ທ່ານ ປູຕິນກ່າວ: ສ.ອາເມຣິກາລະເມີດສົນທິສັນຍາດ້ານນິວເຄຼຍ
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
![](https://blogger.googleusercontent.com/img/b/R29vZ2xl/AVvXsEiIBIcAQ4y5h0HgCWGgYh7gdTqDuQnqrzDDC2fDsTuDG4F4TgFWoFHbVIEvO0g69mGPElIa4he5jpMYhdO4h-7sZGYzRqDaZz5r_1KM4j0vUkYJAHIcrxZowr0K29yNtmVF0kaelmX4axgZ/s1600/5.jpg)
ສຳນັກຂ່າວຕ່າງປະເທດລາຍງານເມື່ອວັນທີ 22 ທັນວາ 2017 ວ່າ: ທ່ານ ປູຕິນ ປະທານປະເທດລັດເຊຍ ກ່າວຕໍ່ກອງປະຊຸມຄະນະນາຍທະຫານລະດັບສູງຂອງເຫຼົ່າທັບ ທີ່ເມືອງບາລາຊິກາ ນະຄອນຫຼວງມົດສະກູ ເມື່ອວັນສຸກທີ່ຜ່ານມາວ່າ: ຖານທີ່ຕັ້ງລະບົບປ້ອງກັນຂີປະນາວຸດຂອງສະຫະລັດ ອາເມຣິກາໃນຣູມານີ ທີ່ມີຈະຫຼວດພິໄພກາງແບບພື້ນສູ່ພື້ນປະກອບຢູ່ນຳ ຖືເປັນການລະເມີດສົນທິສັນຍາກອງກຳລັງນິວເຄຼຍພິໄສກາງ (INF) ປີ 1987.
![](https://blogger.googleusercontent.com/img/b/R29vZ2xl/AVvXsEjW73_T44DXsRCSACRjwimtwtU8zS-wjYsXkZY4GiBHOZSboy457BiDUuQdt4pKofpnDK0kvWp0RlQnXF5fz1BjJ4vmQ82lGaPJxX_ykIyZ-CuzTO86iOAVhC7keCeXCS1wvfT-o1Sy7P77/s1600/6.jpg)
ກ່ອນໜ້າທີ່ລັດເຊຍກໍ່ໄດ້ກ່າວວ່າ ລະບົບຂີປະນາວຸດຂອງສະຫະລັດ ອາເມຣິກາ ໃນໂປໂລຍ ແລະ ຣູມານີ ຖືກອອກແບບເພື່ອຍິ່ງຂີປະນາວຸດໂຈມຕີຂອງລັດເຊຍໂດຍສະເພາະ.
ທ່ານ ປູຕິນກ່າວອີກວ່າ ການທົດລອງຈະຫຼວດໂຈມຕີເປົ້າໝາຍຂອງສະຫະລັດ ອາເມຣິກາ ເປັນອີກກໍລະນີໜຶ່ງຂອງການລະເມີດສົນທິສັນຍາ ທີ່ກຳນົດຫ້າມຈະຫຼວດ ແລະ ຂີປະນາວຸດທີ່ມີຖານທີ່ເທິງບົກທຸກຊະນິດ ແລະ ມີພິໄສການຍິງລະຫວ່າງ 500-5,500 ກິໂລແມັດ.
ຜູ້ນຳລັດເຊຍຍັງກ່າວເຖິງແຜນຍຸດທະສາດດ້ານຄວາມໝັ້ນຄົງແຫ່ງຊາດ ສະບັບໃໝ່ຂອງສະຫະລັດ ອາເມຣິກາ ທີ່ທ່ານ ໂດໂນ ທຣຳ ຖະແຫຼງເມື່ອຕົ້ນອາທິດນີ້ວ່າ ຫາກເບິ່ງໃນມຸມມອງການທູດ ເຫັນໄດ້ຢ່າງຊັດເຈນວ່າມີລັກສະນະຮຸກຮານ ແຕ່ຖ້າເບິ່ງໃນມຸມມອງທະຫານ ຈະເຫັນໄດ້ເຖິງຄວາມແຂງຂໍ້ຢ່າງຊັດເຈນ.
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
ສະແດງຄວາມຄິດເຫັນ