ສ.ອາເມຣິກາກັບລຳ ທຳນຽບຂາວປະຕິເສດເຈລະຈາກັບເກົາຫຼີເໜືອ
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
![](https://blogger.googleusercontent.com/img/b/R29vZ2xl/AVvXsEjyTt72FCrbxhMbL_wSKcMGTltwFto05Ta5VKKYahrAy9a7EKT5TpoyYYvRt8A5Xp2VR6pFHmw6mfk-oZq1yNxQIOpeSQrYYildquaQUGH5ytgo2rAaNvZxoe2J9e749U09tgDjfgzdoFQq/s1600/1053.jpg)
ສຳນັກຂ່າວຕ່າງປະເທດລາຍງານ 14 ທັນວາ 2017 ວ່າ: ທ່ານ ນາງ ຊາຣາ ແຊນເດີ ໂຄສົກທຳນຽບຂາວກ່າວເມື່ອວັນພຸດທີ່ຜ່ານມາວ່າ: ນະໂຍບາຍ ແລະ ຈຸດຢືນຂອງທ່ານ ໂດໂນ ທຣຳ ປະທານປະເທດສະຫະລັດ ອາເມຣິກາ ທີ່ມີຕໍ່ສະຖານະການຢູ່ແຫຼມເກົາຫຼີ "ບໍ່ປ່ຽນແປງ" ຕາບໃດທີ່ລັດຖະບານເກົາຫຼີເໜືອຍັງສະແດງພຶດຕິກຳຂົ່ມຂູ່ຮຸກຮານຕໍ່ພູມມິພາກອາຊີຕາເວັນອອກສຽງເໜືອ ບໍ່ພຽງແຕ່ສະເພາະຍີ່ປຸ່ນເທົ່ານັ້ນ ແຕ່ຍັງລວມເຖິງຈີນ ແລະ ເກົາຫຼີໃຕ້ອີກດ້ວຍ, ນອກຈາກນີ້ບົດບາດຂອງເກົາຫຼີເໜືອທີ່ສະແດງອອກມານັບຕັ້ງແຕ່ອະດີດຈົນເຖິງປັດຈຸບັນເກືອບບໍ່ເຄີຍສົ່ງຜົນດີຕໍ່ຕົນເອງເລີຍ.
ຂະນະທີ່ສະພາຄວາມໝັ້ນຄົງແຫ່ງຊາດສະຫະລັດ (NSC) ອອກຖະແຫຼງການວ່າ ເມື່ອປະເມີນຈາກການທົດສອບຂີປະນາວຸດຄັ້ງຫຼ້າສຸດຂອງເກົາຫຼີເໜືອແລ້ວ NSC ຍັງບໍ່ເຫັນຄວນວ່າໃນໄລຍະນີ້ເໝາະສົມທີ່ຈະຈັດຕັ້ງການເຈລະຈາຮ່ວມກັນ.
ທ່າທີດັ່ງກ່າວຂອງທຳນຽບຂາວ ແລະ NSC ຖືເປັນການຕອບໂຕ້ຕໍ່ການທີ່ທ່ານ ເຣັກ ທິວເລີສັນ ລັດຖະມົນຕີກະຊວງການຕ່າງປະເທດສະຫະລັດ ອາເມຣິກາກ່າວເມື່ອວັນອັງຄານທີ່ຜ່ານມາວ່າ ລັດຖະບານສະຫະລັດ ອາເມຣິກາ ພ້ອມເຈລະຈາກັບເກົາຫຼີເໜືອທຸກເມື່ອ ໂດຍປາສະຈາກການກຳນົດເງື່ອນໄຂລ່ວງໜ້າ ແລະ ເກົາຫຼີເໜືອຕ້ອງມີຄວາມຈິງໃຈທີ່ຈະຍຸດຕິໂຄງການນິວເຄຼຍ.
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
ສະແດງຄວາມຄິດເຫັນ