ທ່ານ ປູຕິນ ປະກາດລົງເລືອກຕັ້ງຊິງຕຳແໜ່ງປະທານປະເທດລັດເຊຍ ໃນປີໜ້າ
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
![](https://blogger.googleusercontent.com/img/b/R29vZ2xl/AVvXsEh_uzN5-7dvNHmMGX_gddryD1L0NfI4N69gwcnrniM-dD0SBjhalp0jcKOd4sqZpTK0TClqpBVYk3_XxAAqjn8nI9Z6-D5aOE0PLrdBb_m4WggQsYKnGFXD-V29DhY-9pSljJbLLmqSuRDN/s1600/199.jpg)
ສຳນັກຂ່າວຕ່າງປະເທດລາຍງານເມື່ອວັນທີ 6 ທັນວາ 2017 ທີ່ຜ່ານມາວ່າ: ທ່ານ ປູຕິນ ອາຍຸ 65 ປີ ທີ່ຂຶ້ນສູ່ອຳນາດທັງໃນຕຳແໜ່ງນາຍົກລັດຖະມົນຕີ ແລະ ປະທານປະເທດ ມາຕັ້ງແຕ່ປີ 2000 ປະກາດເມື່ອວັນພຸດທີ່ຜ່ານມາວ່າ: ທ່ານຈະລົງຊິງຕຳແໜ່ງປະທານປະເທດລັດເຊຍໃນການເລືອກຕັ້ງທີ່ຈະເກີດຂຶ້ນໃນວັນທີ 18 ມີນາ 2018 ຖ້າຫາກທ່ານ ປູຕິນ ຊະນະເລືອກຕັ້ງ ຈະເປັນການຄອງອຳນາດເປັນສະໄໝທີ 4 ແລະ ຈະເຮັດໜ້າທີ່ຜູ້ນຳລັດເຊຍຕໍ່ໄປອີກເປັນເວລາ 6 ປີ ຈົນເຖິງປີ 2024.
ທ່ານ ປູຕິນ ກ່າວຕໍ່ພະນັກງານໂຮງງານຜະລິດລົດແຫ່ງໜຶ່ງໃນ ເມືອງນິສນີນອກໂກຣອດ ເມື່ອວັນພຸດທີ່ຜ່ານມາວ່າ: ທ່ານຈະຍື່ນໃບສະໝັກຊິງຕຳແໜ່ງປະທານປະເທດຂອງລັດເຊຍ ທ່າມກາງສຽງໂຮຮ້ອງ ແລະ ຕົບມືຈາກກຸ່ມຄົນງານດັ່ງກ່າວ.
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
ສະແດງຄວາມຄິດເຫັນ