ໄທຢຶດຢາບ້າ 11 ລ້ານເມັດ ນຳເຂົ້າຈາກ ສປປ.ລາວ ພ້ອມຈັບກຸມຜູ້ຕ້ອງສົງໄສໄດ້ 1 ຄົນ (ວິດີໂອ)
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
![](https://blogger.googleusercontent.com/img/b/R29vZ2xl/AVvXsEjQknzigtbYyC65uogfVcCZ8qAmLVpNgmNgRv631qI1gRmnnhFvsct56YEYEx0o80wzEfUUA1PneorySUfpGJdQiqG8gRkc40dlokCTtW29hAgKUsk5ByVKRsv-mT4ysGHT6Kx8henZzKzE/s1600/258.jpg)
ສື່ໃນໄທຫຼາຍສຳນັກລາຍງານໃນວັນທີ 23 ມັງກອນ 2018 ວ່າ: ເຈົ້າໜ້າທີ່ຮັກສາຄວາມສະຫງົບຮຽບຮ້ອຍຕາມລຳແມ່ນ້ຳຂອງ ຈັງຫວັດນະຄອນພະນົມ ຮ່ວມກັນຖະແຫຼງຂ່າວການຈັບກຸ່ມ ຢາບ້າ ຈຳນວນ 11,000,000 ເມັດ ມູນຄ່າປະມານ 2,000 ລ້ານບາດ ພ້ອມຜູ້ຕ້ອງຫາ 1 ຄົນ ສືບເນື່ອງມາຈາກເມື່ອວັນທີ 22 ມັງກອນ 2018 ທີ່ຜ່ານມາ ເຈົ້າໜ້າທີ່ໃນນະຄອນພະນົມໄດ້ຮັບແຈ້ງມາວ່າ ຈະມີເຮືອລັກລອບນຳເຂົ້າຢາເສບຕິດຈາກປະເທດເພື່ອນບ້ານ (ສປປ.ລາວ) ເຂົ້າມາບໍລິເວນບ້ານນາໜອງບົກ ຕຳບົນໄຊຍະບຸຣີ ອຳເພີທ່າອຸເທນ ຈັງຫວັດນະຄອນພະນົມ ຈຶ່ງໄດ້ວາງແຜນຊຸດດັກຊຸ້ມຈັບກຸມ.
ຕໍ່ມາເຈົ້າໜ້າທີ່ພົບເຮືອຕ້ອງສົງໄສ ມີຜູ້ໂດຍສານມານຳເຮືອປະມານ 20 ຄົນ ແລ່ນອອກມາຈາກບໍລິເວນບ້ານໃໝ່ ຂອງ ສປປ.ລາວ ຂ້າມແມ່ນ້ຳຂອງຈົນມາເຖິງບໍລິເວນຂັນໄດແພປາບ້ານນາໜອງບົກ ຊຸດດັກຊຸ້ມກັບກຸມຈຶ່ງໄດ້ສະແດງຕົວຂໍກວດຄົ້ນ ເຮັດໃຫ້ຜູ້ທີ່ຢູ່ເທິງເຮືອຕ່າງກໍ່ພາກັນໂດດນ້ຳໜີໄປຄົນລະທິດລະທາງ ເຈົ້າໜ້າທີ່ສາມາດຄວບຄຸມຕົວໄດ້ 1 ຄົນ ເປັນເຍົາວະຊົນລາວ ອາຍຸ 17 ປີ ກວດສອບຂອງກາງພົບຖົງຢາງສີດຳຂະໜາດໃຫຍ່ຈຳນວນ 37 ຖົງ ພາຍໃນບັນຈຸຢາບ້າ 11,000,000 ເມັດ ໂດຍຜູ້ຕ້ອງສົງໄສຮັບສາລະພາບວ່າ ມີໜ້າທີ່ຮັບຈ້າງສົ່ງເຄື່ອງເທົ່ານັ້ນ ສ່ວນຢາບ້າທັງໝົດເປັນຂອງກຸ່ມວ້າແດງ.
![](https://blogger.googleusercontent.com/img/b/R29vZ2xl/AVvXsEjfjC9J48lqtI4AMyOTsI32ETq6j2AxLjA78FwBn0nCsco-xfcFGJvaAjV5XgEesnmB2UzwGZ4zK8Z8LL2I-3TcR9dyqy5fl3EQCcHuuF1e8WYdB65cXZqJY_f5gB9frlRnhRSuZGqwiI79/s1600/254.jpg)
![](https://blogger.googleusercontent.com/img/b/R29vZ2xl/AVvXsEjI2zKMfs6bdzXNKkMGp06VKtVupq6sq7OSSlsgnPTvGEJR7q9jqHh5GlQAU1Y0EhShTUWk5Ah6NsnZpX8gC3YbUq40_B3j_MJwQvHLYO7LGE7BIX9S_9LkkLFQitcSmyPVIDgfPbhi77rc/s1600/255.jpg)
![](https://blogger.googleusercontent.com/img/b/R29vZ2xl/AVvXsEgZuqvZOyK2MXr-olVgSldJ2BcTqxf9f6CsYnvEhK-ToT1bRzkHhq-J_fJb_VtuHKuZtm3JGImPh00OCyIWBc8ZxHQMLnevvwgA6KsfKBp9h7bT7DqwdAzzgRpWDx_Aub_NrdWAqGq8hMTI/s1600/256.jpg)
![](https://blogger.googleusercontent.com/img/b/R29vZ2xl/AVvXsEhheLBzmalJhyphenhyphenbXFUQkJYtgRLYFUijfyGEi68QXVsTO-wo1SUmEMMINcQ5KF3mWxELVKYYAVT2JxsUKupL_zTfitiJxX0XRomh-HE_uTGpyx3NCNn1BFTT7RDAC6Li2m4uiTlS-o9RtO8D5/s1600/257.jpg)
![](https://blogger.googleusercontent.com/img/b/R29vZ2xl/AVvXsEh1k4swIMuH8Qa07X9QNk54QHLwzLiHKqQvo08vWAnmhzxjqUgs5wV_dmhfdT3dFIERaYqkwVY747JzSkPjSNxij1u5GkFqxawm1vY-Q1QIde3YXYzWjnaZfs6LLnGBHwqDwcWZsDSi0hKy/s1600/258.jpg)
![](https://blogger.googleusercontent.com/img/b/R29vZ2xl/AVvXsEitv4U3lMXKItyETyGnoPhnixxVZIocW0xhIjp9LrLQ7m-dr1G6KK-GIZfLZXETf6erJ5U0GJqdc_6ovMffUqCV714UMRgXrzNDY8L-Wf60loWiVvf1SvlMKrs9jn5Z_u_wlNf_2pB23ss4/s1600/259.jpg)
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
ສະແດງຄວາມຄິດເຫັນ