ອິດສະຣາແອນໂຈມຕີທາງອາກາດໃນເຂດກາຊາ ນັກຮົບຮາມາສຕາຍ 2
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
![](https://blogger.googleusercontent.com/img/b/R29vZ2xl/AVvXsEjgUWtV2hrMxizS60gTiHiaZ427p4elHnZ5kWrFSe7o5Ne2gbLvt6OtZuAEug-6qt6jz8gvpldsfiVRASywmpFMvfPPjsLIRbfyC776z3xOAP2AYN2dswQamdWH1xoN_S2QVQOwdzq2dcWm/s1600/1015.jpg)
ສຳນັກຂ່າວຕ່າງປະເທດລາຍງານ 10 ທັນວາ 2017 ວ່າ: ກອງກຳລັງປ້ອງກັນອິດສະຣາແອນ (IDF) ອອກຖະແຫຼງການວ່າ ໄດ້ປະຕິບັດການໂຈມຕີທາງອາກາດຕໍ່ເປົ້າໝາຍ 4 ແຫ່ງໃນເຂດກາຊາ ເມື່ອວັນເສົາທີ່ຜ່ານມາ ເພື່ອຕອບໂຕ້ການລະດົມຍິງຈະຫຼວດຂ້າມຊາຍແດນຂອງກຸ່ມຮາມາສຫຼາຍຄັ້ງເມື່ອວັນສຸກທີ່ຜ່ານມາ ໂດຍຈະຫຼວດສ່ວນໃຫຍ່ຕົກລົງໃນເຂດເມືອງສະເດີຣອດ ທີ່ຢູ່ທາງພາກໃຕ້ຂອງປະເທດ ສົ່ງຜົນໃຫ້ປະຊາຊົນຈຳນວນຫຼາຍຕ້ອງພົບພະຍົມໄປອາໄສຢູ່ສູນພັກເຊົາຊົ່ວຄາວຂອງທາງການ ທ່າມກາງຄວາມເປັນຫ່ວງຂອງປະຊາຊົນໃນທ້ອງຖິ່ນວ່າ ສະຖານະການອາດທະວີຄວາມຮຸນແຮງຂຶ້ນ ເນື່ອງຈາກກອງທັບອິດສະຣາແອນກັບກຸ່ມຮາມາສເຮັດສົງຄາມກັນມາແລ້ວ 3 ຄັ້ງ ໃນຮອບ 1 ທົດສະວັດທີ່ຜ່ານມາ.
![](https://blogger.googleusercontent.com/img/b/R29vZ2xl/AVvXsEg6dm9c8eE1HKSLnryCLV5gGhiYntiJ0vaDt_AqsYiCjXQnkQqIA0RP0I1I8BckfqF-nbPd_OK48OdmcteflBnfx5UIU5h6wNbJtbOSBus8RYsDg5F2x2LtfR6Yp6dKNKFp4KP5stwkkyzF/s1600/1014.jpg)
ໃນດ້ານຂອງກຸ່ມຮາມາສເອງກໍ່ອອກຖະແຫຼງການວ່າມີສະມາຊິກຢ່າງໜ້ອຍ 2 ຄົນເສຍຊີວິດຈາກການໂຈມຕີຂອງອິດສະຣາແອນໃນຄັ້ງນີ້ ແລະ ຍັງມີຜູ້ໄດ້ຮັບບາດເຈັບອີກ 20 ຄົນ ໂດຍມີປະຊາຊົນລວມຢູ່ນຳອີກດ້ວຍ ພ້ອມທັງປະນາມວ່າອິດສະຣາແອນເປັນຝ່າຍກະຕຸ້ນໃຫ້ເກີດຄວາມຮຸນແຮງ ຈົນມີຜູ້ເສຍຊີວິດລວມຢ່າງໜ້ອຍ 4 ຄົນ ຕັ້ງແຕ່ກາງອາທິດທີ່ຜ່ານມາ ແລະ ຈຳນວນຜູ້ໄດ້ຮັບບາດເຈັບເພີ່ມເປັນເກືອບ 200 ຄົນແລ້ວ, ເຖິງຢ່າງໃດກໍ່ຕາມ ກຸ່ມຮາມາສຢືນຢັນວ່າການພ້ອມໃຈກັນລຸກຮືຂຶ້ນຂອງປະຊາຄົມອາຣັບຍັງຈະດຳເນີນຕໍ່ໄປ ຈົນກວ່າຈະບັນລຸເປົ້າໝາຍຄືການໄດ້ນະຄອນເຢຣູຊາເລມກັບຄືນຈາກ "ຂະບວນການໄຊອໍນິສ".
![](https://blogger.googleusercontent.com/img/b/R29vZ2xl/AVvXsEgka7xzeSvJWbOmIBMZ3tfJsKZSdXqBaplTrX_9AJhoHHVo8B7ZoDaG0ohibgYK5Geg8ww8J6QtI7wp9y58wdMgNJ4Fyp-qkEIcboBZ-1Fyuw4EtFeR68Cz6Bf7wSsrvqraMR6Y2JfvGJB3/s1600/1016.jpg)
ຂະນະທີ່ສະຖານະການໂຮມຊຸມນຸມປະທ້ວງຕໍ່ຕ້ານສະຫະລັດ ແລະ ອິດສະຣາແອນໃນເຂດກາຊາ, ເຂດເວດແບັງ ແລະ ໃນຝັ່ງຕາເວັນອອກຂອງນະຄອນເຢຣູຊາເລມ ຕະຫຼອດຮອດໃນຕ່າງປະເທດລວມທັງໃນອິນໂດເນເຊຍ ເຊິ່ງເປັນປະເທດມຸດສະລິມຂະໜາດໃຫຍ່ທີ່ສຸດຂອງໂລກ ຍັງເກີດຂຶ້ນຢ່າງຕໍ່ເນື້ອງນັບຕັ້ງແຕ່ກຸ່ມຮາມາສ ແລະ ກຸ່ມຮິບບອນເລາະປຸກລະດົມໃຫ້ປະຊາຊົນປາເລສໄຕ ແລະ ຊາວມຸດສະລິມທົ່ວທຸກມຸມໂລກຮ່ວມກັນລຸກຮືຂຶ້ນສະແດງພະລັງຕໍ່ຕ້ານ ການທີ່ສະຫະລັດ ອາເມຣິກາ ຮັບຮ້ອງເອົານະຄອນເຢຣູຊາເລມໃນຖານະເມືອງຫຼວງຂອງອິດສະຣາແອນ ແລະ ກຽມຍ້າຍສະຖານທູດສະຫະລັດ ອາເມຣິກາຈາກນະຄອນຫຼວງເທວອາວິບໃຫ້ໄປຕັ້ງຢູ່ໃນເຢຣູຊາເລມໃນອີກບໍ່ພໍເທົ່າໃດປີຂ້າງໜ້າ ໄດ້ເຮັດໃຫ້ເກີດສຽງປະນາມຢ່າງໜັກໜ່ວງໄປທົ່ວທັງຕາເວັນອອກາງ, ໂລກອາຣັບ ແລະ ບັນດາປະເທດຕ່າງໆໃນຕາເວັນອອກ ລວມທັງພັນທະມິດຂອງສະຫະລັດ ອາເມຣິກາເອງ.
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
ສະແດງຄວາມຄິດເຫັນ