Air China ງົດຖ້ຽວບິນນະຄອນຫຼວງປັກກິ່ງ-ປຽງຢາງ ແບບບໍ່ມີກຳນົດ
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
![](https://blogger.googleusercontent.com/img/b/R29vZ2xl/AVvXsEiVzMyNy1p6COG9QoBONZYun1eN7ZBNzgrtB_mnokJPsXGg6crvjS72lxNIEdAxr3rLwPBuS0I5Ryw6_p_8Yn9g9x6y0cf625UanTWVYWNxMsfi8YW0nqsBQrl8s4jXsNAMKAVydWMQZhOk/s1600/149.jpg)
ສຳນັກຂ່າວຕ່າງປະເທດລາຍງານ 22 ພະຈິກ 2017 ວ່າ: ສຳນັກງານໃຫຍ່ຂອງ Air China ຖະແຫຼງວ່າ ການຍຸດຕິຖ້ຽວບິນລະຫວ່າງນະຄອນຫຼວງປັກກິ່ງ-ນະຄອນຫຼວງປຽງຢາງ ເນື່ອງຈາກສະພາບທຸລະກິດບໍ່ດີ ແລະ ບໍ່ໄດ້ລະບຸຈະກັບມາເປີດໃຫ້ບໍລິການອີກຄັ້ງເມື່ອໃດ ໂດຍປົກກະຕິແລ້ວ ຖ້ຽວບິນດັ່ງກ່າວມີຕາຕະລາງບິນໃນວັນຈັນ, ພຸດ ແລະ ສຸກ ເລີ່ມໃຫ້ບໍລິການມາຕັ້ງແຕ່ປີ 2008 ທີ່ຜ່ານມາມີການຍົກເລີການບໍລິການຫຼາຍຄັ້ງ ແລະ ບໍ່ໄດ້ລະບຸສາເຫດທີ່ຊັດເຈນ.
ທັງນີ້, ການຍຸດຕິຖ້ຽວບິນຂອງສາຍການບິນຈີນ ເກີດຂຶ້ນໃນໄລຍະດຽວກັນກັບທີ່ຜູ້ແທນພິເສດລະດັບສູງຂອງຈີນເດີນທາງຢ້ຽມຢາມເກົາຫຼີເໜືອ.
ກ່ອນໜ້ານີ້ ທ່ານ ໂດໂນ ທຣຳ ປະທານປະເທດສະຫະລັດ ອາເມຣິກາປະກາດຂຶ້ນບັນຊີເກົາຫຼີເໜືອເປັນປະເທດທີ່ໃຫ້ການສະໜັບສະໜູນການກໍ່ການຮ້າຍອີກຄັ້ງ ຫຼັງຈາກທີ່ມີການຖອດເກົາຫຼີເໜືອອກຈາກບັນຊີລາຍຊື່ດັ່ງກ່າວເມື່ອ 9 ປີກ່ອນ ໃນສະໄໝການເປັນປະເທດປະເທດຂອງທ່ານ ຈອດ ດັບເບີຢູ ບູສ ໃນປີ 2008 ໂດຍຈະເຮັດໃຫ້ສະຫະລັດສາມາດດຳເນີນມາດຕະການຂວໍ້າບາດຕໍ່ເກົາຫຼີເໜືອໄດ້ເພີ່ມຫຼາຍຂຶ້ນ.
ໂດຍຜູ້ນຳສະຫະລັດກ່າວວ່າ ການທີ່ເກົາຫຼີເໜືອພະຍາຍາມພັດທະນາອາວຸດນິວເຄຼຍ ຖືເປັນການກະທຳທີ່ເປັນການກໍ່ການຮ້າຍຂ້າມຊາດ ພ້ອມທັງລະບຸວ່າ ການຂຶ້ນບັນຊີເກົາຫຼີເໜືອຄວນຈະເກີດຂຶ້ນແຕ່ດົນແລ້ວ.
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
ສະແດງຄວາມຄິດເຫັນ