ອິດສະຣາແອນ ປູພົມໂຈມຕີທາງອາກາດໃນເຂດກາຊາ
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
![](https://blogger.googleusercontent.com/img/b/R29vZ2xl/AVvXsEgkt-WPfGZx9my9Jfx1p8uyyaVlVYWbvbjT7mHURxZsE3K9fLhEloscxldTaoDUjljDt1MJJNTelZLRi6Hd1JG2VZO3OMXfT6sbqLMA_NlXwq7ORiYav-SVR9w5WhLKyYnqbhRp2_PvkQZ0/s1600/1054.jpg)
ສຳນັກຂ່າວຕ່າງປະເທດລາຍງານ 14 ທັນວາ 2017 ວ່າ: ກອງກຳລັງປ້ອງກັນຕົນເອງອິດສະຣາແອນ (IDF) ອອກຖະແຫຼງການເລື່ອງປະຕິບັດການໂຈມຕີທາງອາກາດຕໍ່ເປົ້າໝາຍ 3 ແຫ່ງໃນເຂດກາຊາ ເຊິ່ງຕ້ອງສົງໄສເປັນຄັງອາວຸດຂອງກຸ່ມຮາມາສທີ່ປົກຄອງເຂດກາຊາ ເມື່ອຕອນເຊົ້າມືດຂອງວັນພະຫັດນີ້ຕາມເວລາທ້ອງຖິ່ນ ເພື່ອຕອບໂຕ້ທີ່ມີຈະຫຼວດຫຼາຍລູກລອຍຂ້າມຊາຍແດນຈາກເຂດກາຊາມາຕົກລົງໃນອານາເຂດທາງໃຕ້ຂອງອິດສະຣາແອນ.
Tonight, in response to the rockets fired at Israel, the IDF targeted 3 Hamas terror facilities across Gaza using IAF platforms. The terror facilities were used as training & weapons storage compounds— IDF (@IDFSpokesperson) 14 ธันวาคม 2560
ເຊິ່ງລາຍງານຂອງ IDF ບໍ່ໄດ້ລະບຸຂອບເຂດຂອງການສູນເສຍທີ່ເກີດຂຶ້ນ ເຊິ່ງລວມເຖິງຈຳນວນຜູ້ເສຍຊີວິດ ແລະ ໄດ້ຮັບບາດເຈັບຈາກປະຕິບັດການດັ່ງກ່າວ ເຊິ່ງເກີດຂຶ້ນພຽງບໍ່ພໍເທົ່າໃດຊົ່ວໂມງພາຍຫຼັງທີ່ລະບົບປ້ອງກັນຂີປະນາວຸດ ຂອງອິດສະຣາແອນກວດຈັບຈະຫຼວດ 2 ລູກທີ່ມີການຍິງອອກມາຈາກເຂດກາຊາ, ນອກຈາກນີ້ IDF ຍັງປະກາດປິດເສັ້ນທາງລຳລຽງສິນຄ້າລະຫວ່າງເຂດກາຊາກັບອິດສະຣາແອນຢ່າງບໍ່ມີກຳນົດ ນັບຕັ້ງແຕ່ວັນພະຫັດ 14 ທັນວາ 2017 ເປັນຕົ້ນໄປດ້ວຍເຫດຜົນດ້ານຄວາມໝັ້ນຄົງ.
![](https://blogger.googleusercontent.com/img/b/R29vZ2xl/AVvXsEjL6u31FbjUYFWIb3pYs1VplftVgYnZL8tvkCxzvPBzf7NZ-rIuB1z3SF3NR8IFKJoniOV6V2nYbOqfffvJQXSQ6Hyrr_461axH8_W-wS7a3qFdh53UfUxk9y5PWRLz4EvNO8Jqu1ydHMGB/s1600/1055.jpg)
ຂະນະທີ່ແຫຼ່ງຂ່າວດ້ານຄວາມໝັ້ນຂອງຂອງລັດຖະບານປາເລສໄຕກ່າວວ່າ ຍົນຮົບຂອງ IDF ໄດ້ຖິ້ມລະເບີດຫຼາຍກວ່າ 10 ຄັ້ງເພື່ອໂຈມຕີເປົ້າໝາຍທັງສາມແຫ່ງ ສ່ວນໃຫຍ່ຢູ່ທາງເໜືອຂອງເຂດກາຊາ ສ້າງຄວາມເສຍຫາຍຢ່າງໜັກໃຫ້ກັບສະຖານທີ່ຕ່າງໆທີ່ເປັນເປົ້າໝາຍ ລວມທັງບ້ານເຮືອຂອງປະຊາຊົນໃນເຂດໃກ້ຄຽງ ແລະ ມີລາຍງານຜູ້ໄດ້ຮັບບາດເຈັບແຕ່ຈຳນວນຍັງບໍ່ຊັດເຈນ.
ໂດຍບັນຍາກາດຂອງຄວາມສຳພັນລະຫວ່າງອິດສະຣາແອນກັບປາເລສໄຕທະວີຄວາມເຄັ່ງຕຶງຂຶ້ນອີກຄັ້ງ ນັບຕັ້ງແຕ່ທ່ານ ໂດໂນ ທຣຳ ປະທານປະເທດສະຫະລັດ ອາເມຣິກາ ປະກາດຮັບຮອງເອົານະຄອນເຢຣູຊາເລມເປັນນະຄອນຫຼວງຂອງອິດສະຣາແອນ ເມື່ອອາທິດທີ່ຜ່ານມາ ຮຽກສຽງວິພາກວິຈານຢ່າງໜັກຈາກປະຊາຄົມໂລກ ໂດຍສະເພາະປະຊາຄົມມຸດສະລິມໃນທົ່ວໂລກ.
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
ສະແດງຄວາມຄິດເຫັນ