ລາວ-ລັດເຊຍ ຈະສືບຕໍ່ຮ່ວມມື ເພື່ອສ້າງຄວາມເຂັ້ມແຂງໃນຫຼາຍດ້ານ
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
![](https://blogger.googleusercontent.com/img/b/R29vZ2xl/AVvXsEiBfhshyphenhyphen8NDgjZOMKCaaJIJzEL5xTzNXXY1H-BiBDELmZoirgDMkziOdQs-FE0nzAlxzcG5qH2O1613Q7Jhyphenhyphenhj4MyN6Tc3YqjtOsvYMuE2go_BdzZ2tus5TcmnAn70GBVdnopGZwEcIzYZS/s1600/764.jpg)
ສຳນັກຂ່າວຕ່າງປະເທດລາຍງານເມື່ອວັນທີ 12 ພະຈິກ 2017 ວ່າ: ລາວ-ລັດເຊຍຈະສືບຕໍ່ຮ່ວມມືສອງຝ່າຍໃນຫຼາຍດ້ານ, ທ່ານ ເດີມີຕຣີ ເມດເວດເດບ ນາຍົກລັດຖະມົນຕີລັດເຊຍກ່າວເມື່ອວັນອາທິດທີ່ຜ່ານມາໃນລະຫວ່າງການພົບປະນອກຮອບກອງປະຊຸມສຸດຍອດອາຊຽນ ຄັ້ງທີ 31 ທີ່ນະຄອນຫຼວງມະນິລາ ປະເທດຟິລິບປິນ ກັບທ່ານ ທອງລຸນ ສີສຸລິດ ນາຍົກລັດຖະມົນຕີຂອງລາວ.
"ສປປ.ລາວ ເປັນພັນທະມິດທີ່ສຳຄັນຂອງພວກເຮົາໃນອາຊີຕາເວັນອອກສຽງໃຕ້ ແລະ ພວກເຮົາມີແຜນທີ່ຈະສ້າງຄວາມເຂັ້ມແຂງ ແລະ ພັດທະນາພັນທະມິດຂອງພວກເຮົາ ເຊິ່ງພວກເຮົາມີຜົນສຳເລັດໃນຫຼາຍດ້ານ ແຕ່ເຖິງຢ່າງໃດກໍ່ຕາມ ຍັງມີຫຼາຍດ້ານທີ່ຈະສືບຕໍ່ປະຕິບັດງານຮ່ວມກັນເພື່ອໃຫ້ບັນລຸຕາມແຜນທີ່ວາງໄວ້" ທ່ານ ເດີມີຕຣີ ເມດເວດເດບກ່າວ.
![](https://blogger.googleusercontent.com/img/b/R29vZ2xl/AVvXsEj2cbIMGhp-w8UAG983sH8tso_DkBk0k-wqkgsF22fv_KWciNxd-R20HPkYxKatmbK9xqHOVKTq8-z2MBvAw9CusLc82u8kDNFXPLDJjqO456mgFeK8jZLzYIKgXsi9CO7ifSXGv8ju5szs/s1600/765.jpg)
ເຊິ່ງທ່ານນາຍົກລັດຖະມົນຕີລັດເຊຍຍັງກ່າວຕື່ມອີກວ່າ: ການປະຊຸມສຸດຍອດອາຊີຕາເວັນອອກ ແລະ ການປະຊຸມສຸດຍອດອາຊຽນ ໃນນະຄອນຫຼວງມະນິລານີ້ ຖືເປັນໂອກາດທີ່ດີໃນການສ້າງສາຍພົວພັນກັບບັນດາປະເທດເພື່ອນມິດ.
ໃນດ້ານຂອງທ່ານ ທອງລຸນ ສີສຸລິດ ກໍ່ໄດ້ກ່າວຂອບໃຈຕໍ່ລັດເຊຍ ແລະ ເຫັນດີເຫັນພ້ອມຕໍ່ການປຶກສາຫາລືກັນໃນຄັ້ງນີ້ ທີ່ເປັນຂີດໝາຍສຳຄັນໃນການຮ່ວມມືລະຫວ່າງລາວ-ລັດເຊຍ.
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
ສະແດງຄວາມຄິດເຫັນ