ເຈົ້າໜ້າທີ່ກ່າວວ່າ ສາເຫດໄຟໄໝ້ຕຶກ World Trade Center ຍ້ອນສະເກັດໄຟ
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
![](https://blogger.googleusercontent.com/img/b/R29vZ2xl/AVvXsEj54VENja0h2WQp7aVUZB-aObBjxmxfyEs6OesEPb9VPsMJxVFuJNudM_uMQpxtGR6vYUYdBUGLHs6HulhbHDyYDGkT4Lya3gFx_a8S5X_ZzmlHVrpgi0Q1gfQjfeSNJ0lr9QLjF2jMx7wM/s1600/198.png)
ໜັງສືພິມຄວາມສະຫງົບລາຍງານ 6 ທັນວາ 2017 ວ່າ: ເຈົ້າໜ້າທີ່ຕຳຫຼວດພະແນກສະກັດກັ້ນ ແລະ ຕ້ານອັກຄີໄພ ນະຄອນຫຼວງວຽງຈັນ ຖະແຫຼງເມື່ອວັນທີ 5 ທັນວາ 2017 ທີ່ຜ່ານມາວ່າ: ສາເຫດທີ່ພາໃຫ້ໄຟໄໝ້ຕຶກ World Trade Center ເມື່ອວັນທີ 3 ທັນວາ 2017 ທີ່ຜ່ານມາ ເກີດຈາກສະເກັດໄຟ ທີ່ຈອດອາຄານຕົກໃສ່ຢາງທີ່ຫຸ້ມທໍ່ແອ ເຮັດໃຫ້ໄຟລຸກໄໝ້, ສ່ວນໂຄງສ້າງຂອງອາຄານບໍ່ໄດ້ຮັບຜົນກະທົບໃດໆ ແລະ ຍັງໃຊ້ງານໄດ້ຢ່າງປົກກະຕິ, ມູນຄ່າຄວາມເສຍຫາຍປະມານ 30 ລ້ານກີບ.
ຕຶກ World Trade Center ແມ່ນຕຶກທີ່ກຳລັງຢູ່ໃນການກໍ່ສ້າງຕັ້ງຢູ່ຖະໜົນຄູວຽງ (ຂ້າງສູນການຄ້າວຽງຈັນເຊັນເຕີ), ນະຄອນຫຼວງວຽງຈັນ. ເຊິ່ງເປັນໜຶ່ງໃນໂຄງການທີ່ສຳປະທານໂດຍນາຍທຶນຈີນ ເພື່ອກໍ່ສ້າງເປັນສູນການຄ້າຂະໜາດໃຫຍ່ໃຈກາງນະຄອນຫຼວງວຽງຈັນ ທີ່ຈະເປັນບ່ອນຮອງຮັບກິດຈະກຳທາງເສດຖະກິດຕ່າງໆເຊັ່ນ: ສູນການຄ້າ, ສະຖາບັນການເງິນ, ໂຮງແຮມ ແລະ ອື່ນໆ.
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
ສະແດງຄວາມຄິດເຫັນ