvXsEi-ODRwqfkXeOALAe_j5xvzUPGBIKS0GzCoIQaGJxEgWeJ_XICamRTouL0Wk37_krfU1XPpPiFO2zt5-LXdh-t00rUDn01Ppjo7feD3gpksGtbwGDTykl1hEb02-qviAv6swkTMZ9dkWu-T/s1600/757.jpg)
ປັດຈຸບັນມີລາຍງານຜູ້ເສຍຊີວິດແລ້ວຢ່າງໜ້ອຍ 129 ຄົນ ແລະ ມີຜູ້ໄດ້ຮັບບາດເຈັບຫຼາຍກວ່າ 1,000 ຄົນ, ໂດຍໜ່ວຍກູ້ໄພປະເມີນຈຳນວນຜູ້ເສຍຊີວິດມີທິດທາງເພີ່ມສູງຂຶ້ນອີກ ເຖິງຢ່າງໃດກໍ່ຕາມ ລັດຖະບານທັງສອງປະເທດຍັງບໍ່ມີລາຍງານຄວາມເສຍຫາຍຢ່າງເປັນທາງການເທື່ອ.
![](https://blogger.googleusercontent.com/img/b/R29vZ2xl/AVvXsEi3dikPDh1BIZU0Ue1EcrJTWM2A60pNvAFVuUJnut-Okpx5Uj4Uw8yjH44DAg2YYjoSKLTtrcO4sxExrKYG1mYNzDwwJomjpxT18SpBoZmveO68rHGzyTU7NYWvibSgA_nCJ7nqi_zJ_Lne/s1600/756.jpg)
ຂະນະດຽວກັນຂໍ້ມູນຂອງ USGS ລະບຸວ່າ: ແຜ່ນດິນໄຫວຄັ້ງນີ້ເປັນຜົນມາຈາກການເຄື່ອນທີ່ບໍລິເວນຮອຍຕໍ່ລະຫວ່າງແຜ່ນອາຣະເບຍກັບແຜ່ນຢູເຣເຊຍ ທີ່ມີໄລຍະທາງຍາວປະມານ 1,500 ກິໂລແມັດ ເຊິ່ງຮອງຮັບພາກຕາເວັນຕົກຂອງອີຣານ ແລະ ພາກຕາເວັນອອກຂອງອິຣັກ ແລະ ແຮງສັ່ນສະເທືອນຍັງສາມາດຮັບຮູ້ໄດ້ໄກເຖິງບາງສ່ວນຂອງອິດສະຣາແອນ ແລະ ຕວັກກີອີກດ້ວຍ. ຫວນຄືນກັບໄປເມື່ອປີ 2003 ໄດ້ເກີດແຜ່ນດິນໄຫວຮຸນແຮງ 6.6 ຣິກເຕີ ທີ່ເມືອງບາມ ບໍລິເວນພາກກາງຂອງອີຣານ ເປັນເຫດເຮັດໃຫ້ມີຜູ້ເສຍຊີວິດຢ່າງໜ້ອຍ 31,000 ຄົນ.
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
ສະແດງຄວາມຄິດເຫັນ