ລັດເຊຍ ຕິດຕັ້ງລະບົບປ້ອງກັນໄພທາງອາກາດ S-400 ຢູ່ຊາຍແດນເກົາຫຼີເໜືອ (ວິດີໂອ)
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
![](https://blogger.googleusercontent.com/img/b/R29vZ2xl/AVvXsEiz0rL9QmTZhEzxbXGJWCbBpqeHKXhm0pshxDnKEm97FlgEi_ixEjrrLcPD2ZgeDtu7tFlc1kG27do7RKEFifKjhKZQ3aYBunz2K2y3oPqXCeXJaKCPw79vedryrLdJxRAIcFXDoExkP8wt/s1600/7.jpg)
ສຳນັກຂ່າວຕ່າງປະເທດລາຍງານ 23 ທັນວາ 2017 ວ່າ: ກອງກຳລັງປະກັນໄພທາງອາກາດຂອງລັດເຊຍຖະແຫຼງວ່າ ໄດ້ຕິດຕັ້ງລະບົບປ້ອງກັນໄພທາງອາກາດແບບ S-400 ຢູ່ພູມມິພາກ ປຼີມອດສະກີ ດິນແດນທາງຕາເວັນອອກໄກຂອງລັດເຊຍ ທີ່ມີຊາຍແດນຕິດກັບເກົາຫຼີເໜືອ ເພື່ອປ້ອງກັນນ່ານຟ້າໃນພູມມິພາກດັ່ງກ່າວ.
![](https://blogger.googleusercontent.com/img/b/R29vZ2xl/AVvXsEilRXJuNCDZauKnbqsmU2D31Eb0_NWVjDxXxurjN_8xfkkAcZmsGHYGPbtrxksQIk37TgSvG2rJ2blabFnRWzZ9AgEg79gtWl_NWhUqqhgDrG7IRBXkdodhq4pH7YHw5yazZafv8hgcNagd/s1600/8.jpg)
S-400 ເປັນລະບົບປ້ອງກັນໄພທາງອາກາດໄລຍະໄກຂອງລັດເຊຍ ທີ່ເລີ່ມພັດທະນາໃນປີ 1990 ລະບົບສຳເລັດສົມບູນໃນປີ 2004 ແລະ ຖືກນຳເຂົ້າປະຈຳການໃນກອງທັບລັດເຊຍປີ 2007.
S-400 ຖືເປັນລະບົບປ້ອງກັນໄພທາງອາກາດທີ່ມີປະສິດທິພາບ ແລະ ຄວາມແມ້ນຢຳສູງ ດ້ວຍລະບົບເຣດາ 91N6E ທີ່ກວດຈັບໄດ້ໄກເຖິງ 600 ກິໂລແມັດ ແລະ ເຣດາແບບປະສົມ 92N2E ທີ່ກວດຈັບໄດ້ໄກກວ່າ 400 ກິໂລແມັດ ສາມາດປ້ອງກັນໄພທາງອາກາດໄດ້ຢ່າງຄວບຄຸມ ທັງຍົນຮົບປະເພດຕ່າງໆ, ເຄື່ອງບິນແບບບໍ່ມີຄົນຂັບ ແລະ ຂີປະນາວຸດທຸກຊະນິດ, ມີໄລຍະການຍິງຕັ້ງແຕ່ 120-400 ກິໂລແມັດ, ໂຈມຕີເປົ້າໝາຍໄດ້ພ້ອມກັນ 36 ເປົ້າໝາຍ, ດ້ວຍຄວາມໄວ 6,174 ກິໂລແມັດຕໍ່ຊົ່ວໂມງ ແລະ ລູກຈະຫຼວດມີລະບົບປ້ອງກັນການຮົບກວນ.
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
ສະແດງຄວາມຄິດເຫັນ