ສ.ອາເມຣິກາສົ່ງ F-22 ໂຈມຕີໂຮງງານຜະລິດຝິ່ນຂອງກຸ່ມຕາລີບັນ (ວິດີໂອ)
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
ສຳນັກຂ່າວຕ່າງປະເທດລາຍງານເມື່ອວັນທີ 20 ພະຈິກ 2017 ທີ່ຜ່ານມາວ່າ: ພົນເອກ ຈອນ ນິໂຄສັນ ຜູ້ບັນຊາການທະຫານກອງກຳລັງສະຫະລັດໃນອາຟະການິດສະຖານ ຖະແຫຼງໃນນະຄອນຫຼວງຄາບູນ ເມື່ອວັນຈັນທີ່ຜ່ານມາວ່າ: ຍົນຮົບ F-22 ຂອງກອງທັບສະຫະລັດ ໄດ້ຖິ້ມລະເບີດໂຈມຕີໂຮງງານຜະລິດຝິ່ນຂອງກຸ່ມຕາລີບັນ ໃນແຂວງເຮມານ ພາກໃຕ້ຂອງອາຟະການິດສະຖານ ເມື່ອຄືນວັນອາທິດທີ່ຜ່ານມາ, ປະຕິບັດການດັ່ງກ່າວນີ້ຖືເປັນຄັ້ງທຳອິດ ຕາມແຜນຍຸດທະສາດໃໝ່ ເພື່ອຕັດແຫຼ່ງເງິນທຶນສະໜັບສະໜູນກຸ່ມຕາລີບັນ ໂດຍກຸ່ມຕາລີບັນອາຟະການິດສະຖານ ສາມາດສ້າງລາຍໄດ້ຈາກການປູກຝິ່ນ ແລະ ຜະລິດຝິ່ນ ປີລະປະມານ 200 ລ້ານໂດລາສະຫະລັດ.
![]() |
ພົນເອກ ຈອນ ນິໂຄສັນ |
ໂດຍໃນລະຫວ່າງການຖະແຫຼງພົນເອກ ນິໂຄສັນ ໄດ້ເປີດວິດີໂອສະແດງໃຫ້ເຫັນນາທີທີ່ຍົນຮົບ F-22 ຖິ້ມລະເບີດຂະໜາດ 250 ປອນ ລົງໃສ່ອາຄານ 2 ຫຼັງ ທີ່ເປັນບ່ອນຜະລິດຝິ່ນຂອງກຸ່ມຕາລີບັນ.
![](https://blogger.googleusercontent.com/img/b/R29vZ2xl/AVvXsEhTY6byh66sHEjyZ-VpHBkJTaufuScLD0plJF02wAPMsHydaLgnrpnXVCn6UmaFCDRRXIaHNiVT91_YAXKAUYR2LqhUPq3ZCN5Iv2Nl1TQkbtrZhCZwyW3ckqU7CgN26aZSrSijoq14lvUP/s1600/131.jpg)
ແຂວງເຮມານເປັນເຂດທີ່ມີການປູກຝິ່ນຫຼາຍທີ່ສຸດຂອງອາຟະການິດສະຖານ ຈາກການເປີດເຜີຍຂອງສຳນັກງານປາບປາມຢາເສບຕິດ ແລະ ອາຊະຍາກຳແຫ່ງສະຫະປະຊາຊາດ (UNODC) ເມື່ອອາທິດທີ່ຜ່ານມາ ໄດ້ລະບຸວ່າ ຜົນຜະລິດຝິ່ນໃນອາຟະການິດສະຖານສູງຂຶ້ນເປັນສະຖິຕິໃໝ່ໃນປີນີ້ ໂດຍມີປະມານ 9,000 ໂຕນ, ສູງຂຶ້ນກວ່າປີທີ່ຜ່ານມາ 87%.
ເຊິ່ງຜ່ານມາ UNODC ກ່າວເຕືອນວ່າ ຄວາມອ່ອນແອຂອງລັດຖະບານອາຟະການິດສະຖານໃນການຮັກສາຄວາມໝັ້ນຄົງໃນປະເທດ ຈະເຮັດໃຫ້ຄວາມພະຍາຍາມໃນການປາບປາມຢາເສບຕິດໃນປະເທດລົ້ມເຫຼວ.
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
ສະແດງຄວາມຄິດເຫັນ